MATHAÏOS 13:23 - Khasi CL Bible (BSI)

²³ Bad ki symbai kiba la bet ha ka khyndew kaba bha ki ïeng na ka bynta kito kiba ïohsngew ïa ka khubor bad shemphang ïa ka: ki pynmih soh, katto katne shispah tylli, kiwei pat hynriewphew tylli, bad kiwei pat laiphew tylli.”

KA BAIBL

²³ Hynrei, uta ïa uba la bet ha ka khyndew ka babha, u long uta uba ïohsngew ïa kata ka ktien bad uba da sngewthuh ïa ka; uba sei soh ruh, bad ba pynmih ruh uba shispah shah, uba hynriewphew shah, uba laiphew shah ruh.”

MATHAÏOS 13:23 ပူးပေါင်းရင်းမြစ်များ

ESEKIEL 18:31

To iehnoh ïa kaba sniew baroh kaba phi leh bad pynïoh ïa lade ki jingmut bad ka dohnud kiba thymmai. Balei ma phi ki Israel phi kwah ban ïap?

ESEKIEL 36:26

Ngan ai ha phi ïa ka dohnud kaba thymmai bad ïa ka jingmut kaba thymmai. Ngan khlaw noh na phi ïa ka dohnud maw ba-eh rang jong phi, bad ngan ai ha phi ka dohnud kaba kohnguh.

MATHAÏOS 12:33

“Ban ïoh ïa u soh uba bha phi dei ban don u dieng uba plung bha; lada phi don u dieng uba swai, phin ïoh u soh uba sniew. Ïa u dieng la tip da u jait soh ba u pynmih.

MATHAÏOS 13:8

Hynrei khyndiat ki symbai u la hap ha ka khyndew kaba bha, bad ki jingthung ki la pynmih symboh; katto katne ki la pynmih shispah tylli, kiwei pat hynriewphew tylli, bad kiwei pat laiphew tylli.”

MATHAÏOS 3:10

Ïa u sdie la pynkhreh ban khet ïa ki dieng na ki thied; ïa uwei pa uwei u dieng u bym sei ki soh babha yn khet noh bad bret ha ka ding.

MATHAÏOS 3:8

To leh ïa kito kiei kiei ki ban pyn-i ba phi la phai noh na ki pop jong phi.

MARKOS 10:15

Nga kren skhem ïa phi ba uno uno u bym pdiang ïa ka Hima U Blei kum u khynnah un ym lah lano lano ruh ban rung hapoh jong ka.”

MARKOS 4:20

Hynrei kiwei pat ki briew ki long kum ki symbai ba la bet ha ka khyndew kaba bha. Ki ïohsngew ïa ka khubor, ki pdiang ïa ka, bad ki seisoh: katto katne laiphew, katto katne hynriewphew, bad katto katne shispah.”

LOUKAS 13:9

Te lada u dieng u pynmih soh Dumbur ha ka snem kaba bud, katta kan kham bha; lymda kumta, te phi lah ban phah khet noh ïa u.’ ”

LOUKAS 8:15

Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

LOUKAS 8:8

Bad katto katne ki symbai ki la hap ha ka khyndew babha; ki jingthung ki la san bad ki la pynmih symboh, da ki spah symboh uwei uwei.” Bad U Jisu u la pynkut, “Shahshkor, te, lada phi don ki shkor!”

ÏOANNIS 15:16

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 8:47

Uta uba wan na U Blei u shahshkor ïa ki ktien U Blei. Phi, pynban, phim dei na U Blei, bad dei na kata ka daw balei ba phim shahshkor.”

KI KAM 16:14

Kawei na kito kiba la ïohsngew ïa ngi ka dei ka Lydia kaba na Thiatira, ka dei ka nongdie ïa ka jaiñ sawbthuh. Ka long ka briew kaba mane ïa U Blei, bad U Trai u la plie ïa ka jingmut jingpyrkhat jong ka ban pynshahshkor ïa kaei kaba u Paul u ong.

