MATHAÏOS 13:47 - Khasi CL Bible (BSI)

⁴⁷ “Kumjuh, ka Hima ki bneng ka long kumne. Katto katne ki nongtong dohkha ki bret ïa ka jar jong ki hapoh ka duriaw bad ki ïoh bun jait ki dohkha.

KA BAIBL

⁴⁷ “Pat, ka hima ki bneng ka long kum ka jar ïa kaba la bred ha ka duriaw, bad kaba ïalum na ki jaid baroh;

MATHAÏOS 13:47 ပူးပေါင်းရင်းမြစ်များ

ESEKIEL 47:10

Na ki Umpohliew ka Engedi shi lynter sha ki Umpohliew ka Eneglaim, kin don ki nongtong dohkha ha ki rud duriaw, bad kin phriang ïa la ki jar hangta ban rkhiang. Kin don bun jait ki dohkha katba don ha ka Duriaw Mediterranian.

MATHAÏOS 13:44

“Ka Hima ki bneng ka long kumne. U briew ryngkhat u shem ïa ka jingkynshew ba la buhrieh hapoh ka lyngkha. U tap pat ïa ka, bad u kmen haduh katta katta ba u leit bad die ïa kiei kiei baroh kiba u la don, bad nangta u leit pat bad thied ïa kata ka lyngkha.

MATHAÏOS 13:46

bad haba u la shem ïa uwei uba ikordor tam, u leit bad die lut ïa kaei kaei kaba u la don, bad u thied ïa uta u mawlynnai.

MATHAÏOS 13:48

Haba ka jar ka la dap, ki la tan ïa ka sharud duriaw bad ki la ïashong ban pynbynta ïa ki dohkha: ïa kiba bha sha ki jingdiang jong ki, bad ïa ki bymmyntoi la bret noh.

MATHAÏOS 4:19

U Jisu u la ong ha ki, “To wan bad nga, bad ngan hikai ïa phi ban tong briew.”

MARKOS 1:17

U Jisu u la ong ïa ki, “Wan bad nga, bad ngan hikai ïa phi ban tong ïa ki briew.”

LOUKAS 5:10

Kajuh ka la long ïa ki paralok jong u Simon, u Jakob bad u Ïoannis, ki khun shynrang jong u Sebedi. U Jisu u la ong ha u Simon, “Wat sheptieng; naduh mynta men long u nongtong briew.”

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

ÏOANNIS 15:6

Ïa uno uno u bymïaineh ha nga yn bret noh ïa u kum ka tnat bad u ïap tyrkhong; kum ïa kita ki tnat, la lumlang bad la bret noh ha ka ding, ha kaba la thang ïa ki.

KI KAM 20:30

Ka por kan wan ha kaba katto katne ngut ki briew na ka kynhun jong phi kin ïathuh ki jinglamler ban ïalam noh ïa ki parabangeit ban bud ïa ki.

1 KORINTH 11:19

(Khlem artatien ka don ka jingïapait hapdeng jong phi khnang ba yn ithuh shai ïa kita kiba leh ïa kaba dei.)

2 KORINTH 11:26

Ha ki jingleit jong nga kiba bun nga la don ha ka jingma na ki jingshlei um bad na ki nonglute, ha ka jingma na ki para Jiw bad na ki Jentil; ki la don ki jingma ha ki nongbah, ki jingma ha ki ri khlaw, ki jingma ha ki duriaw-bah, bad ki jingma na ki paralok kiba shukor.

GALATIA 2:4

wat la don katto katne ngut kiba kwah ban pyndep ïa ka. Da kaba leh mynleh kum ki parabangeit, kine ki rangbah ki la ïohrung shapoh ka kynhun jong ngi kum ki nongsyntiat, khnang ban lap shaphang ka jinglaitluid kaba ngi la mad da ka jingpynïasoh jong ngi ha U Khrist Jisu.

JINGPYNPAW 3:1

“Thoh ha u angel jong ka balang ha Sardis: “Kane ka long ka khubor na uta uba don ki hynñiew ki mynsiem jong U Blei bad ki hynñiew ki khlur. Nga tip ïa kaei kaba pha leh; nga tip ba pha don ka nam babha ba pha long kaba im, wat la pha la ïap!