MATHAÏOS 12:28 - Khasi CL Bible (BSI)

²⁸ Em, ym dei u Beelsebul, hynrei U Mynsiem U Blei, uba ai ha nga ka bor ban beh noh ïa ki ksuid, kaba pynshisha ba ka Hima U Blei ka la da wan lypa ha phi.

KA BAIBL

²⁸ Hynrei, lada nga beh noh ïa ki ksuid da U Mynsiem U Blei, kumta te, ka hima U Blei ka la wan shisyndon ha phi.

MATHAÏOS 12:28 ပူးပေါင်းရင်းမြစ်များ

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 7:14

La ai ha u ka iktiar, ka jingpyndonburom, bad ka bor ba kynja syiem, khnang ba ki briew jong ki jaitbynriew baroh, ki jait ki kynja, bad ki ktien ki thylliej kin shakri ïa u. Ka iktiar jong u kan neh junom, bad ka hima jong u kan ym kut shuh.

MATHAÏOS 12:18

“Une hangne u long u shakri jong nga, ïa uba nga la jied, uta uba nga ieit, bad ha uba nga sngewbha eh. Ngan phah ïa U Mynsiem jong nga halor jong u, bad un pynbna ïa ka jingbishar jong nga ha ki jaitbynriew.

MATHAÏOS 12:29

“Ym don uba lah ban phrung jubor shapoh ka ïing jong u briew uba khlaiñ bad kit noh ïa ki jingdon jingem jong u lymda nyngkong eh u teh u khum shuwa ïa u briew uba khlaiñ, nangta u sa lah ban lute ïa ka ïing jong u.

MATHAÏOS 21:31

Uno na kine ar ngut uba la leh ïa kaei kaba u kpa u la kwah?” “Uta uba kham san,” ki la jubab. Kumta U Jisu u la ong ha ki, “Nga ong ha phi: Ki nonglum khajna bad ki nuti ki leit rung shapoh ka Hima U Blei ha shuwa jong phi.

MATHAÏOS 21:43

“Bad kumta nga ong ha phi,” U Jisu u la bynrap, “ïa ka Hima U Blei yn shim noh na phi bad yn ai ha ki briew ki ban pynmih ki soh kiba dei.”

MATHAÏOS 4:24

Ka khubor shaphang jong u ka la phriang kylleng ka ri Syria baroh kawei, ba ki briew ki la wallam ha u ïa baroh kito kiba pang, kiba shahshitom na ki jingpang babun jait, bad kiba pang bhur, bad kiba ïapshiliang — bad U Jisu u la pynkhiah ïa ki baroh.

MATHAÏOS 6:33

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

MARKOS 1:15

“Ka por kaba dei ka la poi,” u ong, “bad ka Hima U Blei ka la hajan! To phai noh na ki pop jong phi bad ngeit ïa ka Khubor Babha!”

MARKOS 11:10

U Blei u kyrkhu ïa ka jingwan ka hima jong u syiem Dabid, u kpa jong ngi! Ïaroh ïa U Blei!”

MARKOS 16:17

Ïa kiba ngeit yn ai ka bor ban leh ïa ki kambah: Kin beh noh ïa ki ksuid ha ka kyrteng jong nga; kin kren ha ki thylliej kiba pher;

LOUKAS 10:11

‘Wat ïa u pui pui na ka shnong jong phi uba dambit ha ki kjat jong ngi, ngi ñiad noh pyrshah ïa phi. Hynrei kynmaw ba ka Hima U Blei ka la wan hajan jong phi!’

LOUKAS 11:20

Em, ka long pynban da ka bor ka jong U Blei ba nga beh noh ïa ki ksuid, bad kane ka pynshisha ba ka Hima jong U Blei ka la da wan ha phi.

LOUKAS 16:16

“Ka Hukum u Moses bad ki jingthoh jong ki nongïathuhlypa ki treikam haduh ka por jong u Ïoannis u Nongpynbaptis; naduh kata ïa ka Khubor Babha shaphang ka Hima U Blei la ïai ïathuh, bad uwei pa uwei u bsut jubor shapoh.

LOUKAS 9:2

Nangta u la phah ïa ki ban ïalap ïa ka Hima U Blei bad ban pynkhiah ïa kiba pang,

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

Ka Shithi U Paul Sha Ki Nong Rom 14:17

Naba ka Hima U Blei kam long ha kaba bam bad kaba dih, hynrei ka long ka hok, ka jingsuk, bad ka jingkmen kiba U Mynsiem Bakhuid u ai.

KOLOSSAI 1:13

U la pyllait ïa ngi na ka bor jong ka jingdum bad u la wallam ha ka jingsuk ïa ngi sha ka hima jong U Khun ba-ieit jong u,

HEBRU 12:28

Te, to ngin long kiba sngewnguh, namar ngi ïohpdiang ïa ka hima ka bymlah pynkhih. To ngin long kiba sngewnguh bad mane ïa U Blei ha ka rukom ka ban pynsngewbha ïa u, da ka jingsngew burom bad ka jingtiengburom;

1 ÏOANNIS 3:8

Uno uno uba ïai leh ïa ka pop, u long jong u Soitan, namar u Soitan u la leh pop naduh kaba mynnyngkong eh. U Khun U Blei u la paw na ka bynta kane hi ka daw, ban pynjot noh ïa kaei kaba la leh da u Soitan.