MATHAÏOS 12:39 - Khasi CL Bible (BSI)

³⁹ “Katno kiba sniew bad bym don blei ki long ki briew jong kane ka por!” U Jisu u la pynbna. “Phi pan na nga ïa ka kambah? Em! Ka kambah kaba yn ai ha phi ka long tang ka kambah jong u Jonah u nongïathuhlypa.

KA BAIBL

³⁹ U te u da ïathuh u la ong ha ki: “Ka pateng bynriew bymman bad baklim ka ïaiwad ka dak: hynrei, yn ym ai ka dak ha ka, hynrei, tang kata ka dak u Jonah u nongïathuhlypa.

MATHAÏOS 12:39 ပူးပေါင်းရင်းမြစ်များ

2 SYIEM 14:25

U kurup pat ïa ka ri baroh kaba dei jong ki Israel, naduh ka Khim Hamath ha ka phang shatei shaduh ka Duriaw Baïap ha ka phang shathie. Kane ka long kaei kaba U Trai, U Blei ki Israel, u la kular lyngba u shakri jong u, u Jonah u nongïathuhlypa, u khun jong u Amittai, uba na Gath Hepher.

ISAÏAH 57:3

Ale hangne ban shah bishar, a phi ki nongpop! Phim long kham bha ban ïa ki nongleh byrtong, kiba klim bad ki nuti.

JONAH 1:1

Ha kawei ka sngi, U Trai u la kren ha u Jonah u khun jong u Amittai.

MATHAÏOS 16:4

Katno kiba sniew bad ki bym don blei ki long ki briew jong kane ka juk! Phi kyrpad na nga ïa ka kambah? Em! Ka kambah kaba yn ai ha phi ka long tang ka kambah jong u Jonah.” Kumta u la iehnoh ïa ki bad u la leit noh.

MARKOS 8:12

Hynrei U Jisu u la ud jylliew bad u la ong, “Balei ba ki briew mynta ki kwah ban ïohi kambah? Em, nga ong ïa phi! Yn ym ai kum kata ka jingpynshisha ha kine ki briew!”

MARKOS 8:38

Lada u briew u lehrain ïa nga bad ïa ka jinghikai jong nga ha kane ka sngi jong ka jingbymriewblei bad ka jingbymman, te U Khun U Briew un lehrain ïa u haba un wan ha ka burom jong U Kpa jong u ryngkat bad ki angel bakhuid.”

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.