MATHAÏOS 12:31 - Khasi CL Bible (BSI)

³¹ Bad kumta nga ong ha phi ba ki briew ki lah ban ïohmap ïa kano kano ka pop bad ïa kano kano kaba sniew kaba ki ong; hynrei uno uno uba kren kiei kiei kiba sniew pyrshah ïa U Mynsiem Bakhuid un ym ïoh jingmap.

KA BAIBL

³¹ Namar kata, nga ong ha phi, ba yn map ïa ki briew ïa ka pop baroh bad ïa kaba krenbeiñ blei: tang ïa kaba krenbeiñ ïa U Mynsiem Bakhuid, yn ym map shuh.

MATHAÏOS 12:31 ပူးပေါင်းရင်းမြစ်များ

ISAÏAH 1:18

U Trai u ong, “Mynta, to ngin pynbeit ïa kane ka kam. Pha la khah saw da ka pop, hynrei ngan sait ïa pha ban khuid kum ka ïor. La ki jingkhah tngit jong pha ki saw hain hain, phan lieh kum u shñiuh langbrot.

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

LEBITIKOS 24:16

Uno uno u Israel lane u nongwei uba shong ha Israel uba krenbeiñ ïa U Trai un shah lynthem maw ha u paidbah haduh ba un da ïap.

LOUKAS 12:10

“Ïa uno uno uba kren ka kyntien pyrshah ïa U Khun U Briew lah ban map; hynrei ïa uno uno uba kren kiei kiei kiba sniew pyrshah ïa U Mynsiem Bakhuid yn ym map.

KI KAM 7:51

“A katno phi long kiba eh ryndang!” u Stephan u bteng ban kren. “A katno ki dohnud jong phi ki long kum kiba mane blei thala, katno phi leh kyllut ïa ka khubor jong U Blei! Phi long kum ki kpa tymmen jong phi: Phi ruh phi la ïai ïaleh pyrshah ïa U Mynsiem Bakhuid!

HEBRU 10:26

Naba yn ym don shuh kano kano ka jingkñia kaba lah ban kit noh ïa ki pop lada ngi ïai leh pop hadien ba ngi la tip ïa ka jingshisha.

HEBRU 10:29

Te, kaei kan long ïa u briew uba ñiewbeiñ ïa U Khun U Blei? uba ñiew dew thala ïa ka snam jong ka jutang U Blei kaba pynkhuid ïa u na ka pop? uba ñiewbeiñ ïa U Mynsiem ka jingaiei? To pyrkhat haduh katno kan long ka jingpynshitom kaba kham shyrkhei kaba u dei ban ïoh!

HEBRU 6:4

Naba da kumno lah ban ïalam pat ïa kito kiba la iehnoh ïa la ka jingngeit ba kin kylla-kaba-mut biang? Ki la don shisien ha ka jingshai U Blei; ki la ïohmad ïa ka jingai ba kynja bneng, bad ïohpdiang ïa la ka bynta na U Mynsiem Bakhuid;

1 ÏOANNIS 1:9

Hynrei lada ngi phla ïa ki pop jong ngi ha U Blei, un bat ïa la ka kular bad un leh ïa kaei kaba dei: Un map ïa ngi ïa ki pop jong ngi bad un pynkhuid ïa ngi na ki kam bymman baroh.

1 ÏOANNIS 5:16

Lada phi ïohi ïa la u parabriew ba u leh ïa ka pop ka bym ïalam sha ka jingïap, phi dei ban duwai ha U Blei, u ban ai ha u ïa ka jingim. Kane ka ïadei ïa kito kiba ki pop jong ki, kim ïalam sha ka jingïap. Hynrei ka don ka pop kaba ïalam sha ka jingïap, bad ngam ong ba phi dei ban duwai sha U Blei shaphang kata.