MATHAÏOS 12:46 - Khasi CL Bible (BSI)

⁴⁶ U Jisu u dang kren ha ki briew mynba ka kmie bad ki para shynrang jong u ki la wan poi. Ki la ïeng shabar, ki da kyrpad ban ïoh kren ïa u.

KA BAIBL

⁴⁶ Haba u dang kren ha kita ki paidbah, ha khmih, ka kmie jong u bad ki hynmen hynbew jong u ruh ki ïaïeng shabar, ba ki ïakwah ban ïakren bad u.

MATHAÏOS 12:46 ပူးပေါင်းရင်းမြစ်များ

MATHAÏOS 1:18

Kane ka long kumno ka jingkha ïa U Jisu Khrist ka la jia. Ka kmie jong u ka Mari ka la ïatehktien bad u Joseph, hynrei ha shuwa ba kin ïashongkurim, la shem ïa ka ba ka la punkhun na U Mynsiem Bakhuid.

MATHAÏOS 12:47

Kumta uwei na ki briew hangta u la ong ha u, “Ha khmih, ka kmie bad ki para shynrang jong me ki ïa-ïeng shabar bad ki kwah ban ïakren bad me.”

MATHAÏOS 13:55

Um dei une u khun jong u misteri? Hato ka Mari kam dei ka kmie jong u, bad hato u Jakob, u Josis, u Simon bad u Judah kim dei ki para shynrang jong u?

MATHAÏOS 2:11

Ki la leit rung shapoh ka ïing, bad haba ki la ïohi ïa u khunlung lem bad ka kmie jong u ka Mari, ki la dem khohsiew bad ki la mane ïa u. Ki la sei ïa ki jingai sngewbha jong ki da ka ksiar, ka jingiwbih bad ka Mirr, bad ki la ai ïa ki ha u.

MATHAÏOS 2:20

bad u la ong, “To ïeng joit, shim ïa u khunlung bad ka kmie jong u, bad khie leit phai noh sha ka ri Israel, namar kito kiba pyrshang ban pynïap ïa u khunlung ki la ïap.”

MARKOS 2:21

“Ym don uno uno uba pyndonkam ïa ka lyngkhot jaiñ bathymmai ban syrdep ïa ka sopti barim, namar ka lyngkhot jaiñ bathymmai kan ran bad kan pynkad katto katne ïa ka jaiñ barim, kan pynlong wat ïa ka jingkad kaba kham heh.

MARKOS 6:3

Hato um dei uto u misteri, u khun jong ka Mari, bad u hynmen jong u Jakob, u Josis, u Judas bad u Simon? Hato ki para kynthei jong u kim shong kim sah hangne?” Bad kumta ki la kyntait noh ïa u.

LOUKAS 1:43

Balei kane ka jingjia bakhraw ka wan jia ha nga, ba ka kmie jong U Trai jong nga ka wan ban jngoh ïa nga?

LOUKAS 2:33

U kpa bad ka kmie jong u khunlung ki la sngewlyngngoh ha kiei kiei kiba u Simeon u la kren shaphang jong u.

LOUKAS 2:34

U Simeon u la kyrkhu ïa ki bad u la ong ha ka Mari, ka kmie jong u, “Ïa une u khunlung la jied da U Blei na ka bynta ka jingpynjot bad ka jingpynim ïa kiba bun ha Israel. Un long ka dak na U Blei ïa kaba kiba bun ki briew kin kren pyrshah bad kumta un pynpaw ïa ki jingpyrkhat barieh jong ki.

LOUKAS 2:48

Ki kmie ki kpa jong u ki la kyndit haba ki la ïohi ïa u, bad ka kmie jong u ka la ong, “Ko khun jong nga, balei me la leh ïa kane ha ngi? U kpa jong me bad ma nga ngi la khuslai shikatdei eh ha kaba pyrshang ban wad ïa me.”

LOUKAS 2:51

Kumta U Jisu u la leit phai pat bad ki sha Nasareth, ha kaba u la kohnguh ïa ki. Ka kmie jong u ka la kynshew ïa kine kiei kiei baroh hapoh la ka dohnud.

LOUKAS 8:10

bad u la jubab, “Ïa ka jingtip ïa kiba rieh jong ka Hima U Blei la ai ha phi, hynrei ha kiwei pat ka wan ha ki pharshi, khnang ba ki lah ban peit hynrei kim ïohi, bad shahshkor hynrei kim shemphang.

ÏOANNIS 19:25

Kiba la ïa-ïeng ha syndah ka diengphna U Jisu ki la long ka kmie jong u, ka para jong ka kmie jong u, ka Mari ka tnga u Kleopas, bad ka Mari ka nong Magdala.

ÏOANNIS 2:1

Ar sngi hadien, la don ka jingkyntiew kurim ha ka shnong Kana kaba ha Galilaïa.

ÏOANNIS 2:12

Hadien kane, U Jisu bad ka kmie jong u, ki para shynrang jong u, bad ki synran ki la leit sha Kapernam bad ki la sah hangta katto katne sngi.

ÏOANNIS 2:5

Ka kmie jong U Jisu te ka la ong ïa ki shakri, “To leh kat kaba u ong ïa phi.”

ÏOANNIS 7:10

Hadien ba ki para shynrang jong u ki la leit sha ka Jingkhawai Niam, U Jisu ruh u la leit; pynban, um shym la leit ha kaba paw, hynrei ha kaba rieh.

ÏOANNIS 7:5

(Wat ki para shynrang jong u hi kim shym la ngeit ha u.)

KI KAM 1:14

Ki la ïalumlang tista ban duwai kum ka kynhun, ryngkat lem bad ki kynthei bad ka Mari ka kmie jong U Jisu bad ki para shynrang jong u.

1 KORINTH 9:5

Hato ngam don hok ban bud ïa ki nuksa jong kiwei pat ki apostol bad jong ki para jong U Trai bad u Petros, da kaba ïalam ïa ka tnga kaba long ka parabangeit ha ki jingleit lynti jong nga?

GALATIA 1:19

Ngam shym la ïakynduh ïa kiwei pat ki Apostol lait noh tang ïa u Jakob, u para jong U Trai.