MATHAÏOS 11:14 - Khasi CL Bible (BSI)

¹⁴ bad lada phi mon ban ngeit ïa ka khubor jong ki, u Ïoannis u long u Elijah, uba ïa ka jingwan jong u la ïathuhlypa.

KA BAIBL

¹⁴ Te lada phi mon ban pdiang, une u long u Elias u ban sa wan.

MATHAÏOS 11:14 ပူးပေါင်းရင်းမြစ်များ

ESEKIEL 2:5

La kito kiba ïaleh pyrshah kin shahshkor ïa me ne kim shahshkor, kin tip ba don u nongïathuhlypa hapdeng jong ki.

MALAKHI 3:1

U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

MALAKHI 4:5

“Hynrei ha shuwa ka sngi kaba khraw bad kaba shyrkhei jong U Trai kan wan, ngan phah ha phi ïa u Elijah u nongïathuhlypa.

MATHAÏOS 11:13

Haduh ka por jong u Ïoannis baroh ki nongïathuhlypa bad ka Hukum u Moses ki la kren shaphang ka Hima;

LOUKAS 1:17

Un leit ha shuwa jong U Trai, uba khlaiñ bad uba khrawbor kum u Elijah u nongïathuhlypa. Un pynïasuk pat ïa ki kpa bad ki khun; un pynphai pat ïa ki briew ki bymkohnguh sha ka rukom pyrkhat jong kiba hok; un pynkhreh ïa ki briew jong U Trai na ka bynta jong U.”

ÏOANNIS 16:12

“Nga dang don shibun kiei kiei ban ong ha phi, hynrei mynta kan long palat eh ïa phi ban shah.

1 KORINTH 3:2

Nga hap ban bsa ïa phi da ka dud, ym da ka jingbam kaba eh, namar phim pat shym kotbor ïa ka. Bad wat haduh mynta phim pat long kiba kotbor ïa ka, namar phi dang im kumba im ki briew jong kane ka pyrthei.

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.