MATHAÏOS 11:23 - Khasi CL Bible (BSI)

²³ Bad ïa pha pat ko Kapernam! Hato pha kwah ban kyntiew ïa lade sha bneng? Ïa pha yn bret sha tbian sha dujok! Lada ïa ki kambah ïa kiba la leh ha pha, la lah leh ha Sodom, kan jin da la sah haduh mynta!

KA BAIBL

²³ Ïa pha ka Kapernam ruh, ïa kaba la pynkyntiew haduh ka bneng, yn pynhiar keiñ haduh ka dujok: naba lada la leh ha Sodom ïa kita ki kambah ïa kiba la leh ha pha, kan da la sah haduh mynta.

MATHAÏOS 11:23 ပူးပေါင်းရင်းမြစ်များ

JENESIS 13:13

bad u la sher dara hajan ka Sodom, kaba ki briew jong ka, ki la long kiba bymman bad kiba la leh pop pyrshah ïa U Trai.

SNGEWSYNEI 2:1

U Trai ha ka jingbitar jong u, u la tap ïa ka Seïon da ka jingdum. Ïa ka burom ba kynja bneng jong ka u la pynkylla sha ki jingjot. Ha ka sngi ka jingbitar jong u, u la iehnoh wat ïa ka Templ jong u.

ESEKIEL 26:20

Ngan phah ïa pha sha trai jong ka pyrthei kiba ïap ban pynïasoh bad ki briew kiba shong ha ki por mynbarim. Ngan pynlong ïa pha ba phan shong ha kata ka pyrthei kaba shapoh ka khyndew hapdeng ki jingjot bymjukut, ban ïadon lang bad kiba ïap. Namarkata phan ym lah shuh ban shong ban sah ha ka ri jong ki briew kiba im.

ESEKIEL 31:14

Bad kumta naduh mynta hi, yn ym don shuh u dieng, kam pher katno la ai um bha ïa u, un jrong pat sa shisien ne u ban kynjoh ïa la ka kliar lyngba ki lyoh bad u ban kot kat kato ka rynïeng. Ïa ki baroh la buh ban ïap kum ïa baroh ki briew ba dei ban ïap, la buh ba kin ïasoh bad kito kiba leit hiar sha ka pyrthei kiba ïap.”

ESEKIEL 32:18

“Ko khun u briew,” u ong, “to ïamkthang namar baroh u paidbah babun ka Ijipt. Phah ïa ki ban hiar lem bad ki jaitbynriew badonbor sha ka pyrthei kiba ïap.

ESEKIEL 32:24

Ka Elam ka don hangta, lem bad ki jingtep ki shipai jong ka ha baroh sawdong. Ki long baroh kiba la shah pynïap ha ka thma, bad ki la leit hiar, khlem otsher sha ka pyrthei kiba ïap. Ha ka jingim ki pynphriang ïa ka jingpyntriem, hynrei mynta ki thiah ïap bad jahburom.

OBADAÏAH 1:4

Wat la pha pynlong ïa la ka ïing shajrong kat ka skum pukni, khnang ba yn i kumba ka don hapdeng ki khlur, pynban ngan pynhiar ïa pha sha tbian.

MATHAÏOS 10:15

Nga pynthikna ïa phi ba ha ka Sngi ka Jingbishar, U Blei un pyn-i kham bun ka jingisynei ïa ki briew ka Sodom bad Gomorrah ban ïa ki briew jong kata ka nongbah!

MATHAÏOS 16:18

Bad kumta nga ong ha me, ko Petros: me long u mawsiang, bad halor kane ka nongrim mawsiang ngan tei ïa ka balang jong nga, bad wat ka jingïap hi kan ym lah ban jop ïa ka.

MATHAÏOS 17:24

Haba U Jisu bad la ki synran ki la wan sha Kapernam, ki nonglum ïa ka khajna Templ ki la wan ha u Petros bad ki la kylli, “Hato u Nonghikai jong phi u siew ïa ka khajna Templ?”

MATHAÏOS 4:13

Um shym la shong la sah ha Nasareth, hynrei u la leit ban shong ban sah ha Kapernam, ka nongrit harud ka Duriaw Galilaïa ha ka thain jong ka Sebulun bad ka Naphtali.

MATHAÏOS 8:5

Haba U Jisu u la rung shapoh Kapernam, u rangbah pynïaidkam ka Hima Rom u la wan ïakynduh ïa u bad u la kyrpad jingïarap:

LOUKAS 10:15

Bad ïa pha, ko Kapernam! Hato pha kwah ban kyntiew ïa lade shaduh sha bneng? Yn bret ïa pha sha tbian sha dujok!”

LOUKAS 14:11

Naba ïa uno uno uba pynkhraw ïa lade, yn pynrit; bad ïa uno uno uba pynrit ïa lade, yn pynkhraw.”

LOUKAS 16:23

bad ha Hades, ha kaba u la don ha ka jingshitom bakhraw, u la khmih shajrong bad u la ïohi ïa u Abraham, sha jngai bah, bad ïa u Lasaros ha syndah jong u.

LOUKAS 4:23

U la ong ha ki, “Nga thikna ba phin sot ïa kane ka proberb ha nga, ‘Ko nongpynkhiah, to pynkhiah ïa lade.’ Phin ong ruh ïa nga ban leh hangne ha la ka shnong ïa kijuh kiei kiei kiba phi la ïohsngew ïa kiba la leh ha Kapernam.

KI KAM 2:27

namar men ym iehnoh ïa nga ha ka pyrthei kiba ïap; men ym shah ïa u shakri baïaineh jong me ban pyut hapoh ka jingtep.

KI KAM 2:31

U Dabid u la ïohi ïa kaei kaba U Blei un leh ha ka lawei, bad kumta u la kren shaphang ka jingmihpat jong U Messaïah haba u ong, “ ‘Ym shym la iehnoh ïa u ha ka pyrthei kiba ïap; ka met jong u kam shym la pyut hapoh ka jingtep.’ ”

JUDAH 1:7

To kynmaw ïa ka Sodom bad Gomorrah, bad ki shnong ba-marjan, ha kaba ki briew ki leh kumba la leh kito ki angel bad ki kyrsum ha ki jingleh nuti bad bajakhlia: Ki shah ïa ka jingpynshitom ha ka ding bymjukut kum ka jingmaham ïa baroh.

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.

JINGPYNPAW 11:8

Un jop ïa ki bad un pynïap ïa ki, bad ki metïap jong ki kin shu sah ha ka surok bah jong kata ka nongbah bakhraw, ha kaba ïa U Trai jong ki la sahnarphna. Ka kyrteng pharshi jong kata ka nongbah ka long ka Sodom, lane ka Ijipt.

JINGPYNPAW 20:13

Nangta ka duriaw ka la aiti ïa kiba ïap jong ka. Ka jingïap bad kumjuh ka pyrthei kiba ïap, ki la aiti ïa kiba ïap kiba ki la bat. Bad ïa baroh la bishar kat kum kaei kaba ki la leh.

JINGPYNPAW 6:8

Nga la khmih, bad hangta la don u kulai uba lieh bthuh. Ïa u nongshong kulai la ai kyrteng “ka Jingïap”, bad ka Hades ka bud syndah nadien. La ai ha ki ka bor halor shipawa na ka pyrthei, ban pynïap da ka thma, ka 'nemsniew, ka khlam, bad da ki mradkhlaw.