MATHAÏOS 12:10 - Khasi CL Bible (BSI)

¹⁰ ha kaba la don u briew uba don ka kti kaba la ïapshiliang. Katto katne ki briew hangta kiba la kwah ban mudui ïa U Jisu ha ka jingleh bakla, kumta ki la kylli ïa u, “Hato ka long pyrshah ïa Ka Aiñ jong ngi ban pynkhiah ha ka sngi Sabbaton?”

KA BAIBL

¹⁰ Ha khmih ruh, la don u briew uba don ka kti ka baïap. Te ki la kylli ïa u, ki da ong, “Ka bit ne em ban pynkhiah ha ka sngi Sabbaton?” ba kin ïakem daw ïa u.

MATHAÏOS 12:10 ပူးပေါင်းရင်းမြစ်များ

ISAÏAH 32:6

Uba bieit u kren bieit bad u pyrkhat ban leh ïa kiei kiei kiba sniew. Kaei kaba u leh bad kaei kaba u ong ka long ka jingibeiñ ïa U Trai, bad um ju bsa ïa kiba thngan lane um ju ai ka jingdih ïa kiba sliang.

ISAÏAH 59:13

Ngi la ïeng ïaleh pyrshah ïa me, kyntait ïa me, bad ngim treh ban bud ïa me. Ngi la banbeiñ ïa kiwei bad phai lyndet na me. Ki jingmut jong ngi ki long kiba bakla; ki ktien jong ngi ki long kiba lamler.

ISAÏAH 59:4

Phi kiew sha ka ïingbishar, hynrei phim shym ïoh ka jingbishar hok ha ka liang jong phi. Phi shaniah ha ki jinglamler ban jop ïa ka jingmudui jong phi. Phi pyndep ïa ki jingthmu jong phi ban pynmong ïa kiwei.

SEKHARAÏAH 11:17

Uta u nongaplangbrot u bymmyntoi ei ei u long uba la tim! U la iehnoh ïa la ka kynhun langbrot. Ka thma kan pynjot khoit ïa ka bor jong u. Ka kti jong u kan ïapstai bad ka khmat kamon jong u kan long kaba matlah.”

MATHAÏOS 12:2

Haba ki Pharisi ki la ïohi ïa kane, ki la ong ha U Jisu, “Ha khmih, ka long pyrshah ïa Ka Aiñ jong ngi na ka bynta ki synran jong me ban leh ïa kane ha ka sngi Sabbaton.”

MATHAÏOS 19:3

Katto katne ngut ki Pharisi ki la wan sha u bad ki la pyrshang ban riam ïa u da kaba kylli, “Hato ka Aiñ jong ngi ka shah ïa u briew ban pyllait noh ïa ka tnga jong u na ka bynta kano kano ka daw kaba u mon?”

MARKOS 3:2

Katto katne ngut ki briew kiba don hangta ki kwah ban mudui ïa U Jisu ba u leh bymdei; kumta ki la peit bha ïa u bad khmih lada un pynkhiah ïa uta u briew ha ka sngi Sabbaton.

LOUKAS 11:54

da kaba pyrshang ban buh ki jingriam ïa u bad ban kem daw ïa u lada u kren ïa kaei kaei kaba bakla.

LOUKAS 13:14

U rangbah synshar jong ka synagog u la bitar ba U Jisu u la pynkhiah ha ka sngi Sabbaton, kumta u la kren bad u la ong ha u paidbah, “Don hynriew sngi ha kaba ngi dei ban trei; kumta to wan ha kito ki sngi bad ban ïoh jingpynkhiah, hynrei ym ha ka sngi Sabbaton!”

LOUKAS 20:22

To ïathuh ïa ngi, hato ka long pyrshah ïa ka Aiñ jong ngi ba ngi dei ban siew khajna sha u Patsha ka Hima Rom, ne kumno?”

LOUKAS 23:14

“Phi la wallam ïa une u briew ha nga bad phi la ong ba u ïalam bakla ïa u paidbah. Mynta, nga la jurip bha ïa u hangne ha ka jingdon ryngkat jong phi, bad ngam shym shem ïa u ba u shah rem ha kano kano ka kam runar kaba phi mudui ïa u.

LOUKAS 23:2

“Ngi la kem ïa une u briew uba ïalam bakla ïa ki briew jong ngi, da kaba ong ïa ki ban ym siew khajna sha u Patsha bad u kam ba ma u hi u long U Messaïah, u syiem.”

ÏOANNIS 5:10

Kane ka la jia ha ka sngi Sabbaton, kumta ki nongsynshar jong ki Jiw ki la ong ïa uta u briew uba la ïohkhiah, “Kane ka dei ka sngi Sabbaton, bad ka long pyrshah ïa ka Hukum jong ngi ïa me ban rah ïa la ka jingthiah.”

ÏOANNIS 5:3

U paid uba bun jong ki briew kiba pang ki ïathiah ha ki baranda — kiba matlah, kiba dkoh, bad kiba ïapshiliang.

ÏOANNIS 7:23

Lada ïa u khynnah la otsher ha ka sngi Sabbaton ba yn ym pynkheiñ ïa ka Hukum u Moses, balei phi bitar ïa nga namar ba nga pynkhiah ïa u briew ha ka sngi Sabbaton?

ÏOANNIS 8:6

Ki la ong ïa kane ban riam ïa U Jisu, khnang ba ki lah ban mudui ïa u. Hynrei u la dem sha khyndew bad u la thoh ha madan da la ka shympriah kti.

ÏOANNIS 9:16

Don ki Pharisi kiba la ong, “Uta u briew uba la leh ïa kane um lah ban long na U Blei, naba um shym kohnguh ïa ka hukum Sabbaton.” Hynrei, kiwei pat, ki la ong, “Kumno u briew uba long u nongpop u lah ban leh kum kita ki kambah kat kine?” Bad ka la don ka jingïapait hapdeng jong ki.