MATHAÏOS 12:41 - Khasi CL Bible (BSI)

⁴¹ Ha ka Sngi ka Jingbishar ki briew jong ka Ninebeh kin ïeng joit bad mudui ïa phi, namar ki la phai noh na ki pop jong ki mynba ki la ïohsngew ba u Jonah u ïalap; bad nga ong ha phi ba don hangne uba kham khraw ban ïa u Jonah!

KA BAIBL

⁴¹ Ki nong Ninebeh kin ïaïeng lem bad kane ka pateng bynriew ha ka jingbishar, bad kin ïa-pynrem ïa ka: naba ki la ïakylla-ka-bamut da ka jingïalap u Jonah: ha khmih te, hangne uba kham khraw ïa u Jonah.

MATHAÏOS 12:41 ပူးပေါင်းရင်းမြစ်များ

ISAÏAH 54:17

Hynrei yn ym don ka tiar thma ka ban lah ban pynmynsaw ïa pha; phan don ka jubab ïa kito baroh kiba mudui ïa pha. Ngan kyrshan ïa ki shakri jong nga bad ngan ai jingjop ïa ki.” U Trai u la kren.

JEREMAÏAH 3:11

Nangta U Trai u la ong ha nga ba wat la ka Israel ka la phai noh na u, ka la lah pynshisha ba ka long kaba kham bha ban ïa ka Judah ka bymïaineh.

JONAH 1:2

U ong, “Khie leit sha Ninebeh, kata ka nongbah kaba khraw, bad to kren pyrshah ïa ka; nga tip haduh katno kiba bymman ki briew jong ka ki long.”

JONAH 3:4

U Jonah u sdang ban ïaid lyngba ïa ka nongbah, bad hadien ba u la ïaid baroh shi sngi, u la pynbna, “Hapoh sawphew sngi ïa ka Ninebeh yn sa pynjot!”

MATHAÏOS 12:39

“Katno kiba sniew bad bym don blei ki long ki briew jong kane ka por!” U Jisu u la pynbna. “Phi pan na nga ïa ka kambah? Em! Ka kambah kaba yn ai ha phi ka long tang ka kambah jong u Jonah u nongïathuhlypa.

MATHAÏOS 12:42

Ha ka Sngi ka Jingbishar, ka syiem jong ka Sheba kan ïeng joit bad mudui ïa phi, namar ka la wan na la ka ri bajngai ban shahshkor ïa ka jinghikai bastad jong U Syiem Solomon; bad nga pynthikna ïa phi ba don hangne uba kham khraw ban ïa u Solomon!

MATHAÏOS 12:45

Nangta u mihnoh bad u wan ïalam sa hynñiew ngut kiwei pat ki mynsiem wat kiba kham sniew ban ïa u, bad ki wan shongsah hangta. Kumta haba baroh ka la kut, uta u briew un don ha ka jinglong kaba kham sniew ban ïa kaba u la long ha kaba sdang. Kane ka long kaei ka ban jia ha ki briew kiba sniew jong kane ka por.”

MATHAÏOS 12:6

Nga ong ha phi ba ka don kaei kaei hangne kaba kham khraw ban ïa ka Templ.

MATHAÏOS 16:4

Katno kiba sniew bad ki bym don blei ki long ki briew jong kane ka juk! Phi kyrpad na nga ïa ka kambah? Em! Ka kambah kaba yn ai ha phi ka long tang ka kambah jong u Jonah.” Kumta u la iehnoh ïa ki bad u la leit noh.

MATHAÏOS 17:17

U Jisu u la jubab, “A katno ki bymngeit bad kiba bakla phi ki briew phi long! Sa katno nga dei ban dang don bad phi? Sa katno ngan dang ïaishah ïa phi? To wallam ïa u khynnah shane sha nga!”

MATHAÏOS 23:36

Nga ong shisha ha phi: Ka jingpynshitom na ka bynta kine ki jingpynïap baroh kan hap halor ki briew jong kane ka juk!

LOUKAS 11:32

Ha ka Sngi Bishar ki briew jong ka Ninebeh kin ïeng joit bad mudui ïa phi, namar ki la phai noh na ki pop jong ki haba ki la ïohsngew ba u Jonah u ïalap; bad nga pynthikna ïa phi ba don uei re uei hangne uba kham khraw ban ïa u Jonah!

ÏOANNIS 3:31

Uta uba wan na bneng u kham khraw ban ïa baroh. Uta uba wan na ka pyrthei u dei u jong ka pyrthei bad u kren shaphang kiei kiei kiba dei jong ka pyrthei, hynrei uta uba wan na bneng u long halor baroh.

ÏOANNIS 4:12

Dei u Jakob, u kpa tymmen jong ngi uba la ai ïa ngi ïa kane ka pukri; ma u bad ki khun shynrang jong u bad ki jingri jong u baroh ki la dih na ka. Hato me kam ba me long kham khraw ban ïa u Jakob?”

Ka Shithi U Paul Sha Ki Nong Rom 2:27

Bad kumta ma phi ki Jiw phin shah pynrem ha ki Jentil namar phi pynkheiñ ïa ka Hukum, wat la na ka bynta jong phi ïa ka Hukum la thoh bad ïa phi la otsher; hynrei ki kohnguh ïa ka Hukum, wat la ym shym la otsher ïa ki ha ka doh.

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.