MATHAÏOS 11:29 - Khasi CL Bible (BSI)

²⁹ To shim ïa ka lyngkor jong nga bad buh ïa ka halor jong phi, bad to hikai na nga, namar nga long uba jemnud bad uba sngewrit ha ka mynsiem; bad phin shem ka jingjahthait.

KA BAIBL

²⁹ To shim ïa ka lyngkor jong nga ha phi, to hikai ruh na nga; naba nga uba lui lui bad u barit ruh ha ka dohnud: te phin shem kaba jahthait ha ki mynsiem jong phi.

MATHAÏOS 11:29 ပူးပေါင်းရင်းမြစ်များ

2 KHRONIKL 10:11

Ïathuh ïa ki, ‘I pa i la buh ha phi ïa ki jingkit kiba khia; nga ngan nang pynkhia shuh shuh. I la sympat ïa phi da u shabuk, hynrei nga ngan sympat ïa phi da u shabuk kulai!’ ”

SALM 116:7

To sngewskhem, ko mynsiem jong nga, namar U Trai u la lehbha ïa nga.

SALM 131:1

A Trai, nga la iehnoh noh ïa ka jingsarong jong nga bad phai noh na ka jingsngewmeng jong nga. Ngam da sngewkhia ïa ki kam kiba khraw bad ki phang kiba eh than ba ngan sngewthuh.

PROBERB 3:17

Ka jingstad kan pynsngewtynnat ïa ka jingim jong phi bad ka ai jingsuk lynter ïa phi.

ISAÏAH 28:12

U la ai ka jingshongthait bad ka jingjahthait ïa phi baroh, hynrei phi kyntait ban shahshkor ïa u.

ISAÏAH 29:19

Ki briew kiba duk bad kiba rit kyrdan kin shem pat ïa ka jingsuk kaba U Trai, U Blei Bakhuid jong ki Israel, un ai.

JEREMAÏAH 6:16

U Trai u ong ha ki briew jong u, “To ïeng ha ka jaka ba ïashem ki lad bad to khmih. Kylli shaphang ki lynti ïaid kiba mynbarim bad hangno ka don ka surok babha tam. To ïaid ha ka, bad phin im ha ka jingsuk.” Hynrei ki ong, “Em, ngin ym leh!”

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

JINGKHEIÑ 12:3

(U Moses u long u briew uba sngewrit; uba kham sngewrit ban ïa uno uno u briew ha ka pyrthei.)

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

MATHAÏOS 21:5

“To ïathuh ïa ka nongbah Seïon, ha khmih, u Syiem jong pha u wan sha pha! U long uba sngewrit bad u shong halor ka kada bad halor u khun kada.”

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

MATHAÏOS 7:24

“Kumta te, uno uno uba ïohsngew ïa kine ki ktien jong nga bad uba kohnguh ïa ki u long kum u briew uba stad uba la tei ïa la ka ïing halor u mawsiang.

LOUKAS 8:35

Ki briew ki la ïaleit ban peit ïa kaei kaba la lah jia, bad haba ki la poi ha U Jisu, ki la shem ïa u briew na uba ki ksuid ki la mihnoh, ba u da shong ha ki kjat jong U Jisu, u la phong jaiñ bad ha ka jingtipbriew; bad baroh ki la sheptieng.

ÏOANNIS 13:15

Nga la pyn-i ka nuksa ïa phi, ba phin leh kumba nga la leh ma nga ïa phi.

ÏOANNIS 13:17

Mynta ba phi tip ïa kane ka jingshisha, katno kiba kmen phin long lada phi pyntreikam ïa ka!

KI KAM 7:37

U Moses u long uta uba la kren ha ki paid Israel, ‘U Blei un phah ha phi ïa u nongïathuhlypa, kumba u la phah ïa nga, bad un long uba napdeng ki briew jong phi.’

1 KORINTH 9:21

Kumjuh ruh, haba nga dang trei bad ki Jentil, nga im kum u Jentil, shabar ka Hukum ki Jiw, khnang ban jop ïa ki Jentil. Kane kam mut ba nga khlem kohnguh ïa ka hukum U Blei; nga long shisha hapoh ka hukum U Khrist.

2 KORINTH 10:1

Nga u Paul, nga pynlong ka jingkyrpad ïa phi — ïa nga ïa kaba la ong ba nga long uba jemnud bad jai jai haba nga don bad phi, hynrei uba eh haba nga don jngai na phi.

2 KORINTH 10:5

Ngi pynïap nia ïa ki jingïatainia ba-thala; ngi pynduh ïa ka jingpynwit basngewmeng baroh ba la pynïeng pyrshah ïa kata ka jingtip U Blei; ngi shim ïa ka jingpyrkhat baroh bad pynkohnguh ïa ka ha U Khrist.

PHILIPPI 2:5

Ka jingmut kaba phi dei ban don ka long kata kaba U Khrist Jisu u la don:

1 THESSALONI 4:2

Namar phi tip ïa ki jingbatai kiba ngi la ai ha phi da ka iktiar jong U Trai Jisu.

2 THESSALONI 1:8

lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi.

HEBRU 5:9

Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

1 ÏOANNIS 2:6

Uno uno uba ong ba u ïaisah ha U Blei u dei ban im kumba U Jisu Khrist u la im.