MATHAÏOS 11:26 - Khasi CL Bible (BSI)

²⁶ Ho-oid, Ko Kpa, kane ka la long kumno me la kwah ïa ka ba kan jia.

KA BAIBL

²⁶ shisha, ko Kpa, naba kumta ka la ibit ha khmat jong me.

MATHAÏOS 11:26 ပူးပေါင်းရင်းမြစ်များ

Ka Kitab U Job 33:13

Balei ba phi kynnoh ïa U Blei ba um ju jubab ïa ki jingkhñium u briew?

ISAÏAH 46:10

Naduh mynnyngkong nga la tip lypa ïa kaei ka ban mih; la slem bah nga la ïathuh lypa ïa kaei ka ban jia. Nga la ong ba ki jingthmu jong nga kin ym duh da lei lei, ngan leh ïa kiei kiei baroh kiba nga thmu ban leh.

LOUKAS 10:21

Ha kata ka por la pyndap ïa U Jisu da ka jingkmen da U Mynsiem Bakhuid bad u la ong, “Ko Kpa, U Trai jong ka bneng bad ka pyrthei! Nga ainguh ïa me namar ba me la pyn-i ha ki bymnang bymstad ïa kaei kaba me la buhrieh na kiba stad bad kiba shemphang. Ho-oid, ko Kpa, kane ka la long kumno me la kwah ïa ka ba kan jia.

LOUKAS 22:42

“Ko Pa,” u la ong, “lada me mon, shim noh na nga ïa kane ka khuri ka jingshah shitom. Ym ïa ka mon jong nga, pynban, ïa ka mon jong me yn pyndep.”

LOUKAS 23:34

U Jisu u la ong, “Ko Pa, to map ïa ki! Kim tip ïa kaei kaba ki leh.” Ki la pynbynta ïa ki jaiñ jong u hapdeng jong ki hi da kaba kynting sbai.

ÏOANNIS 11:41

Ki la pyntyllun noh ïa uta u mawkhang. U Jisu u la khmied shajrong bad u la ong, “Nga ainguh ïa me, ko Kpa, ba me shahshkor ïa nga.

ÏOANNIS 12:27

“Mynta ka mynsiem jong nga ka pisa — bad aïu ngan ong? Hato ngan ong, ‘Ko Pa, wat ai ba kane ka kynta kan wan ha nga?’ Hynrei dei na ka bynta kata nga la wan — khnang ba ngan ïoh ïaid lyngba kane ka kynta jong ka jingshah shitom.

ÏOANNIS 12:28

Ko Pa, to pyndonburom ïa la ka kyrteng!” Te ka sur ka la kren na bneng, “Nga la wallam ka burom ïa ka, bad ngan leh biang kumta.”

Ka Shithi U Paul Sha Ki Nong Rom 9:18

Kumta te, U Blei u isynei ïa uno uno uba u kwah, bad u pyneh dohnud ïa uno uno uba u kwah.

EPHESOS 1:11

Ïa kiei kiei baroh la leh kat kum ka jingthmu bad ka jingrai U Blei; bad U Blei u la jied ïa ngi ban long ki briew jong u hi ha U Khrist namar ka jingthmu jong u hi, ba la pynshong nongrim ha kaei kaba u la rai naduh kaba mynnyngkong.

EPHESOS 1:9

U Blei u la leh ïa kata ha ka jingstad bad jingïohi jong u baroh ïa kaei kaba u la thmu, bad u la pynpaw shynna ha ngi ïa ka jingthmu ba la buhrieh ïa kaba u la lah thmu lypa ban pyndep da U Khrist.

EPHESOS 3:11

U Blei u la leh ïa kane kat kum ka jingthmu bymjukut kaba u la pyndep lyngba U Khrist Jisu uba U Trai jong ngi.

2 TIMOTHI 1:9

U la pynim ïa ngi bad u la khot ïa ngi ban long ki briew jong u hi, ym namar ïa kaei kaba ngi la leh, hynrei namar ka jingthmu jong u hi bad ka jingaiei.