KI KAM 17:11

Ki briew hangta ki long kiba kham ïar jingmut ban ïa ki briew kiba ha Thessaloni. Ki la shahshkor ïa ka khubor da ka jingangnud bakhraw, bad man ka sngi ki ju pule bniah ïa ki Jingthoh Bakhuid ban khmih lada kaei kaba u Paul u ong ka long kaba shisha.

2 KORINTH 9:10

Bad U Blei, uba ai ïa u symbai ban bet bad ïa u kpu ban bam, un pynbiang ïa phi da u symbai baroh ba phi donkam bad un pynlong ïa u ban san bad un pynmih ïa ka jingot kaba khraw na kata ka jinglehsbun jong phi.

PHILIPPI 1:11

Ïa ka jingim jong phi yn pyndap da ki jinglong babha shisha kiba tang U Jisu Khrist u lah ban pynmih, na ka bynta ka burom bad ka jingïaroh ïa U Blei.

PHILIPPI 4:17

Ym dei tang namar ba nga shu kwah ban ïohpdiang ïa ki jingai sngewbha jong phi; pynban, nga kwah ban ïohi ba la pynlang ïa ka jingïohnong ha ka jingbuh jingkheiñ jong phi.

KOLOSSAI 1:10

Nangta phin lah ban im kumba U Trai u kwah bad ba phin ïai leh borabor ïa kaei kaba pynsngewbha ïa u. Ka jingim jong phi kan pynmih ïa baroh ki jingleh babha babun jait, bad phin san ha ka jingtip jong phi ïa U Blei.

KOLOSSAI 1:6

Ka gospel ka ïai wallam ki jingkyrkhu bad ka par kylleng ka pyrthei, kumba ka la long hapdeng jong phi naduh kata ka sngi kaba phi la ïohsngew nyngkong shaphang ka jingaiei jong U Blei bad phi la tip ïa ka kumba ka long shisha.

1 THESSALONI 4:1

Ha kaba wai noh, ko parabangeit jong ngi, phi la ïohnang na ngi kumno phi dei ban im khnang ban pynsngewbha ïa U Blei. Kane ka long da shisha, kumno phi la ju im. Bad mynta ngi kyrpad bad kyntu ïa phi ha ka kyrteng jong U Trai Jisu ban leh kham bha shuh shuh.

2 THESSALONI 2:10

bad un pyndonkam ïa kawei pa kawei ka jingshukor bymman ha kito ki ban sa jot noh. Kin jot noh namar ba kim pdiang sngewbha bad ieit ïa ka jingshisha khnang ba kin ïoh im.

HEBRU 4:2

Naba ngi la ïohsngew ïa ka Khubor Babha, kumba ma ki ruh ki la ïohsngew. Ki la ïohsngew ïa ka khubor, hynrei kam shym la myntoi ei ei ruh ïa ki, namar haba ki la ïohsngew ïa ka, kim shym la pdiang ïa ka da ka jingngeit.

HEBRU 6:7

U Blei u kyrkhu ïa ka khyndew kaba kjit noh ïa u slap uba hap bunsien ha ka bad kaba pynmih ïa ki jingthung kiba ai jingmyntoi na ka bynta kita kiba rep ha ka.

HEBRU 8:10

Mynta, kane ka long ka jutang ïa kaba ngan pynlong bad ki paid Israel ha ki sngi ki ban wan, ong U Trai: Ngan buh ïa ki hukum jong nga ha ki jingmut jong ki, bad ngan thoh ïa ki ha ki dohnud jong ki; ngan long U Blei jong ki, bad ki kin long u paidlang jong nga.

2 PETROS 3:18

Hynrei to phin nang roi ha ka jingaiei bad ka jingtip ïa U Jisu Khrist uba U Trai bad U Nongpynim jong ngi. Ha u, to long ka burom, mynta bad shaduh bymjukut! Amen.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.