MATHAÏOS 13:52 - Khasi CL Bible (BSI)

⁵² Kumta u la jubab, “Kane ka mut, te, ba uwei pa uwei u nonghikai Aiñ uba long u synran hapoh ka Hima ki bneng u long kum u trai jong ka ïing uba la sei shabar ïa kiei kiei kiba thymmai bad kiba rim napoh ka kamra kynshew jong u.”

KA BAIBL

⁵² U la ong te ha ki, “Namar kata, u nongthoh baroh uba la ïoh hikai ha ka hima ki bneng, u long kum u briew uba u trai ïing, uba sei noh na ka jingkynshew jong u ïa kiei kiei ruh ki bathymmai bad barim.”

MATHAÏOS 13:52 ပူးပေါင်းရင်းမြစ်များ

ESRA 7:10

U Esra u la aiti ïa la ka jingim ha kaba pule ïa ka Hukum jong U Trai, ha kaba pyntreikam ïa ka, bad ha kaba hikai ïa baroh ki aiñ bad ki jingbuhbeit ryntih ha ki paid Israel.

ESRA 7:21

“Nga hukum ïa baroh ki rangbah synshar ka ïing jingkynshew ha ka probins jong ka Ïuphratis Sepngi ban pynbiang khlem pynslem ïa u Esra, u lyngdoh bad u riewstad ha ka Hukum jong U Blei ka Bneng, ïa kaei kaei baroh kaba u pan,

ESRA 7:6

U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

PROBERB 11:30

Ka hok ka ai jingim, hynrei ka jinglehbor ka shim noh ïa ka.

PROBERB 15:7

Ïa ka jingtip la pynphriang da ki briew kiba stad, ym da kiba bieit.

PROBERB 18:4

Ki ktien jong u briew ki lah ban long ka umpohliew ka jingstad, kaba jylliew kat ki duriaw-bah, kaba sngur kum ki wahduid batuid.

JINGRWAI SOLOMON 7:13

Phi lah ban sma ïa ka jingsma mandriek, bad baroh ki soh ba-bang ki don hajan ka jingkhang jong ngi. Ko ba-ieit nga la tyngkai na ka bynta jong phi ïa ki jingpynkmen kiba rim bad kiba thymmai.

MATHAÏOS 12:35

U briew uba bha u sei ïa kiei kiei kiba bha na ka jingkynshew jong kiei kiei kiba bha; u briew uba sniew u sei ïa kiei kiei kiba sniew na ka jingkynshew jong kiei kiei kiba sniew.

MATHAÏOS 13:51

“Hato phi shemphang ïa kine kiei kiei?” U Jisu u la kylli ïa ki. “Ho-oid,” ki la jubab.

MATHAÏOS 13:53

Haba U Jisu u la dep ïathuh ïa kine ki pharshi, u la iehnoh ïa kata ka jaka

MATHAÏOS 23:34

Bad kumta nga ong ha phi ba ngan phah ha phi ïa ki nongïathuhlypa bad ïa ki briew kiba stad bad ïa ki nonghikai; phin pynïap katto katne ngut na ki, phin sahnarphna ïa kiwei pat, bad phin sympat ïa kiwei pat ha ki synagog bad beh ïa ki na kawei ka shnong sha kawei pat.

MATHAÏOS 28:19

Kumta, khie leit, sha ki briew baroh kylleng bad pynlong ïa ki, ki synran jong nga: To pynbaptis ïa ki ha ka kyrteng jong U Kpa, U Khun, bad U Mynsiem Bakhuid,

LOUKAS 11:49

Na kane ka daw ka Jingstad jong U Blei ka la ong, ‘Ngan phah ha ki ïa ki nongïathuhlypa bad ïa ki nonglamktien; kin pynïap katto katne ngut na ki bad kin pynshitom beiñ ïa kiwei pat.’

ÏOANNIS 13:34

Bad mynta nga ai ha phi ka hukum kaba thymmai; to ïa-ieit iwei ïa iwei.

2 KORINTH 6:10

Wat haba la pynshitom, ym shym la pynïap; wat haba la pynsngewsih, ngi long borabor kiba kmen; ngi paw kum kiba duk, hynrei ngi pynriewspah ïa ki briew kiba bun; ngi paw kum ki bym don ei ei, pynban ngi don lut ïa kiei kiei baroh.

EPHESOS 3:4

(Nga la thoh khyndiat shaphang kane, bad lada phi pule ïa kaei kaba nga la thoh, phi lah ban tip shaphang ka jingsngewthuh jong nga ïa ka jingmaïan U Khrist.)

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

KOLOSSAI 1:7

Phi la ïoh tip ïa ka jingaiei jong U Blei na u Epaphras, u para shakri ba-ieit jong ngi, uba long u nongtrei baïaineh jong U Khrist na ka bynta jong ngi.

KOLOSSAI 3:16

Ka khubor jong U Khrist ha ka jingdap pura jong ka baroh, ka dei ban im hapoh ki dohnud jong phi. To hikai bad kyntu iwei ïa iwei pat da ka jingstad baroh. To rwai ki salm, ki jingrwai, bad ki jingrwai bakyntang; to rwai sha U Blei da ka jingainguh ha ki dohnud jong phi.

1 TIMOTHI 3:6

U dei ban long uba la rangbah bha ha ka jingngeit, khnang ba un ym kylla sngewmeng bad yn ïoh pynrem, kumba u Ksuid u la long.

TITOS 1:9

U dei ban long uba batskhem ïa ka khubor kaba lah ban shaniah bad kaba ïadei bad ka jinghikai shongtynrai. Ha kane ka rukom un lah ban ai mynsiem ïa kiwei da ka jinghikai bashisha bad ban pyn-i ruh ïa ka jingbakla jong kito kiba ïeng pyrshah ïa ka.