MATHAÏOS 13:19 - Khasi CL Bible (BSI)

¹⁹ Kito kiba ïohsngew ïa ka khubor shaphang ka Hima hynrei ki bymshemphang ïa ka, ki long kum ki symbai kiba la hap ha shi lynter ka lynti ïaid kjat. Uta u Basniew u wan bad u knieh noh ïa kaei kaba la bet hapoh jong ki.

KA BAIBL

¹⁹ Haba uno uno ruh u ïohsngew ïa ka ktien ka hima bad um sngewthuh ïa ka, u bymman u wan bad u rong noh ïa kata ïa kaba la bet ha ka dohnud jong u. Une u long uta ïa uba la bet harud lynti.

MATHAÏOS 13:19 ပူးပေါင်းရင်းမြစ်များ

PROBERB 1:7

Ban ïoh ïa ka jingtip, nyngkong phi dei ban don ka jingtiengburom ïa U Trai. Ki briew kiba mutlop kim don ka jingñiewkor ïa ka jingstad bad ki kyntait ban shah hikai.

PROBERB 17:16

Kam wanrah ei ei kaba bha lada pynlut pisa ha ka jingpynnang pynstad ïa uba bieit, namar um don jingshemphang satia.

ESEKIEL 31:18

“U dieng u dei u syiem ka Ijipt bad ki briew jong u baroh. Wat ki dieng ha Eden kim lah ban jrong ne ban ikhain kum ma u. Hynrei mynta, kum ki dieng ha Eden, un hiar shapoh sha ka pyrthei kiba ïap bad ïasoh lem bad ki bymriewblei bad kito kiba la ïap ha ka thma, nga la kren,” ong U Trai Nongsynshar.

MATHAÏOS 12:26

Kumta lada kawei ka kynhun ka ïaleh ïa kawei pat ka kynhun hapoh ka hima jong u Soitan, kane ka mut ba ka la da ïaphiah ha ki kynhun bad shen kan sa khyllem ha ka jingpra!

MATHAÏOS 13:20

Ki symbai kiba la hap ha ka jaka mawsiang ki ïeng na ka bynta kito kiba pdiang ïa ka khubor da kaba kmen mar ïa ïohsngew ïa ka.

MATHAÏOS 13:38

ka lyngkha ka long ka pyrthei; u symbai babha u long ki briew kiba long ki jong ka Hima; ki ñiut ki long ki briew kiba long ki jong Uta u Basniew;

MATHAÏOS 4:23

U Jisu u la leit kylleng ka Galilaïa, u da hikai ha ki Synagog, u da ïalap ïa ka Khubor Babha shaphang ka Hima ki Bneng, bad u da pynkhiah ïa ki briew kiba la don baroh ki jait jingpang bad jingshitom.

MATHAÏOS 5:37

Shu ong ‘Ho-oid’ lane ‘Em’ — kano kano kawei pat kaba phi ong ka wan na Uta uba Sniew.

MARKOS 4:15

Katto katne ngut ki briew ki long kum ki symbai kiba hap ha ka lynti ïaid; ki tang shu ïohsngew ïa ka khubor, u Soitan u wan bad u shim noh ïa ka.

LOUKAS 10:9

pynkhiah ïa kiba pang ha kata ka shnong, bad ong ha ki briew hangta, ‘Ka Hima U Blei ka la wan hajan jong phi.’

LOUKAS 9:2

Nangta u la phah ïa ki ban ïalap ïa ka Hima U Blei bad ban pynkhiah ïa kiba pang,

ÏOANNIS 18:38

“Bad kaei kata ka jingshisha?” u Pilat u la kylli. Nangta u Pilat u la mihpat shabar sha ki paidbah bad u la ong ha ki, “Ngam lap kano kano ka daw ban pynrem ïa u.

ÏOANNIS 8:43

Balei phim sngewthuh ïa kaei kaba nga ong? Ka long namar ba phim lah shah ban sngap ïa ka khubor jong nga.

KI KAM 17:32

Haba ki la ïohsngew ba u Paul u kren shaphang ka jingmihpat na ka jingïap, katto katne na ki, ki la rkhiebeiñ ïa u, hynrei kiwei pat ki la ong, “Ngi kwah ban ïohsngew ba men kren biang ïa kane.”

KI KAM 18:15

Hynrei namar ba ka long ka jingïatainia shaphang ki ktien bad ki kyrteng bad shaphang ka hukum jong phi, phi hi phi dei ban ïapynbeit ïa ka. Ngan ym long u nongbishar ïa kine kiei kiei!”

KI KAM 20:25

“Nga la ïaid kylleng hapdeng jong phi baroh, da kaba ïalap ïa ka Hima U Blei. Bad mynta nga tip ba ym don mano mano na phi ki ban dang ïohi shuh ïa nga.

KI KAM 28:23

Kumta ki la buh sngi bad u Paul, bad kham bun na ki, ki la ïawan ha kata ka sngi ha ka jaka ha kaba u Paul u la sah. Naduh mynstep haduh da miet u la batai ha ki ïa ka khubor jong u shaphang ka Hima U Blei, bad u la pyrshang ban pynngeit ïa ki shaphang U Jisu da kaba sot na ka Hukum u Moses bad na ki jingthoh jong ki nongïathuhlypa.

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

Ka Shithi U Paul Sha Ki Nong Rom 14:17

Naba ka Hima U Blei kam long ha kaba bam bad kaba dih, hynrei ka long ka hok, ka jingsuk, bad ka jingkmen kiba U Mynsiem Bakhuid u ai.

Ka Shithi U Paul Sha Ki Nong Rom 2:8

Kiwei pat ki briew ki long kiba khwan myntoi bad kiba kyntait ïa kaei kaba dei, khnang ban bud ïa kaei ka bym dei; halor jong ki U Blei un theh noh ïa la ka jingbitar bad ka jingbitar shla.

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

2 THESSALONI 2:12

Kaba mih ka long, ba ïa kito baroh ki bym shym la ngeit ïa ka jingshisha hynrei kiba la sngewbha ha ka pop, yn pynrem.

HEBRU 2:1

Namar kata ngi dei ban kham batskhem ïa kita ki jingshisha ïa kiba ngi la ïohsngew, kumta ba ngin ym shah rong noh.

1 ÏOANNIS 3:12

Ngim dei ban long kum u Kain; u la long jong u Basniew bad u la pynïap ïa u Abel, u para jong u. Balei u Kain u la pynïap ïa u? Namar kiei kiei kiba u la leh da lade hi ki la long ki bym dei, hynrei kiei kiei kiba u para jong u, u la leh ki la long kiba dei.

1 ÏOANNIS 5:18

Ngi tip ba ym don uno uno napdeng ki khun U Blei uba ïai leh pop, naba U Khun U Blei u sumar ïa u, bad u Basniew um lah ban pynmynsaw ïa u.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.