MATHAÏOS 12:34 - Khasi CL Bible (BSI)

³⁴ Phi ki bseiñ — kumno phi lah ban ong ïa kiei kiei kiba bha haba phi long kiba sniew? Namar ka shyntur ka kren ïa kaei kaba la shlei ha ka dohnud.

KA BAIBL

³⁴ A phi ki khun ki ksiew ki bseiñ! Phi ki bymman, kumno phi lah ban kren ka babha? naba na ka jingshlei ka dohnud ba ka kren ka shyntur.

MATHAÏOS 12:34 ပူးပေါင်းရင်းမြစ်များ

SALM 53:1

Kiba bieit ki ong ha lade, “Ym don Blei.” Ki baroh ki long kiba jakhlia, bad ki la leh ïa kiei kiei kiba shyrkhei; ym don uwei ruh uba leh ïa kaei kaba dei.

SALM 64:3

Ki la shut pynnep ïa ki thylliej jong ki kum ki waitlam bad ki thew ki kyntien bakhor kum ki khnam.

SALM 64:5

Ki pynshlur iwei ïa iwei pat ha ki jingïasylla basniew jong ki; ki pyrkhat lypa hangno ban buh ïa ki jingriam jong ki. “Ym don ba lah ban ïohi ïa ki,” ki ong.

PROBERB 16:23

Ki briew kiba shemphang ki da pyrkhat ha shuwa ban kren; ki lah ban pynkohnguh da kaei kaba ki ong.

PROBERB 4:23

Da phikir kumno phi pyrkhat; naba ki jingpyrkhat jong phi ki saiñdur ïa ka jingim jong phi.

ISAÏAH 32:6

Uba bieit u kren bieit bad u pyrkhat ban leh ïa kiei kiei kiba sniew. Kaei kaba u leh bad kaei kaba u ong ka long ka jingibeiñ ïa U Trai, bad um ju bsa ïa kiba thngan lane um ju ai ka jingdih ïa kiba sliang.

ISAÏAH 59:14

Ïa ka jingbishar hok la beh noh, bad ka hok kam lah ban wan hajan. Ka jingshisha ka kyllon ha ki lynti shnong, bad ka hok kam don jaka hangta.

ISAÏAH 59:4

Phi kiew sha ka ïingbishar, hynrei phim shym ïoh ka jingbishar hok ha ka liang jong phi. Phi shaniah ha ki jinglamler ban jop ïa ka jingmudui jong phi. Phi pyndep ïa ki jingthmu jong phi ban pynmong ïa kiwei.

ISAÏAH 9:17

Bad kumta U Trai un ym shah ba uno uno u samla un lait phet, bad un ym pyn-i ka jingisynei ïano ïano na ki riewkynthei bad ki khunswet, namar baroh ki briew ki long kiba khlem blei bad bymman bad kaei kaei baroh kaba ki ong ka long kaba sniew. Pynban la katta ruh ïa ka jingbitar jong U Trai yn ym pynkut, hynrei ka kti jong u kan dang ïai kner ban pynshitom.

MATHAÏOS 12:35

U briew uba bha u sei ïa kiei kiei kiba bha na ka jingkynshew jong kiei kiei kiba bha; u briew uba sniew u sei ïa kiei kiei kiba sniew na ka jingkynshew jong kiei kiei kiba sniew.

MATHAÏOS 15:18

Hynrei kiei kiei kiba mihnoh shabar na ka shyntur ki wan na ka dohnud, bad kine ki long kiei kiei kiba pynlong bymkhuid ïa u briew kat kum ka jinglehniam.

MATHAÏOS 23:33

Phi ki bseiñ bad ki khun ki bseiñ! Kumno phi khmih lynti ban lait na ka jingshah pynrem sha ka dujok?

MATHAÏOS 3:7

Haba u Ïoannis u la ïohi ïa shibun ki Pharisi bad ki Saddusi kiba la wan sha u ban shah pynbaptis, u la ong ha ki, “Phi ki bseiñ — uei uba la ïathuh ha phi ba phi lah ban lait na ka jingpynshitom kaba U Blei un sa phah?

LOUKAS 3:7

U paidbah byllien u la leit sha u Ïoannis ban shah pynbaptis ha u. “Phi ki bseiñ!” u la ong ha ki. “Mano ba la ong ïa phi ba phi lah ban lait na ka jingpynshitom kaba U Blei un sa phah?

LOUKAS 6:45

U briew uba bha u wallam ïa kaba bha na ka jingkynshew jong kiei kiei kiba bha kiba ha ka dohnud jong u; u briew uba sniew u wallam ïa kaba sniew na ka jingkynshew jong kiei kiei kiba sniew. Naba ka shyntur ka kren ïa kaei kaba dap ha ka dohnud.

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

EPHESOS 4:29

Wat kren ïa ki ktien pynmong, hynrei, tang ki ktien kiba long ka jingïarap, kita keiñ kiba tei bad kiba ïadei tang ïa kata kaba donkam, khnang ba kaei kaba phi kren kan long kaba bha ïa kita kiba shahshkor ïa phi.

EPHESOS 5:4

Lymne kam long kaba dei ïa phi ban pyndonkam ïa ka ktien kaba khlem akor, kren thala, ne krensih, pynban, phi dei ban ainguh ïa U Blei.

JAKOB 3:2

Baroh na ngi, ngi bakla bunsien. Hynrei lada u briew um ju bakla ha kaei kaba u kren, u long uba janai bad u long ruh uba lah ban synshar ïa lade nadong shadong.

1 ÏOANNIS 3:10

Kane ka long ka jingïapher kaba shai kdar hapdeng ki khun U Blei bad ki khun u Soitan: Uno uno u bym leh ïa kaei kaba dei lane u bym ieit ïa la u hynmen u para um long u khun U Blei.

1 SAMUEL 24:13

Phi tip ïa ka jingong mynbarim, ‘Ïa ka jingbymman la leh tang da ki riewbymman.’ Bad kumta ngan ym pynmynsaw ïa phi.