MATHAÏOS 13:5 - Khasi CL Bible (BSI)

⁵ Khyndiat pat u la hap halor ka jaka maw ha kaba don tang khyndiat ka khyndew. Shen ki symbai ki la speh, namar ka khyndew kam da jylliew.

KA BAIBL

⁵ Kiwei pat de ki la hap halor ki jaka maw ha ka bymdon bun khyndew; kumne kumne ruh ki la mih, naba kam long jylliew ka khyndew:

MATHAÏOS 13:5 ပူးပေါင်းရင်းမြစ်များ

ESEKIEL 11:19

Ngan ai ha ki ka dohnud bathymmai bad ka jingmut bathymmai. Ngan shim noh ïa ka dohnud maw ba-mutlop bad ngan ai ha ki ka dohnud bakohnguh.

ESEKIEL 36:26

Ngan ai ha phi ïa ka dohnud kaba thymmai bad ïa ka jingmut kaba thymmai. Ngan khlaw noh na phi ïa ka dohnud maw ba-eh rang jong phi, bad ngan ai ha phi ka dohnud kaba kohnguh.

AMOS 6:12

Hato ki kulai ki ju mareh halor ki mawsiang? Hato ki briew ki ju lur ïa ka duriaw da ki masi dab? Pynban phi la pynkylla ïa ka jingbishar hok sha ka bih, bad ïa kaba dei sha ka bymdei.

SEKHARAÏAH 7:12

bad ki pynlong ïa ki dohnud jong ki, kiba eh kum u mawsiang. Namar ba kim shym la shahshkor ïa ka jinghikai kaba nga la phah lyngba ki nongïathuhlypa kiba la im slem bah, nga la bitar shikatdei eh.

MATHAÏOS 13:20

Ki symbai kiba la hap ha ka jaka mawsiang ki ïeng na ka bynta kito kiba pdiang ïa ka khubor da kaba kmen mar ïa ïohsngew ïa ka.

MATHAÏOS 13:4

Katba u dang bet ïa u symbai ha ka lyngkha, khyndiat na u symbai u la hap ha lynter ka lynti ïaid kjat, bad ki sim ki la wan bad bam noh.

MATHAÏOS 13:6

Hynrei haba ka sngi ka la mih, ka thang ïa ki jingthung ba dang lung; bad namar ba ki thied kim da ngam jylliew bha, shen ki jingthung ki la ïap tyrkhong.

MARKOS 4:16

Kiwei pat ki briew ki long kum ki symbai kiba hap ha ka khyndew ba long maw. Ki tang shu ïohsngew ïa ka khubor, ki pdiang ïa ka da kaba kmen.

MARKOS 4:5

Katto katne na u, u la hap ha ka khyndew ba long maw, ha ka jaka ba duna khyndew. Tang katto katne por ki symbai ki la shylluit, namar ka khyndew kam da jylliew.