MATHAÏOS 11:5 - Khasi CL Bible (BSI)

⁵ kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

KA BAIBL

⁵ Ki bamatlah ki peit pat, ki ba-dkoh ruh ki ïaid, la pynkhuid ïa ki bapang 'ñiangthohlieh, ki bakyllut ruh ki ïohsngew, la pynim pat ïa ki nongïap, bad la ïalap ïa ka gospel ha ki baduk ruh:

MATHAÏOS 11:5 ပူးပေါင်းရင်းမြစ်များ

2 SYIEM 5:14

Kumta u Naaman u leit hiar sha ka Jordan, u pynngam ïa lade hynñiew sien ha ka, kumba u Elisha u la bthah, bad u la ïohkhiah phar. Ka doh jong u ka la wandur bad khiah krat, kum ka jong u khunlung.

2 SYIEM 5:7

Haba u syiem Israel u pule ïa ka shithi, u la kad ïa la ki jaiñ ha ka jingkhuslai bad u kyang jam, “Kumno u syiem Syria u khmih lynti ïa nga ban pynkhiah ïa une u briew? Hato u pyrkhat ba nga dei U Blei, lem bad ka bor jong ka jingim bad ka jingïap? Ka shai kdar ba u pyrshang ban sdang ïakajia bad nga!”

SALM 146:8

bad u pynpeit pat ïa kiba matlah. U khyllie ïa kito kiba la kyllon noh; u ieit ïa ki briew kiba hok jong u.

SALM 22:26

Kiba duk kin bam katba ki lah; kito kiba wan sha U Trai kin ïaroh ïa u. Ai kin manbha junom!

EKSODOS 4:11

U Trai u la ong ha u, “Uei uba ai ha u briew ïa ka shyntur? Uei uba pynlong ïa u uba kyllut ne u bymnang kren? Uei uba ai ha u ïa ka jingïohi ne pynlong ïa u, uba matlah? Dei ma nga, U Trai.

ISAÏAH 29:18

Ynda kata ka sngi kan wan, kiba kyllut kin sa lah ban ïohsngew ba la pule jam ïa ka kot, bad ba kiba matlah, kiba ju im ha ka jingdum, kin plie ïa la ki khmat bad ïohi.

ISAÏAH 29:19

Ki briew kiba duk bad kiba rit kyrdan kin shem pat ïa ka jingsuk kaba U Trai, U Blei Bakhuid jong ki Israel, un ai.

ISAÏAH 43:8

U Blei u ong, “Khot hajir ïa ki briew jong nga sha ïingbishar. Ki don ki khmat hynrei ki long kiba matlah; ki don ki shkor hynrei ki long kiba kyllut!

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

SEKHARAÏAH 11:7

Kito kiba la thied bad die ïa ki langbrot ki la wai ïa nga, bad nga la long u nongaplangbrot jong ki langbrot kiba la dei ban shah shohdoh. Nga la shim ar tylli ki dieng: Ïa uwei nga la khot “U Jingsngewbha” bad ïa uwei pat “U Jingtylli.” Bad nga la sumar ïa ki langbrot.

MATHAÏOS 10:8

To pynkhiah ïa kiba pang, to pynim pat ïa kiba ïap, to pynkhiah ïa kito kiba shitom na ki jingpang 'ñiangthohlieh, bad to beh noh ïa ki ksuid. Phi la ïohpdiang ei, kumta to ai ei.

MATHAÏOS 11:4

U Jisu u la jubab, “Khie leit phai bad ïathuh ïa u Ïoannis ïa kaei kaba phi ïohsngew bad ïohi:

MATHAÏOS 12:13

Nangta u la ong ha u briew uba don ka kti kaba la ïapshiliang, “To kner shabar ïa la ka kti.” U la kner shabar ïa ka bad ka la kylla bha pat, kumba long kata kawei pat.

MATHAÏOS 21:14

Kiba matlah bad kiba dkoh ki la wan sha u ha ka Templ, bad u la pynkhiah ïa ki.

MATHAÏOS 5:3

“Suk kito kiba tip ba ki long kiba duk ha kaba kynja mynsiem; ka Hima ki bneng ka long ka jong ki!

MATHAÏOS 9:30

bad ïa ka jingïohi jong ki la pynïoh pat. U Jisu u la maham jur ïa ki, “Wat ïathuh ïa kane hano hano ruh!”

MARKOS 7:37

Bad baroh kiba la ïohsngew ki la sngewlyngngoh shikatdei eh. “Kumno u lah ban leh ïa kiei kiei baroh!” ki la ïa-pyrta. “U lah wat ban pynlong ïa uba kyllut ban ïohsngew bad ïa u bymnang kren ban kren!”

MARKOS 9:25

U Jisu u la ïohi ba u paidbah u la nang kyntur ïa ki, kumta u la hukum ïa u mynsiem bymkhuid. “Mynsiem bakyllut bad bymnang kren,” u la ong, “Nga hukum ïa me ban mihnoh na u khynnah bad wat ju rung shuh hapoh jong u!”

LOUKAS 4:18

“U Mynsiem jong U Trai u long ha nga, namar ba u la jied ïa nga ban wallam ka khubor babha ha kiba duk. U la phah ïa nga ban pynbna ka jingpyllaitluid ïa ki koidi bad ka jingpynïoh ïa ka jingimat ha kiba matlah; ban pyllait ïa kiba la shah banbeiñ

ÏOANNIS 10:25

U Jisu u la jubab, “Nga la lah ïathuh ïa phi, hynrei phim ngeit ïa nga. Ki kam kiba nga leh ha ka bor u Kpa jong nga ki kren na ka bynta jong nga;

ÏOANNIS 10:38

Hynrei lada nga leh ïa ki, wat lada phim ngeit ïa nga, phi la dei ban ngeit ïa ki kam jong nga, khnang ba phi lah ban tip shi syn tip ba U Kpa u long ha nga bad ba nga long ha U Kpa.”

ÏOANNIS 2:23

Katba U Jisu u dang don ha Jerusalem ha ka por ka Jingkhawai Niam Ka Jinglait, shibun ki la ngeit ha u haba ki la ïohi ïa ki kambah kiba u la leh.

ÏOANNIS 3:2

Ha kawei ka miet, une u la leit sha U Jisu bad u la ong ha u, “Ko Rabbi, ngi tip ba me long u nonghikai ïa uba la phah da U Blei. Ym don uno uno uba lah ban leh ïa ki kambah kiba me leh lymda U Blei u don ryngkat bad u.”

ÏOANNIS 5:36

Hynrei nga don ka jingphla na ka bynta jong nga kaba kham khraw ban ïa ka jingphla kaba u Ïoannis u la ai: Kaei kaba nga leh, kata ka long, ki kam kiba U Kpa jong nga u la ai ïa nga ban leh, kine ki kren na ka bynta jong nga bad ki pyn-i ba U Kpa u la phah ïa nga.

ÏOANNIS 9:7

“To khie leit bad bta ïa ka khmat jong me ha ka Pung Siloam.” (Kane ka kyrteng ka mut “Ba la phah.”) Kumta uta u briew u la leit, u la bta ïa la ka khmat, bad u la wan phai uba imat pat.

KI KAM 2:22

“A to shahshkor ïa kine ki kyntien, ko para nong Israel! U Jisu uba na Nasareth u la long u briew uba ïa ka bor ba kynja blei jong u la pynshisha da kaba shai ha phi da ki kambah bad kamphylla baroh kiba U Blei u la leh lyngba jong u. Phi hi phi tip ïa kane, naba ka la jia hangne hapdeng jong phi.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.