MATHAÏOS 13:11 - Khasi CL Bible (BSI)

¹¹ U Jisu u la jubab, “Ïa ka jingtip shaphang kiei kiei kiba rieh jong ka Hima ki Bneng la ai ha phi, hynrei ym ha ki.

KA BAIBL

¹¹ U da ïathuh te u la ong ha ki: “Naba la ai ha phi ban tip ïa ki maïan ka hima ki bneng, hynrei, ym shym la ai ha ki.

MATHAÏOS 13:11 ပူးပေါင်းရင်းမြစ်များ

SALM 25:14

U Trai u long u paralok jong kito kiba kohnguh ïa u bad u pynskhem ïa la ka jutang bad ki.

ISAÏAH 29:10

U Trai u la pynshoh samthiah ïa phi, bad phi sdang ban ngat ha ka jingïohthiah kaba jur. Ki nongïathuhlypa ki dei ban long ki khmat jong ki briew, hynrei U Blei u la pynmatlah ïa ki.

ISAÏAH 29:11

Ïa ka jingmut jong kawei pa kawei ka jingïohipaw u nongïathuhlypa yn buhrieh noh na phi; kan long kum ka kot kli ba la khang pynskhem da ka muhor. Lada phi leit rah ïa ka sha uno uno uba tip ban pule bad ong ïa u ban pule ïa ka ha phi, un ong ba um lah ban pule namar ba la khang pynskhem da ka muhor ïa ka.

ISAÏAH 35:8

Kan long ka lynti bah hangta, ba la khot “Ka Lynti jong ka Jingkhuid.” Yn ym don nongpop u ban ïaid ha kata ka lynti; ym don ki riewbieit ki ban ïalam bakla ïa kito kiba bud ïa ka.

MATHAÏOS 13:10

Nangta ki synran ki la wan sha U Jisu bad ki la kylli ïa u, “Balei me pyndonkam ïa ki pharshi haba me kren ha ki paidbah?”

MATHAÏOS 16:17

“Kaba bha ïa me, ko Simon u khun jong u Jonah!” la jubab U Jisu. “Naba kane ka jingshisha kam shym la wan ha me na uno uno u briew, hynrei la ai ïa ka ha me beit beit da U Kpa jong nga uba ha bneng.

MATHAÏOS 19:11

U Jisu u la jubab, “Kane ka jinghikai kam treikam ïa baroh, hynrei tang ha kito kiba U Blei u la ai ïa ka.

MATHAÏOS 20:23

“Phin sa dih shisha na ka khuri jong nga,” U Jisu u la ïathuh ha ki, “hynrei ngam don ka hok ban jied ïa uno u ban shong sha liang kamon jong nga bad sha liang kadiang jong nga. Kine ki jaka ki long na ka bynta kito ïa kiba U Kpa jong nga u la pynkhreh.”

MARKOS 10:40

Hynrei ngam don satia ka hok ban jied mano u ban shong sha kamon jong nga bad sha kadiang jong nga. Dei U Blei u ban ai ïa kine ki jaka ha kito ïa kiba u la pynkhreh ïa ki.”

MARKOS 4:11

“Ha phi la ai ïa ka jingmaïan jong ka Hima U Blei,” U Jisu u la jubab. “Hynrei kiwei pat, kiba long shabar, ki ïohsngew ïa kiei kiei baroh lyngba ki pharshi,

LOUKAS 8:10

bad u la jubab, “Ïa ka jingtip ïa kiba rieh jong ka Hima U Blei la ai ha phi, hynrei ha kiwei pat ka wan ha ki pharshi, khnang ba ki lah ban peit hynrei kim ïohi, bad shahshkor hynrei kim shemphang.

ÏOANNIS 6:65

Bad u la pyndap, “Kane hi ka dei ka daw kaba nga la ïathuh ïa phi ba ym don uba lah ban wan sha nga lymda U Kpa u pynlah ïa u ban leh kumta.”

ÏOANNIS 7:17

Uno uno uba mon ban leh ïa kaei kaba U Blei u kwah, un tip la kaei kaba nga hikai ka wan na U Blei ne la nga kren ha ka bor jong nga hi.

KI KAM 16:14

Kawei na kito kiba la ïohsngew ïa ngi ka dei ka Lydia kaba na Thiatira, ka dei ka nongdie ïa ka jaiñ sawbthuh. Ka long ka briew kaba mane ïa U Blei, bad U Trai u la plie ïa ka jingmut jingpyrkhat jong ka ban pynshahshkor ïa kaei kaba u Paul u ong.

