MATHAÏOS 11:28 - Khasi CL Bible (BSI)

²⁸ “To wan ha nga, phi baroh kiba thait na kaba kit ïa ki jingkit kiba khia, bad ngan ai ha phi ka jingjahthait.

KA BAIBL

²⁸ To wan ha nga, phi baroh ki bathait bad bakhia ka jingkit, te ngan pynjem ïa phi.

MATHAÏOS 11:28 ပူးပေါင်းရင်းမြစ်များ

Ka Kitab U Job 14:1

La kha ïa ngi baroh ki briew kiba tlot bad bymdonbor. Baroh ka ïalam sha kajuh ka jingim balyngkot, bajynjar.

Ka Kitab U Job 5:7

Em da shisha! Ki briew ki wanrah jingjynjar halor lade, kumba ki phylliah ding ki mih na ka ding.

SALM 116:7

To sngewskhem, ko mynsiem jong nga, namar U Trai u la lehbha ïa nga.

SALM 32:4

Mynsngi bad mynmiet me pynshitom ïa nga, A Trai; ka jingkhlaiñ jong nga ka la tyrkhong lut kum ka umjer ba la ryngkhiang da ka jingshit ka lyiur.

SALM 38:4

Nga la jyllop ha ka jingshlei ki pop jong nga; ki long ka jingkit kaba khia eh ban bah.

SALM 94:13

Me ai ha u ïa ka jingjahthait na ki sngi ka jingjynjar haduh ban da tih ïa ka tliew ban ngat u bymman.

EKLESIASTIS 1:14

Nga la ïohi ïa kaei kaei baroh ba la leh ha ka pyrthei, bad nga ong ha phi ba baroh ka long ka bymmyntoi. Ka long kum ka jingbeh ïa ka lyer.

EKLESIASTIS 1:8

Baroh kaei kaei ka lam sha ka jingngiah — ka jingngiah kaba khraw palat ïa ki kyntien. Ki khmat jong ngi kim lah ban ïohi shibun kat ban ïoh jinghun, ki shkor jong ngi kim lah da lei lei ban ïohsngew shibun.

EKLESIASTIS 4:8

Hangne don uwei uba shong basah marwei. Um don khun shynrang lymne u para, pynban u ïai trei, um ju sngewhun ïa ka spah kaba u don. Na ka bynta jongno ba u trei shitom haduh katta katta bad ba u khanglad ïa lade hi na kano kano ka jingpynsngewbha? Kane ruh ka long ka bymmyntoi — bad ka lynti ba-isangsot ban im.

ISAÏAH 1:4

Phi long ba la tim, phi ka jaitbynriew bapop, phi ki riew jakhlia bad bymman! Ki pop jong phi ki tan ïa phi sha trai. Phi la kyntait ïa U Trai, U Blei bakhuid jong ki Israel, bad phi la pynphai ïa la ki ingdong sha u.

ISAÏAH 11:10

Ka sngi ka wan ha kaba u syiem bathymmai na ka longïing syiem jong u Dabid un long ka dak ka shin ïa ki jaitbynriew. Kin ïalumlang ha ka nongbah ba kynja syiem jong u bad ai ka jingpyndonburom ïa u.

ISAÏAH 28:12

U la ai ka jingshongthait bad ka jingjahthait ïa phi baroh, hynrei phi kyntait ban shahshkor ïa u.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

JEREMAÏAH 31:25

Ngan pynthymmai bor ïa kito kiba la thait bad pynhun da ka jingbam ïa baroh kiba la tlot na ka jingthngan.

JEREMAÏAH 35:16

Ki khun ki ksiew u Jonadab ki la kohnguh ïa ka hukum kaba u kpa tymmen jong ki u la ai ha ki, hynrei ma phi phim shym la kohnguh ïa nga.

JEREMAÏAH 6:16

U Trai u ong ha ki briew jong u, “To ïeng ha ka jaka ba ïashem ki lad bad to khmih. Kylli shaphang ki lynti ïaid kiba mynbarim bad hangno ka don ka surok babha tam. To ïaid ha ka, bad phin im ha ka jingsuk.” Hynrei ki ong, “Em, ngin ym leh!”

MATHAÏOS 11:29

To shim ïa ka lyngkor jong nga bad buh ïa ka halor jong phi, bad to hikai na nga, namar nga long uba jemnud bad uba sngewrit ha ka mynsiem; bad phin shem ka jingjahthait.

MATHAÏOS 23:4

Ki teh pynbah ha ki met jong ki briew ïa ki jingkit kiba khia bad kiba eh ban kit, pynban kim mon bad rah la ki kti ban ïarap ïa ki ban kit ïa kito ki jingkit.

ÏOANNIS 6:37

Uno uno ïa uba U Kpa jong nga u ai ha nga un wan sha nga. Ngan ym kyntait ïa uno uno uba wan sha nga, namar nga la wan hiar na bneng ban leh ym ïa ka mon ka jong nga hynrei ïa ka mon jong uta uba la phah ïa nga.

ÏOANNIS 7:37

Ha ka sngi kaba khatduh bad kaba khraw tam eh jong ka Jingkhawai Niam, U Jisu u la ïeng joit bad u la ong ha ka sur kaba jam, “Uno uno uba sliang u dei ban wan sha nga, bad uno uno uba ngeit ha nga u dei ban dih.

KI KAM 15:10

Kumta te, balei mynta phi kwah ban tynjuh ïa U Blei da kaba buh ka jingkit halor ki met jong ki parabangeit ïa kaba ym don ki kpa tymmen jong ngi lymne ma ngi hi kiba lah ban kit?

KI KAM 20:35

Nga la pyn-i ha phi ha kiei kiei baroh ba da kaba trei shitom ha kane ka rukom ngi dei ban ïarap ïa kiba tlot, da kaba kynmaw ïa ki ktien kiba U Trai Jisu da lade hi u la ong, ‘Ka don ka jingkmen kaba kham khraw ha kaba ai ban ïa kaba pdiang.’ ”

GALATIA 5:1

Ka jinglaitluid ka long kaei kaba ngi don — dei U Khrist u la pyllait ïa ngi! Ïeng te, kum ki briew kiba laitluid, bad wat shah ïa lade ban long pat ki mraw.

2 THESSALONI 1:7

bad un ai ka jingpyllait ha phi kiba shahshitom bad ha ngi ruh kumjuh. Un leh ïa kane haba U Trai Jisu u mihpaw na bneng lem bad ki angel bakhlaiñbor jong u,

HEBRU 4:1

Mynta, U Blei u la tyrwa ha ngi ïa ka jingkular ba ngi lah ban pdiang ïa ka jingjahthait ïa kaba u la kren. Te, to ngin da sumar, ba yn ym shem ïa uno uno na phi u bym kot ban ïohpdiang ïa kata ka jingjahthait ba la kular.

JINGPYNPAW 22:17

U Mynsiem bad ka Nongleitkurim ki ong, “To wan!” Uwei uwei baroh uba ïohsngew ïa kane u dei ruh ban ong, “To wan!” To wan, uno uno uba sliang, to pdiang ïa ka um ka jingim kum ka jingai sngewbha, uno uno uba kwah ïa ka.