MATHAÏOS 11:3 - Khasi CL Bible (BSI)

³ “Ïathuh ïa ngi,” ki la kylli ïa U Jisu, “phi long ma phi uta uba dei ban wan, ne ngin ïakhmih lynti ïa uwei pat?”

KA BAIBL

³ bad u la kylli ha U, “Me long uta u ban sa wan, ne ngin ïa-ap ïa uwei pat?”

MATHAÏOS 11:3 ပူးပေါင်းရင်းမြစ်များ

JENESIS 12:3

“Ngan kyrkhu ïa kito kiba kyrkhu ïa me, Hynrei ngan tim ïa kito kiba tim ïa me. Bad da me ngan kyrkhu ïa ki jaitbynriew baroh.”

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

SALM 118:26

To U Blei un kyrkhu ïa uta uba wan ha ka kyrteng jong U Trai! Na ka Templ jong U Trai ngi kyrkhu ïa me.

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

OBADAÏAH 1:21

Ki rangbah nongjop jong ka Jerusalem kin tur ïaleh ïa ka Edom bad kin synshar halor jong ka. Bad U Trai da lade hi un long u Syiem.”

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

HAGGAI 2:7

Ngan pynkyllon ïa ki hima baroh, bad ïa ki jingkynshew yn wallam shane, bad ïa ka Templ yn pyndap da ka spah.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

MALAKHI 3:1

U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

JINGKHEIÑ 24:17

Nga khmih sha ka lawei, Bad nga ïohi ïa ka jaitbynriew Israel. U syiem, uba kum u khlur phyrnai, un mih ha kata ka jaitbynriew. Kum u 'lur dih duma un wan mih na Israel. Un shoh ïa ki nongïalam ki Moab, Bad un pyndem ïa ki briew jong u Seth.

MATHAÏOS 11:10

Naba u Ïoannis u long uta ïa uba ka jingthoh bakhuid ka ong. ‘U Blei u la ong, ngan phah ïa u nonglamktien jong nga ha shuwa jong me ban plie ka lynti na ka bynta jong me.’

MATHAÏOS 11:4

U Jisu u la jubab, “Khie leit phai bad ïathuh ïa u Ïoannis ïa kaei kaba phi ïohsngew bad ïohi:

MATHAÏOS 21:5

“To ïathuh ïa ka nongbah Seïon, ha khmih, u Syiem jong pha u wan sha pha! U long uba sngewrit bad u shong halor ka kada bad halor u khun kada.”

MATHAÏOS 21:9

Ki paidbah kiba la ïaid ha khmat jong U Jisu bad kito kiba la bud nadien ki la sdang ban pyrta, “To ïaroh ïa U khun u Dabid! U Blei u kyrkhu ïa uta uba wan ha ka kyrteng jong U Trai! To ïaroh ïa U Blei!”

MARKOS 11:9

Ki briew kiba don ha khmat bad kito kiba bud nadien ki la sdang ban pyrta, “Ïaroh ïa U Blei! U Blei u kyrkhu ïa uta uba wan ha ka kyrteng jong U Trai!

LOUKAS 19:38

“U Blei u kyrkhu ïa u syiem uba wan ha ka kyrteng jong U Trai! Ka jingsuk ha ki bneng bad ka burom ïa U Blei!”

ÏOANNIS 11:27

“Ho-oid, ko Trai!” ka la jubab. “Nga ngeit ba me long U Messaïah, U Khun U Blei, u ban sa wan sha ka pyrthei.”

ÏOANNIS 12:13

Kumta ki la kdiah ïa ki tnat dieng Tlai bad ki la mih ban leit ïakynduh ïa u, ki da pyrta, “Ïaroh ïa U Blei! To U Blei un kyrkhu ïa uta uba wan ha ka kyrteng jong U Trai! To U Blei un kyrkhu ïa u Syiem ki Israel!”

ÏOANNIS 16:14

Un ai burom ïa nga, namar un shim ïa kaei ba nga ong bad ïathuh ïa ka ha phi.

ÏOANNIS 4:21

U Jisu u la ong ha ka, “To ngeit ïa nga, ko ka briew, ba ka por kan poi haba ki briew kin ym mane ïa U Kpa halor une u lum ne ha Jerusalem.

ÏOANNIS 6:14

Haba ki paidbah ki la ïohi ïa kane ka kambah kaba U Jisu u la leh, ki la ong, “Da shisha une u long u nongïathuhlypa, uba la dei ban wan sha ka pyrthei!”

ÏOANNIS 7:31

Hynrei bun na uta u paidbah u la ngeit ha u bad u la ong, “Haba U Messaïah un wan, hato un leh kham bun ki kambah ban ïa kaba une u briew u la leh?”

HEBRU 10:37

Naba ka Jingthoh Bakhuid ka ong, “Namar sa tang shibit eh, bad uta uba wan un wan; un ym slem shuh.