MATHAÏOS 11:18 - Khasi CL Bible (BSI)

¹⁸ Haba u Ïoannis u la wan, u la shahjingit bad um shym dih waiñ, bad uwei uwei baroh u la ong, ‘Une uba shongksuid!’

KA BAIBL

¹⁸ “Naba u Ïoannis u la wan, um da bam um da dih, bad ki ong, ‘Uba shong ksuid’ ïa u.

MATHAÏOS 11:18 ပူးပေါင်းရင်းမြစ်များ

2 SYIEM 9:11

U Jehu u leit phai sha la ki para rangbah shipai, ki kylli ïa u, “Ka bit ka biang baroh? Kaei kaba uto u khleh bieit u kwah na phi?” U Jehu u jubab, “Phi tip ïa kaei kaba u kwah.”

JEREMAÏAH 15:17

Ngam shym pynlut ïa ka por jong nga bad kiwei pat ki briew, ha kaba ïa-rkhie bad ïasngewbha. Ha kaba kohnguh ïa ki hukum jong me nga la long marwei bad nga la dap da ka jingbitar.

JEREMAÏAH 29:26

“U Trai u la pynlong ïa phi u lyngdoh ha ka jaka jong u Jehoïada, bad mynta phi long u rangbah pynïaidkam ha ka Templ. Ka dei ka kamram jong phi ban khmih ba ïa uwei pa uwei u riewlamwir uba leh mynleh ba u long u nongïathuhlypa dei ban buh ha ki kynjri lem bad u jingdeng ryndang uba da ka nar.

HOSIA 9:7

Ka por jong ka jingpynshitom ka la poi, ka por ha kaba ki briew kin ïoh ïa kaei kaba ki dei hok. Haba kata ka jia, ki Israel kin tip ïa ka! “Une u nongïathuhlypa,” phi ong, “u dei uba bieit. Une u briew uba ïoh mynsiem u dei uba lamwir.” Phi ki briew phi isih jur ïa nga namar ba la jyllei eh ki pop jong phi.

MATHAÏOS 10:25

Kumta uba shah hikai u dei ban sngewhun ban long kum u nonghikai jong u, bad u mraw kum u kynrad jong u. Lada ïa u khlieh jong ka longïing la khot u Beelsebul, ïa ki dkhot jong ka longïing yn khot da ki kyrteng kiba kham sniew!

MATHAÏOS 11:17

‘Ngi la tem ka jingrwai shongkurim na ka bynta jong phi, hynrei phim shym la shad! Ngi la rwai ïa ki jingrwai ïapbriew, hynrei phim shym la ïam!’

MATHAÏOS 3:4

Ïa ki jaiñ jong U Ïoannis la shna da u shñiuh jong ka ut; u la panpoh da u panpoh snieh ha ka syngkai jong u, bad ka jingbam jong u ka la long da ki puit bad ka ngap khlaw.

MATHAÏOS 9:34

Hynrei ki Pharisi ki la ong, “U dei u rangbah jong ki ksuid uba ai ha u ka bor ban beh noh ïa ki ksuid.”

MARKOS 3:22

Katto katne ki nonghikai ka Hukum kiba la wan na Jerusalem ki ïa-ong, “U don ïa u Beelsebul ha u! U dei u ksuid rangbah uba ai ïa u ka bor ban beh noh ïa ki.”

LOUKAS 1:15

Un long u briew uba khraw ha khmat U Trai. Um dei ban dih kano kano ka waiñ lane ka jingdih kaba khor. Naduh ka jingkha ïa u, yn pyndap da U Mynsiem Bakhuid,

ÏOANNIS 10:20

Bun na ki, ki la ïa-ong, “U shongksuid! U la lamwir! Balei phi ïa-shahskhor ïa u?”

ÏOANNIS 7:20

“Me don u ksuid hapoh jong me!” u paidbah u la jubab. “Mano ba pyrshang ban pynïap ïa me?”

ÏOANNIS 8:48

Ki la kylli ïa U Jisu, “Hato ngim shym la ong ïa kaba dei, ba me dei u nong Samaria bad ba me don u ksuid hapoh jong me?”

ÏOANNIS 8:52

Ki la ong ha u, “Mynta ngi sngewthikna ba me don u ksuid! U Abraham u la ïap, bad ki nongïathuhlypa ki la ïap, pynban me ong ba lada uno uno uba kohnguh ïa ka jinghikai jong me un ym ïap lano lano ruh.

KI KAM 26:24

Katba u Paul u dang ïasaid da ïa lade ha kane ka rukom, u Phestos u la pyrta ha u, “Me la lamwir, ko Paul! Ka jingstad bakhraw jong me ka la pynlamwir ïa me!”

1 KORINTH 9:27

Nga pyneh ïa la ka met da ki jingshahkura bad nga pyndem ïa ka hapoh ka bor synshar lade, ban sumar ïa lade na kaba shah kyntait hadien ba nga la khot ïa kiwei sha ka jingïakhun.