MATHAÏOS 13:8 - Khasi CL Bible (BSI)

⁸ Hynrei khyndiat ki symbai u la hap ha ka khyndew kaba bha, bad ki jingthung ki la pynmih symboh; katto katne ki la pynmih shispah tylli, kiwei pat hynriewphew tylli, bad kiwei pat laiphew tylli.”

KA BAIBL

⁸ Kiwei pat te ki la hap ha ka khyndew ka babha, bad ki la sei soh, kiba shispah shah, kiba hynriewphew shah, kiba laiphew shah ruh.

MATHAÏOS 13:8 ပူးပေါင်းရင်းမြစ်များ

JENESIS 26:12

U Isaak u la thung jingthung ha kata ka jaka, bad ha kata ka snem u ïoh ot shispah shah ïa kaba u la bet, namar U Trai u la kyrkhu ïa u.

MATHAÏOS 13:23

Bad ki symbai kiba la bet ha ka khyndew kaba bha ki ïeng na ka bynta kito kiba ïohsngew ïa ka khubor bad shemphang ïa ka: ki pynmih soh, katto katne shispah tylli, kiwei pat hynriewphew tylli, bad kiwei pat laiphew tylli.”

MATHAÏOS 13:7

Khyndiat na u symbai u la hap hapdeng ki bniap dieng shiah, kiba la san bad kjap noh ïa ki jingthung.

MARKOS 4:20

Hynrei kiwei pat ki briew ki long kum ki symbai ba la bet ha ka khyndew kaba bha. Ki ïohsngew ïa ka khubor, ki pdiang ïa ka, bad ki seisoh: katto katne laiphew, katto katne hynriewphew, bad katto katne shispah.”

MARKOS 4:8

Hynrei katto katne ki symbai ki la hap ha ka khyndew kaba bha, bad ki la shylluit, ki la san bad pynmih sohkew; katto katne ki don laiphew tylli ki sohkew, kiwei pat hynriewphew tylli bad kiwei pat shispah tylli.”

LOUKAS 8:15

Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

LOUKAS 8:8

Bad katto katne ki symbai ki la hap ha ka khyndew babha; ki jingthung ki la san bad ki la pynmih symboh, da ki spah symboh uwei uwei.” Bad U Jisu u la pynkut, “Shahshkor, te, lada phi don ki shkor!”

ÏOANNIS 15:8

Ka burom U Kpa jong nga ka paw da ka jingseisoh ba bun jong phi; bad ha kane ka rukom phi long ki synran jong nga.

Ka Shithi U Paul Sha Ki Nong Rom 7:18

Nga tip ba kaba bha kam im hapoh jong nga — kata, ha ka jinglong ba kynja doh jong nga. Naba wat la ka jingkwah ban leh ïa kaba bha ka don hapoh jong nga, ngam lah ban leh ïa ka.

PHILIPPI 1:11

Ïa ka jingim jong phi yn pyndap da ki jinglong babha shisha kiba tang U Jisu Khrist u lah ban pynmih, na ka bynta ka burom bad ka jingïaroh ïa U Blei.