MATHAÏOS 12:26 - Khasi CL Bible (BSI)

²⁶ Kumta lada kawei ka kynhun ka ïaleh ïa kawei pat ka kynhun hapoh ka hima jong u Soitan, kane ka mut ba ka la da ïaphiah ha ki kynhun bad shen kan sa khyllem ha ka jingpra!

KA BAIBL

²⁶ Lada u Soitan ruh u shop noh ïa u Soitan, u ïaleh hi ïa lade; kumta, kan neh kumno ka hima jong u?

MATHAÏOS 12:26 ပူးပေါင်းရင်းမြစ်များ

MATHAÏOS 13:19

Kito kiba ïohsngew ïa ka khubor shaphang ka Hima hynrei ki bymshemphang ïa ka, ki long kum ki symbai kiba la hap ha shi lynter ka lynti ïaid kjat. Uta u Basniew u wan bad u knieh noh ïa kaei kaba la bet hapoh jong ki.

MATHAÏOS 4:10

Te U Jisu u la jubab, “Khie leit noh, ko Soitan! Ka Jingthoh Bakhuid ka ong, ‘To mane ïa U Trai U Blei jong me bad shakri tang ïa u hi!’ ”

MATHAÏOS 9:34

Hynrei ki Pharisi ki la ong, “U dei u rangbah jong ki ksuid uba ai ha u ka bor ban beh noh ïa ki ksuid.”

ÏOANNIS 12:31

Mynta ka dei ka por ba ïa kane ka pyrthei yn bishar; mynta ïa u nongsynshar jong kane ka pyrthei yn pynhiar khet.

ÏOANNIS 14:30

Ngam lah ban kren bad phi kham slem, namar u nongsynshar jong kane ka pyrthei un wan. Um donbor halor jong nga, hynrei, ka pyrthei ka dei ban tip ba nga ieit ïa U Kpa; na kata ka daw balei ba nga leh ïa kiei kiei baroh kumba u hukum ïa nga. “Ale, ïa ngin ïaleit noh na kane ka jaka.

ÏOANNIS 16:11

bad ki bakla shaphang ka jingbishar, namar ba ïa u nongsynshar jong kane ka pyrthei la lah bishar.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

KOLOSSAI 1:13

U la pyllait ïa ngi na ka bor jong ka jingdum bad u la wallam ha ka jingsuk ïa ngi sha ka hima jong U Khun ba-ieit jong u,

1 ÏOANNIS 5:19

Ngi tip ba ngi long ki jong U Blei, wat la ka pyrthei baroh kawei ka don hapoh ka jingsynshar jong u Basniew.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 16:10

Nangta u angel uba san u la theh noh ïa ka pliang jong u ha ka khet jong u mradkhlaw. Ka jingdum ka la tap ïa ka hima jong u mradkhlaw, bad ki briew ki la dait ïa la ki thylliej namar ka jingpang jong ki,

JINGPYNPAW 9:11

Ki don u syiem uba synshar halor jong ki, uba long u angel uba khmih ïa ka liewlong ba khlem trai. Ka kyrteng jong u ha ka ktien Hebru ka long u Abaddon; bad ha ka ktien Grik ka long u Apollyon (kaba mut u “Nongpynjot”).