MATHAÏOS 12:30 - Khasi CL Bible (BSI)

³⁰ “Uno uno u bym long na ka bynta jong nga, u ïaleh pyrshah shisha ïa nga; uno uno u bym ïarap ïa nga ban lum ban lang u long shisha uba pynsaphred.

KA BAIBL

³⁰ U bymlong bad nga u ïaleh ïa nga: bad u bymïalum bad nga u pynsaphred.

MATHAÏOS 12:30 ပူးပေါင်းရင်းမြစ်များ

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

SALM 94:16

Uei uba ïeng na ka bynta jong nga pyrshah ïa ki bymman? Uei uba don ha ka liang jong nga pyrshah ïa ki nongleh sniew?

PROBERB 11:24

Don ki briew kiba pynlut kai ïa la ka pisa bad ki nang ïai riewspah. Kiwei ki husiar, bad pynban ki nang ïai kyrduh.

HOSIA 1:11

Ki briew ka Judah bad ki briew ka Israel kin ïasoh lang kawei sa shisien. Kin sa jied tang uwei u nongïalam na ka bynta jong ki, bad sa shisien pat kin sa manbha bad roi kyrhai ha la ka ri. Ho-oid, ka sngi jong ka Jesreel kan long ka sngi kaba khraw!

MATHAÏOS 12:29

“Ym don uba lah ban phrung jubor shapoh ka ïing jong u briew uba khlaiñ bad kit noh ïa ki jingdon jingem jong u lymda nyngkong eh u teh u khum shuwa ïa u briew uba khlaiñ, nangta u sa lah ban lute ïa ka ïing jong u.

MATHAÏOS 6:24

“Ym don uba lah ban long u mraw jong ar ngut ki kynrad; un isih ïa uwei bad ieit ïa uwei pat; un long uba kohnguh ïa uwei bad ñiewbeiñ ïa uwei pat. Phim lah ban shakri ïa baroh ar, ïa U Blei bad ïa ka pisa.

MARKOS 9:40

Naba uno uno u bym long pyrshah ïa ngi u long ha ka liang jong ngi.

LOUKAS 11:23

“Uno uno u bym long ha ka liang jong nga u pyrshah da shisha ïa nga; uno uno u bym ïarap ïa nga ban lum u pynsaphriang da shisha.

LOUKAS 9:50

“Wat pyrshang ban pynsangeh ïa u,” U Jisu u la ong ïa u bad ïa kiwei pat ki synran, “namar uno uno u bym pyrshah ïa phi u long ha ka liang jong phi.”

JOSHUA 24:15

Te lada phim mon ban shakri ïa u, jied ha kane hi ka sngi ïano phin shakri, ïa ki blei ba ki kpa tymmen jong phi ki la mane ha Mesopotamia, ne ïa ki blei jong ki Amor, kiba ha ka ri jong ki phi shong phi sah mynta. Hynrei ma nga bad ka ïing jong nga, ngin shakri ïa U Trai.”

JOSHUA 5:13

Katba u Joshua u dang don hajan Jerikho, kynsan u ïohi ïa u briew uba ïeng ha khmat jong u, uba bat ïa ka waitlam. U Joshua u leit sha u bad u kylli, “Me dei uwei na ki shipai ngi, ne u nongshun?”

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.