MATHAÏOS 13:22 - Khasi CL Bible (BSI)

²² Ki symbai kiba hap hapdeng ki bniap shiah ki ïeng na ka bynta kito kiba ïohsngew ïa ka khubor; hynrei ki jingkhuslai shaphang kane ka jingim bad ka jingieit ïa ka spah ki kjap ïa ka khubor, bad kim pynmih soh.

KA BAIBL

²² Uta te ïa uba la bet hapdeng ki dieng shiah, long uta uba ïohsngew ïa kata ka ktien; hynrei, ka jingkhuslai kane ka pyrthei, bad ka jingshukor ka spah, ki ïakjap ïa kata ka ktien, te kam sei soh shuh.

MATHAÏOS 13:22 ပူးပေါင်းရင်းမြစ်များ

SALM 52:7

“Ha Khmih, hangne don u briew u bym shym shaniah ha U Blei na ka bynta ka jingshngain, hynrei u shaniah pynban ha ka jingkynrei ka spah jong u bad u wad ïa ka jingïada ha ka jingbymman.”

SALM 62:10

Wat buh ïa la ka jingshaniah ha ka jinglehbor; wat kyrmen ban ïoh myntoi ei ei da ka jinglute; wat haba ka spah jong phi ka roi, wat shaniah ha ka.

PROBERB 11:28

Kito kiba shaniah ha ka spah jong ki, kin hap kum ki sla jong ka synrai, hynrei kiba hok kin roi kyrhai kum ki sla jong ka lyiur.

PROBERB 23:5

Ka pisa jong phi kan jah noh tang ha ka shikhyllipmat, kum kaba don thapniang bad ka her noh kum ka pukni.

EKLESIASTIS 4:8

Hangne don uwei uba shong basah marwei. Um don khun shynrang lymne u para, pynban u ïai trei, um ju sngewhun ïa ka spah kaba u don. Na ka bynta jongno ba u trei shitom haduh katta katta bad ba u khanglad ïa lade hi na kano kano ka jingpynsngewbha? Kane ruh ka long ka bymmyntoi — bad ka lynti ba-isangsot ban im.

JEREMAÏAH 4:3

U Trai u ong ha ki briew jong ka Judah bad Jerusalem, “To lur ïa ki lyngkha jong phi ki bym pat ju lur; wat bet ïa ki symbai jong phi hapdeng ki shiah.

MATHAÏOS 12:32

Uno uno uba kren ei ei pyrshah ïa U Khun U Briew u lah ban ïoh jingmap; hynrei uno uno uba kren ei ei pyrshah ïa U Mynsiem Bakhuid un ym ïoh jingmap — mynta lane junom.

MATHAÏOS 13:39

bad u nongshun uba la bet ïa ki ñiut u long u Ksuid. Ka jingot ka long kaba kut jong ka Ïa, bad ki nongot ki long ki angel.

MATHAÏOS 13:40

Kumba ïa ki ñiut la lumlang bad la thang ïa ki hapoh ka ding, kumta kajuh hi kan jia ha kaba kut ka Ïa:

MATHAÏOS 13:7

Khyndiat na u symbai u la hap hapdeng ki bniap dieng shiah, kiba la san bad kjap noh ïa ki jingthung.

LOUKAS 12:15

Bad u la ïai kren ha ki baroh, “To khmih bha bad sumar ïa lade na kano kano ka jait jinglalot; namar ba ïa ka jingim bashisha jong u briew ym shym la pynlong da kiei kiei kiba u don, kam pher haduh katno u lah ban long uba riewspah.”

LOUKAS 12:21

Bad U Jisu u la pynkut, “Kane ka long kumno kan jia ha kito kiba kynton ka spah na ka bynta ïa lade hynrei ki bym riewspah ha ka jingkhmih jong U Blei.”

LOUKAS 21:34

“Sumar bha! Wat pynlut por shaba palat ha ka jingkhawai bad ka jingïadih bad ha ki jingkhuslai jong kane ka jingim, ïoh ba kata Ka Sngi kan kem kynsan ïa phi kum ka jingriam.

LOUKAS 8:14

Ki symbai kiba la hap hapdeng ki bniap shiah ki ïeng na ka bynta kito kiba ïohsngew; hynrei ki jingkhuslai bad ka spah bad ki jingsngewbha jong kane ka jingim ki ïatyllep bad kjap ïa ki, bad ki soh jong ki kim ju ih.

KI KAM 8:18

U Simon u la ïohi ba la ai ïa U Mynsiem ha ki bangeit haba ki apostol ki la buh ïa la ki kti halor jong ki. Kumta u la tyrwa pisa ha u Petros bad u Ïoannis,

Ka Shithi U Paul Sha Ki Nong Rom 12:2

To wat pynïasyriem ïa lade bad ki rukom jong kane ka pyrthei, hynrei to ai ba U Blei un pynkylla dur ïa kaba shapoh jong phi da ka jingpynkylla ïa ka jingmut jingpyrkhat jong phi baroh. Te phin lah ban tip ïa ka mon U Blei — kaei kaba bha bad kaba pynsngewbha ïa u bad kaba janai.

1 KORINTH 1:20

Kumta te, hangno kata ka buh ïa kiba stad? lane ki riewshemphang? lane ki nongïatainia batbit jong kane ka pyrthei? U Blei u la pyn-i ba ka jingstad jong kane ka pyrthei ka long ka jingibieit!

1 KORINTH 2:6

La katta ruh, nga pynbna ïa ka khubor jong ka jingstad sha kito kiba la san ha ka jinglong mynsiem. Hynrei, kam long ka jingstad jong kane ka pyrthei lane jong ki bor kiba synshar ïa kane ka pyrthei — ki bor ki ban sa duh noh ïa ka bor jong ki.

1 KORINTH 2:8

Ym don uwei ruh na ki nongsynshar jong kane ka pyrthei, uba la tip ïa kane ka jingstad. Lada ki la tip ïa ka, kin ym da la sahnarphna ïa U Trai ka burom.

1 KORINTH 3:18

Wat ai ba uno uno un shukor ïa lade hi. Lada uno uno napdeng jong phi u pyrkhat ba u long uba stad da ka jingthew jong kane ka pyrthei, u dei ban long uba bieit khnang ba un long uba stad da shisha.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

GALATIA 1:4

Khnang ban pyllait ïa ngi na kane ka juk basniew kaba mynta, U Khrist u la aiti ïa lade na ka bynta ki pop jong ngi, da kaba kohnguh ïa ka mon U Blei bad U Kpa jong ngi.

EPHESOS 2:2

Ha kata ka por phi bud ïa ka rukom im basniew jong ka pyrthei; phi la kohnguh ïa u nongsynshar jong ki bor mynsiem ha ka haw haw, u mynsiem uba synshar mynta ïa ki briew ki bymkohnguh ïa U Blei.

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.

2 TIMOTHI 4:10

U Demas u la kham noh ha ki kam pyrthei bad u la iehnoh ïa nga, bad u la leit noh sha Thessaloni. U Kreskens u la leit sha Galatia; u Titos sha Dalmatia.