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

Ka Shithi U Paul Sha Ki Nong Rom 16:25

To ngin ai ka burom ïa U Blei! U long uba lah ban pynlong ïa phi kiba ïeng skhem ha ka jingngeit jong phi, kat kum ka Khubor Babha kaba nga ïalap shaphang U Jisu Khrist bad kat kum ka jingpynpaw ïa ka jingshisha barieh, ïa kaba la buhrieh la slem bah mynshuwa.

1 KORINTH 13:2

Nga lah ban don ka jingai ban ïalap da ka jingpyrsad mynsiem; nga lah ban don ïa ka jingtip baroh bad shemphang ha ki jingmaïan baroh; nga lah ban don ïa ka jingngeit baroh kaba donkam ban pynkynriah ïa ki lumbah — hynrei lada ngam don ka jingieit, ngam long ei ei.

1 KORINTH 15:51

To shahshkor ïa kane ka jingshisha barieh: Ngi baroh ngin ym ïap, hynrei haba ka turoi bakhatduh kan sawa, ïa ngi baroh yn pynkylla dur ha kaba shikhyllipmat. Naba haba ka turoi kan sawa, ïa kiba ïap yn pynmihpat, ba kin ym ïap shuh da lei lei, bad ïa ngi baroh yn pynkylla dur.

1 KORINTH 2:14

Uno uno u bym don U Mynsiem, um lah ban ïohpdiang ïa ki jingai kiba wan na U Mynsiem U Blei. Kum uta u briew da shisha um sngewthuh ïa ki; ki long ka jingbieit ha u, namar ïa ka dor jong ki lah ban bishar tang na ka nongrim kaba kynja mynsiem.

1 KORINTH 2:7

Ka jingstad kaba nga pynbna ka long ka jingstad barieh jong U Blei, ïa kaba la buhrieh na u bynriew, hynrei, ïa kaba u la jied lypa na ka bynta ka burom jong ngi wat ha shuwa ba yn pynlong ïa ka pyrthei.

1 KORINTH 4:1

Phi dei ban pyrkhat ïa ngi kum ki shakri U Khrist, ïa kiba la buh ban sumar ïa ki jingshisha barieh jong U Blei.

1 KORINTH 4:7

Uei uba pynlong ïa phi ban sngew kham halor ïa kiwei pat? Hato ym dei U Blei uba la ai ha phi baroh kaba phi don? Kumta, te, kumno phi lah ban sngewsarong, kumba kaei kaba phi don, kam dei ka jingai sngewbha?

EPHESOS 1:18

Nga duwai ba yn plie ïa ki jingmut jong phi khnang ba phin ïohi ïa ka jingshai jong u, ba phin tip kaei kata ka jingkyrmen ïa kaba u la khot ïa phi, katno ki jingkynrei spah ki long kita ki jingkyrkhu baphylla kiba U Blei u la kular ïa la ki briew,

EPHESOS 1:9

U Blei u la leh ïa kata ha ka jingstad bad jingïohi jong u baroh ïa kaei kaba u la thmu, bad u la pynpaw shynna ha ngi ïa ka jingthmu ba la buhrieh ïa kaba u la lah thmu lypa ban pyndep da U Khrist.

EPHESOS 5:32

Ka don ka jingmaïan kaba la pynpaw ha ka Jingthoh Bakhuid, kaba nga sngewthuh kaba thew ïa U Khrist bad ïa ka balang.

EPHESOS 6:19

Bad to duwai ruh na ka bynta jong nga ba U Blei un ai ha nga ïa ka khubor haba nga la kloi ban kren, khnang ba nga lah ban kren shlur bad pynpaw shai ïa ka jingmaïan ka gospel.

KOLOSSAI 2:2

Nga leh ïa kane khnang ba yn pyndap ïa ki da ka jingshlur bad ba yn lah ban khring lang ïa ki ha ka jingieit, bad kumta kin ïoh ïa ka jingdap ba-pura ïa ka jingsngewskhem kaba ka jingshemphang ka wallam. Ha kane ka rukom kin tip ïa ka jingmaïan ka jong U Blei, kaba long U Khrist hi.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.

1 ÏOANNIS 2:20

Hynrei ma phi, phi la lah don ïa U Mynsiem Bakhuid ba la theh ha phi da U Khrist, bad kumta phi baroh phi tip ïa ka jingshisha.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.