MATHAÏOS 11:27 - Khasi CL Bible (BSI)

²⁷ “U Kpa jong nga u la ai ha nga ïa kiei kiei baroh. Ym don mano mano ba ithuh ïa U Khun lait tang U Kpa, bad ym don mano mano ba ithuh ïa U Kpa lait tang U Khun bad kito ha kiba U Khun u jied ban pynpaw ïa u.

KA BAIBL

²⁷ Kiei kiei baroh la ai ha nga na U Kpa jong nga: ym don ruh uba ithuh ïa U Khun, hynrei, tang U Kpa; lymne uba ithuh ïa U Kpa, hynrei, tang U Khun, bad uta ha uba uta U Khun u mon ban pynpaw ïa u.

MATHAÏOS 11:27 ပူးပေါင်းရင်းမြစ်များ

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

LOUKAS 10:22

“U Kpa jong nga u la ai ha nga ïa kiei kiei baroh. Ym don batip U Khun u long uei lait tang U Kpa, bad ym don batip U Kpa u long uei lait tang U Khun bad kito ha kiba U Khun u jied ban pynpaw ïa U.”

ÏOANNIS 1:18

Ym don mano mano ruh uba la ïohi ïa U Blei. U Khun ba marwei jong u, uba long kumjuh kum U Blei bad uba don ha syndah jong U Kpa, u la pynpaw shynna ïa u.

ÏOANNIS 13:3

U Jisu u la tip ba U Kpa u la ai ha u ïa ka bor baroh; u la tip ba u la wan na U Blei bad ba un sa leit sha U Blei.

ÏOANNIS 17:6

“Nga la pynithuh ïa me ha kito ïa kiba me la ai ha nga na ka pyrthei. Ki la long ki jong me, bad me la ai ïa ki ha nga.

ÏOANNIS 3:35

U Kpa u ieit ïa la U Khun bad u la buh ïa kiei kiei baroh ha ka bor jong u.

ÏOANNIS 6:46

Kane kam mut ba uno uno u la ïohi ïa U Kpa; uta uba na U Blei u long tang ma u uba la ïohi ïa U Kpa.

ÏOANNIS 7:29

Phim ithuh ïa u; hynrei, nga ithuh ïa u, namar nga wan na u bad u la phah ïa nga.”

1 PETROS 3:22

uba la leit noh sha bneng bad u don ha ka kti kamon U Blei, da kaba synshar halor ki angel baroh bad ki nongsynshar bad ki bor ba kynja bneng.

1 ÏOANNIS 2:23

Naba uno uno uba kyntait ïa U Khun u kyntait ruh ïa U Kpa; uno uno uba pdiang ïa U Khun u don ïa U Kpa ruh.

2 ÏOANNIS 1:9

Uno uno u bymïaineh ha ka jinghikai U Khrist, hynrei uba ïaid palat ïa ka, um don ïa U Blei. Uno uno uba ïaineh ha ka jinghikai, u don ïa U Kpa bad ïa U Khun ruh.