MATHAÏOS 11:20 - Khasi CL Bible (BSI)

²⁰ Ki briew ha ki shnong ha kaba U Jisu u la leh kham bun ki kambah jong u, kim shym la phai noh na ki pop jong ki, kumta u la pynrem jur ïa kito ki shnong.

KA BAIBL

²⁰ Ynda kumta, u la sdang ban maham ïa kita ki shnong, ha kiba la leh kham bun ki kambah jong u, naba kim shym la kylla-ka-bamut.

MATHAÏOS 11:20 ပူးပေါင်းရင်းမြစ်များ

JEREMAÏAH 8:6

Nga la shahshkor biang biang, hynrei phim shym kren ïa ka jingshisha. Ym don mano mano na phi uba la sngewsih ïa la ka jinglong basniew; ym don mano mano na phi uba la kylli, ‘Nga la leh bakla aïu?’ Uwei uwei baroh u ïai ïaid ha la ka lynti, kum u kulai uba pynstet sha ka thma.

MATHAÏOS 12:41

Ha ka Sngi ka Jingbishar ki briew jong ka Ninebeh kin ïeng joit bad mudui ïa phi, namar ki la phai noh na ki pop jong ki mynba ki la ïohsngew ba u Jonah u ïalap; bad nga ong ha phi ba don hangne uba kham khraw ban ïa u Jonah!

MARKOS 16:14

Khatduh eh, U Jisu u la mihpaw ha ki khatwei ngut ki synran katba ki dang ïabam. U la kren tyngeh ïa ki, namar kim shym la don jingngeit bad namar ka jingmutlop palat ïa ka ban ngeit ïa kito kiba la lah ïohi ïa u ba u im.

MARKOS 9:19

U Jisu u la ong ïa ki, “Haduh katno phi long ki briew ki bymngeit! Haduh katno ngan don bad phi? Haduh katno ngan ïaishah bad phi? Wallam ïa u khynnah ha nga!”

KI KAM 17:20

Katto katne kiei kiei kiba ngi ïohsngew ba me kren ki long kiba sngewphylla ïa ngi, bad ngi kwah ban tip aïu ki kit jingmut.”

2 KORINTH 12:21

Nga sheptieng haba ha kawei ka por ba nga wan, U Blei jong nga un pynjahburom ïa nga ha khmat jong phi, bad ngan ïam na ka bynta kiba bun kiba la leh pop mynshuwa bad ki bym pat shym kylla-kaba-mut na ki kam awria ba ki la leh — ki jingkwah brai bad ki pop awria jong ki.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.

JINGPYNPAW 16:11

bad ki la tim ïa U Blei jong ka bneng namar ki jingpang bad ki prum jong ki. Hynrei kim shym la phai noh na ki lynti basniew jong ki.

JINGPYNPAW 16:9

La thang ïa ki da ka jingshit tyrha kaba jur, bad ki la tim ïa ka kyrteng jong U Blei, uba don ka bor halor kine ki khlam. Hynrei kim shym phai noh na ki pop jong ki bad ïaroh ïa ka jingkhraw jong u.

JINGPYNPAW 2:21

Nga la ai por ïa ka ba kan kylla-kaba-mut na ki pop jong ka, hynrei kam kwah ban phai na ka jingawria jong ka.