MATHAÏOS 13:33 - Khasi CL Bible (BSI)

³³ U Jisu u la ïathuh ha ki sa kawei pat ka pharshi. “Ka Hima ki Bneng ka long kumne. Ka briew ka shim khyndiat u thiat bad ka khleh ïa u bad sawphew kilo u purew tad haduh ba u 'purew ba la khleh u sieb.”

KA BAIBL

³³ U la kren ïa kawei pat ka pharshi ha ki: “Ka hima ki bneng ka long kum u thiat, ïa uba ka la shim ka kynthei, bad ka la btep ha ki lai pyrha u 'purew, tad ynda u la sieb baroh.”

MATHAÏOS 13:33 ပူးပေါင်းရင်းမြစ်များ

JENESIS 18:6

Te u Abraham u leit rung kyrkieh sha la ka ïingjaiñ bad u ong ha ka Sarah, “Kloi kloi, shim shi byrni u 'purew uba ni, khleh bad sa shet kpu.”

2 SAMUEL 13:6

Kumta u Amnon u leit thiah bad u la leh mynleh kum uba pang. U Syiem Dabid u la leit jngoh ïa u, bad u Amnon u ong ha u, “Sngewbha shah ïa i Tamar ban wan bad shet katto katne ki kpu hangne ha kaba nga lah ban ïohi ïa i, bad nangta in ai bam ïa nga da ma i hi.”

Ka Kitab U Job 17:9

Kito kiba dawa ba ki long kiba donburom ki la nang sngewdei shuh shuh ba kim shym la bakla.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

HOSIA 6:3

To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

MATHAÏOS 13:24

U Jisu u la ïathuh ha ki ïa kawei pat ka pharshi: “Ka Hima ki bneng ka long kumne. U briew u la bet ïa u symbai babha hapoh ka lyngkha jong u.

MARKOS 13:20

Hynrei U Trai u la pynduna ïa ka jingjlan jong kita ki sngi; lada um shym la leh kumta, yn ym don u ban lait im. Hynrei, na ka bynta ki briew ba la jied jong u, u la pynduna ïa kita ki sngi.

LOUKAS 13:21

Ka long kumne. Ka kynthei ka shim khyndiat u thiat bad ka khleh ïa u bad sawphew kilo u 'purew tad haduh ba ka lyngngun kpu baroh kawei ka sieb.”

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

GALATIA 5:9

“Ka donkam tang khyndiat u thiat ban pynsieb ïa ka shi lyngngun u kpu,” kumba ki ong.

PHILIPPI 1:6

Bad kumta nga sngewskhem ba U Blei, uba la sdang ïa kane ka kam babha ha phi, un ïai trei ha phi haduh ba yn da pyndep ïa ka ha kata ka Sngi jong U Khrist Jisu.

PHILIPPI 1:9

Nga duwai ba ka jingieit jong phi kan nang ïoh roi kyrhai shuh shuh, ryngkat bad ka jingtip bashisha bad ka jingbishar bajanai; khnang ba phi lah ban jied ïa kaei kaba bha tam.

2 PETROS 3:18

Hynrei to phin nang roi ha ka jingaiei bad ka jingtip ïa U Jisu Khrist uba U Trai bad U Nongpynim jong ngi. Ha u, to long ka burom, mynta bad shaduh bymjukut! Amen.

NONGBISHAR 6:19

Kumta u Gideon u la leit sha la ïing bad u shet uwei u khunblang bad u la pyndonkam shiphew kilo u 'purew ban shet ïa u kpu khlem thiat. U buh ïa ka doh ha ka shang bad ïa ka syrwa hapoh u khiew, u la wallam ïa ki sha u angel jong U Trai ha trai u dieng Sning, bad u ai ïa ki ha u.

1 SAMUEL 1:24

Hadien ba ka la pyniehnoh buiñ ïa u, ka leit ïalam ïa u sha Shiloh ryngkat bad uwei u masi uba dang lai snem, shiphew kilo u 'purew, bad shi pla snieh ka waiñ. Ka ïalam ïa u Samuel, wat la u dang khynnah eh, sha ka ïing U Trai ha Shiloh.