MATHAÏOS 13:3 - Khasi CL Bible (BSI)

³ U la pyndonkam ïa ki pharshi ban ïathuh ïa ki shibun kiei kiei. “Shisien la don u briew uba la mihnoh ban bet symbai.

KA BAIBL

³ Bad U la kren ha ki, bun kiei kiei ruh ha ki pharshi, U da ong: “Ha khmih, u nongbet u la leit noh ban bet.

MATHAÏOS 13:3 ပူးပေါင်းရင်းမြစ်များ

SALM 49:4

Ngan pynphai ïa ka jingmut jong nga sha ki proberb bad ngan batai ïa ki jingmut jong ki katba nga dang tem ïa ka duitara.

SALM 78:2

Nga sa pyndonkam ïa ki jingkren bastad bad batai ïa ki jingmaïan na mynbarim,

ESEKIEL 17:2

“Ko khun u briew,” u la ong, “ïathuh ka pharshi ha ki Israel

ESEKIEL 20:49

Hynrei nga la pyrshah, “A Trai Nongsynshar, wat pynlong ïa nga ban leh ïa kata! Uwei uwei baroh u la lah khñium ba nga ju kren borabor ha ki jingkyntip.”

MIKAH 2:4

Haba kata ka por ka poi, ki briew kin pyndonkam ïa ka jingïathuhkhana jong phi kum ka nuksa ïa ka jingpynjot, bad kin rwai ïa kane ka jingrwai sngewsih ïa ka jingshem jong phi: “La pynjot thiaw ïa ngi! U Trai u la shim noh ïa ka ri jong ngi bad u la ai ïa ka sha kito kiba la ring koidi ïa ngi.”

HABAKKUK 2:6

Ki briew kiba la shahjop ki beiñ pyrshah ïa kiba jop ïa ki bad ki pyn-i jingisih ïa ki. Kin ong, “Phi shim ïa kaei ka bym dei ka jong phi, hynrei phi long ba la tim! Katno slem phin ïailong kiba riewspah da kaba pynbor ïa ki nongshim ram jong phi ban siew noh?”

MATHAÏOS 13:4

Katba u dang bet ïa u symbai ha ka lyngkha, khyndiat na u symbai u la hap ha lynter ka lynti ïaid kjat, bad ki sim ki la wan bad bam noh.

MATHAÏOS 13:53

Haba U Jisu u la dep ïathuh ïa kine ki pharshi, u la iehnoh ïa kata ka jaka

MATHAÏOS 22:1

U Jisu u pyndonkam biang ïa ki pharshi ha kaba kren ïa ki briew.

MATHAÏOS 24:32

“Ai ba u dieng Dumbur un hikai ïa phi. Haba ki tnat jong u ki jyrngam bad khie lung bad u sdang ban sei sla, phi tip ba ka lyiur ka la jan.

MARKOS 12:1

Nangta, U Jisu u la kren ha ki ha ki pharshi: “Shisien la don u briew uba don ka bri sohwaiñ, u la thaw ka jingker baroh sawdong jong ka, u la tih ka thliew ban khñiot sohwaiñ, bad u la thaw ka jaka ap phira. Nangta u la aiwai ïa ka bri sohwaiñ sha ki nongshimwai bad u la mih na ïing ban leit jingleit.

MARKOS 12:12

Ki nongïalam jong ki Jiw ki la pyrshang ban kem ïa U Jisu, namar ki la tip ba u la ong ïa kane ka pharshi pyrshah ïa ki. Hynrei ki la sheptieng ïa u paidbah, kumta ki la iehnoh ïa u bad ki la leit noh.

MARKOS 3:23

Kumta U Jisu u la khot ïa ki ha u bad u la kren ïa ki ha ki pharshi: “Kumno u Soitan u lah ban beh noh ïa u Soitan?

MARKOS 4:13

Te U Jisu u la kylli ïa ki, “Hato phim sngewthuh ïa kane ka pharshi? Kumno, te phi lah ban sngewthuh ïa kiwei pat ki pharshi?

MARKOS 4:33

U Jisu u la ïalap ïa ka khubor jong u ha ki briew, u da pyndonkam shibun kiwei pat ki pharshi kum kine; u la ïathuh shibun ïa ki kat kaba ki lah ban sngewthuh.

LOUKAS 12:41

U Petros u la ong, “Ko Trai hato kane ka pharshi ka dei na ka bynta jong ngi, ne me mut ïa ka na ka bynta uwei pa uwei baroh?”

LOUKAS 8:10

bad u la jubab, “Ïa ka jingtip ïa kiba rieh jong ka Hima U Blei la ai ha phi, hynrei ha kiwei pat ka wan ha ki pharshi, khnang ba ki lah ban peit hynrei kim ïohi, bad shahshkor hynrei kim shemphang.

ÏOANNIS 16:25

“Nga la pyndonkam da ki rukom kren bapher ban ïathuh ïa phi ïa kine kiei kiei. Hynrei ka por kan poi haba ngan ym pyndonkam ïa ki rukom kren bapher, hynrei ngan kren ha phi da kaba shai kdar shaphang U Kpa.