MATHAÏOS 12:25 - Khasi CL Bible (BSI)

²⁵ U Jisu u la tip ïa kaei kaba ki pyrkhat, kumta u la ong ha ki, “Kano kano ka ri kaba phiah ïa lade ha ki kynhun kiba ïaleh kawei ïa kawei pat kan ym neh slem. Bad kano kano ka shnong lane ka longïing kaba phiah ïa lade ha ki kynhun kiba ïaleh kawei ïa kawei pat kan khyllem ha ka jingpra.

KA BAIBL

²⁵ Hynrei, U Jisu haba u la tip ïa ki jingmut jong ki, u la ong ha ki, “Ka hima baroh kaba ïaleh makynti, kan jot; ka shnong ruh ne ka ïing baroh kaba ïaleh makynti, kan ym neh.

MATHAÏOS 12:25 ပူးပေါင်းရင်းမြစ်များ

1 SYIEM 16:21

Ki briew ka Israel ki ïa-pait: don napdeng jong ki kiba kwah ban pynlong syiem ïa u Tibni u khun jong u Ginath, bad kiwei pat ki kwah ïa u Omri.

SALM 139:2

Me tip ïa kiei kiei baroh kiba nga leh; na jngai bah me sngewthuh ïa ki jingmut jong nga baroh.

ISAÏAH 9:21

Ki briew jong ka Manasseh bad ki briew jong ka Ephraim ki tur ïaleh para ma ki, bad ryngkat lang ki tur ïaleh ïa ka Judah. Pynban la katta ruh, ïa ka jingbitar jong U Trai ym shym pynkut, ka kti jong u ka dang ïai kner ban pynshitom.

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

AMOS 4:13

U Blei u long uta uba la thaw ïa ki lumbah bad uba pynlong ïa ki lyer. U pynpaw ïa la ki jingmut ha u briew; u pynkylla ïa ka sngi sha ka miet. U ïaid ha kiba kynjang jong ka pyrthei. Kane ka long ka kyrteng jong u: U Trai U Blei Badonbor Baroh!

MATHAÏOS 9:4

U Jisu u la tip ïa kaei kaba ki pyrkhat, kumta u la ong, “Balei phi ïa-pyrkhat ïa kine kiei kiei kiba sniew?

MARKOS 2:8

Mar kumta hi U Jisu u la tip ïa kaei kaba ki dang ïa-pyrkhat, kumta u la ong ha ki. “Balei ba phi ïa-pyrkhat kum ïa kita kiei kiei?

ÏOANNIS 21:17

Ha ka sien kaba lai U Jisu u la ong, “Ko Simon, u khun jong u Jona, me ieit ïa nga?” U Petros u la sngewsih namar ba U Jisu u la kylli ïa u ha ka sien kaba lai, “Me ieit ïa nga?” kumta u la ong ha u, “Ko Trai, me tip ïa kiei kiei baroh; me tip ba nga ieit ïa me!” U Jisu u la ong ha u, “To sumar ïa ki langbrot jong nga.

1 KORINTH 2:11

Ka dei tang ka mynsiem kaba hapoh u briew hi, kaba tip ïa baroh shaphang jong u; ha kajuh ka rukom, tang U Mynsiem U Blei, uba tip ïa baroh shaphang U Blei.

GALATIA 5:15

Hynrei lada phi leh kum ki mradkhlaw, phi pynmong bad pynmynsaw iwei ïa iwei pat, te sumar bha, ïoh phin ïa-pynjot noh khoit iwei ïa iwei.

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.

JINGPYNPAW 16:19

Ïa ka nongbah kaba khraw la kad ha ki lai bynta, bad ïa ki nongbah jong ki ri baroh la pynjot. U Blei u la kynmaw ïa ka Babilon bakhraw bad u la pynlong ïa ka ban dih ïa ka waiñ na ka khuri jong u — ka waiñ jong ka jingbitar shla jong u.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.