MATHAÏOS 12:36 - Khasi CL Bible (BSI)

³⁶ “Phi lah ban thikna ba ha ka Sngi ka Jingbishar uwei pa uwei un hap ban ai jingkheiñ ïa kawei pa kawei ka kyntien ka bymmyntoi kaba u la kren.

KA BAIBL

³⁶ Hynrei, nga ong ha phi, ba ïa ka ktien thala baroh ïa kaba ki briew kin kren, kin ïa-ai jingkheiñ shaphang kata ha ka sngi bishar.

MATHAÏOS 12:36 ပူးပေါင်းရင်းမြစ်များ

EKLESIASTIS 12:14

U Blei un bishar ïa kaei kaei baroh kaba ngi leh, la kaba bha ne kaba sniew, wat ïa kiei kiei kiba la leh ha kaba rieh.

MATHAÏOS 10:15

Nga pynthikna ïa phi ba ha ka Sngi ka Jingbishar, U Blei un pyn-i kham bun ka jingisynei ïa ki briew ka Sodom bad Gomorrah ban ïa ki briew jong kata ka nongbah!

MATHAÏOS 11:22

Nga pynthikna ïa phi ba ha ka Sngi ka Jingbishar, U Blei un pyn-i kham bun ka jingisynei ïa ki briew ka Tyros bad Sidon ban ïa phi!

MATHAÏOS 12:37

Ïa ki kyntien jong phi yn sa pyndonkam ban bishar ïa phi — ban pynbna ïa phi la phi long uba lui lui ne uba shah pynrem.”

Ka Shithi U Paul Sha Ki Nong Rom 14:12

Uwei pa uwei na ngi te, un hap ban ai jingkheiñ shaphang ïa lade ha U Blei.

Ka Shithi U Paul Sha Ki Nong Rom 2:16

Bad kumta, kat kum ka Khubor Babha kaba nga ïalap, kane ka dei kaba kumno ka long ha kata ka Sngi ha kaba U Blei lyngba U Jisu Khrist un bishar ïa ki jingmut barieh jong ki briew baroh.

JAKOB 3:6

Bad u thylliej u long kum ka ding. U long ka pyrthei jong ka jingsniew, uba shim ïa ka jaka ha ki met jong ngi bad uba pynphriang ïa kaba sniew ha ka met baroh kawei. U wiang ding ïa ka jingïaid lynti jong ka jingim da ka ding kaba wan sha u na ka dujok hi.

JINGPYNPAW 20:12

Bad nga la ïohi ïa kiba ïap, kiba rit bad kiba khraw kumjuh, kiba ïeng ha khmat jong ka khet. Ïa ki kitab la plied, bad nangta la plied sa kawei pat ka kitab, ka kitab jong kiba im. Ïa kiba ïap la bishar kat kum kaei kaba ki la leh, kumba la buh jingthoh ha ki kitab.