MATHAÏOS 13:57 - Khasi CL Bible (BSI)

⁵⁷ Bad kumta ki la kyntait ïa u. U Jisu u la ong ha ki, “Ïa u Nongïathuhlypa la burom ha kylleng lait noh tang hapoh ka shnong jong u bad da kiba ha ka longïing jong u.”

KA BAIBL

⁵⁷ Ki la thut ruh ha u. U Jisu te u la ong ha ki, “U nongïathuhlypa um long khlem burom, hynrei, tang ha la ka ri bad ha la ïing ruh.”

MATHAÏOS 13:57 ပူးပေါင်းရင်းမြစ်များ

ISAÏAH 49:7

U Blei Bakhuid bad u nongpynim ki Israel u ong ïa uta uba shah ibeiñ, ïa uba la isih da ki jaitbynriew bad uba long u shakri jong ki nongsynshar: “Ki syiem kin ïohi ba la pyllait ïa me bad kin ïeng ban pynpaw ïa ka jingñiewburom jong ki; ki khun syiem ruh kin ïohi ïa kata, bad kin dem khrup ban pyndonburom ïa me.” Kane kan jia namar U Trai u la jied ïa la u shakri; U Blei bakhuid jong ki Israel u bat ïa la ki kular.

ISAÏAH 53:3

Ngi la ñiewbeiñ ïa u bad ngi la kyntait ïa u; u la shah ïa ka jingshitom bad jingpang. Ym don mano mano wat ban peit ïa u — ngi la leh bymsalia ïa u kum u bym long ei ei.

ISAÏAH 8:14

Namar ka jinglongkhuid baphylla jong nga, nga long kum u maw uba ki briew ki jynthut; nga long kum ka jingriam ka ban kem ïa ki briew jong ka Judah bad Israel bad ïa ki briew jong ka Jerusalem.

MATHAÏOS 11:6

A katno suk ka long ïa kito ki bym don jingartatien shaphang jong nga!”

MATHAÏOS 13:58

Namar ba kim don ka jingngeit, um shym la leh shibun ki kambah hangta.

MARKOS 6:1

U Jisu u la mihnoh na kata ka jaka bad u la leit phai pat sha la shnong; ki synran ki bud ïa u.

MARKOS 6:14

Mynta u syiem Herod u la ïohsngew shaphang kane baroh, namar ka nam U Jisu ka la phriang kylleng. Katto katne ngut ki briew ki ïa-ong, “U Ïoannis u Nongpynbaptis u la im pat! Dei na kata ka daw balei u don ïa kane ka bor ban leh ki kambah.”

MARKOS 6:3

Hato um dei uto u misteri, u khun jong ka Mari, bad u hynmen jong u Jakob, u Josis, u Judas bad u Simon? Hato ki para kynthei jong u kim shong kim sah hangne?” Bad kumta ki la kyntait noh ïa u.

MARKOS 6:4

U Jisu u la ong ïa ki, “Ïa u Nongïathuhlypa la burom ha kylleng lait noh tang ha la ka shnong bad da ki ba-ha-ïing bad ka longïing jong u.”

LOUKAS 4:24

Nga ong ha phi ïa kane,” U Jisu u la bynrap, “ïa u nongïathuhlypa ym ju pdiang sngewbha ha la ka shnong.

LOUKAS 7:23

Katno kiba suk ki long kito ki bym don jingartatien shaphang jong nga!”

ÏOANNIS 4:44

Naba ma u hi u la ong, “Ïa u nongïathuhlypa ym ju ñiewkor ha la ka jong ka ri.”

ÏOANNIS 6:42

Kumta ki la ong, “Hato une u briew um dei U Jisu, u khun jong u Joseph? Ngi ithuh ïa u kpa bad ïa ka kmie jong u. Kumno te, ba u ong mynta ba u la wan hiar na bneng?”

ÏOANNIS 6:61

Khlem da don ba ïathuh, U Jisu u la tip ba ki ïakhñium shaphang kane, kumta u la ong ha ki, “Hato kane ka pynlong ïa phi ba phin kwah iehnoh?