MATHAÏOS 12:14 - Khasi CL Bible (BSI)

¹⁴ Nangta ki Pharisi ki la mihnoh bad ki la pynlong ki jingthmu ban pynïap ïa U Jisu.

KA BAIBL

¹⁴ Te haba kita ki Pharisi ki la leit noh, ki la ïasylla pyrshah ïa U, kumno ba kin ïoh pynïap noh ïa U.

MATHAÏOS 12:14 ပူးပေါင်းရင်းမြစ်များ

MATHAÏOS 26:4

bad ki la ïapynlong ki jingthmu ban kem ïa U Jisu ha kaba rieh bad ban pynïap ïa u.

MATHAÏOS 27:1

Dang step phyrngab, baroh ki rangbah lyngdoh bad ki tymmen ki san ki la pynlong ki jingthmu jong ki pyrshah ïa U Jisu ban pynïap ïa u.

MARKOS 14:1

Ka la long mynta ar sngi shuwa ka Jingkhawai Niam Ka Jinglait bad U Kpu Bakhlem Thiat. Ki rangbah lyngdoh bad ki nonghikai ka Hukum ki la wad ka lad ban kem jar jar ïa U Jisu bad ban pynïap ïa u.

MARKOS 3:6

Kumta ki Pharisi ki la mihnoh na ka synagog bad mar kumta hi ki la ïakynduh bad katto katne ngut ki dkhot ka kynhun u Herod, bad ki la thaw ki jingthmu ban pynïap noh ïa U Jisu.

LOUKAS 22:2

Ki rangbah lyngdoh bad ki nonghikai ka Hukum ki la sheptieng ïa u paidbah, bad kumta ki la pyrshang ban wad lad ban pynïap ïa U Jisu ha kaba jar jar.

LOUKAS 6:11

La pyndap ïa ki da ka jingbitar shla bad ki la sdang ban ïaphylliew jingmut para ma ki ïa kaei ba ki lah ban leh ïa U Jisu.

ÏOANNIS 10:31

Te ki briew ki la khar ïa ki maw ban lynthem ïa u.

ÏOANNIS 10:39

Sa shisien ki la pyrshang ban kem ïa U Jisu, hynrei u la lait noh na ki kti jong ki.

ÏOANNIS 11:53

Naduh kata ka sngi hi ki nongsynshar jong ki Jiw ki la ïasylla ïa ka ban pynïap ïa U Jisu.

ÏOANNIS 11:57

Ki rangbah lyngdoh bad ki Pharisi ki la ai ïa ka hukum ba lada uno uno u tip hangno ba U Jisu u don, u dei ban wanrah khubor, khnang ba kin ïohkem ïa u.

ÏOANNIS 5:18

Kane ka jingong ka la pynlong ïa ki nongsynshar jong ki Jiw ba kin nang wad dong shuh shuh ban pynïap ïa u; ym tang ba u la pynkheiñ ïa ka hukum Sabbaton, hynrei ba u la ong ba U Blei hi u dei U Kpa jong u bad da kumne u la pynlong ïa lade uba ïaryngkat bad U Blei.

ÏOANNIS 7:30

Te ki la pyrshang ban kem ïa u, hynrei ym don uba la ktah kti ïa u, namar ba ka kynta jong u kam pat poi.

ÏOANNIS 7:32

Ki Pharisi ki la ïohsngew ba u paidbah u ïa-pasiaw ïa kine kiei kiei shaphang U Jisu, kumta ma ki bad ki rangbah lyngdoh ki la phah katto katne ngut ki nongap phira ban kem ïa u.

ÏOANNIS 7:44

Don kiba la kwah ban kem ïa u, hynrei ym don uba ktah kti ïa u.

ÏOANNIS 8:59

Nangta ki la ïa-khar ïa ki maw ban lynthem ïa u, hynrei U Jisu u la buhrieh ïa lade bad u la mihnoh na ka Templ.