MATHAÏOS 11:11 - Khasi CL Bible (BSI)

¹¹ Nga pynthikna ïa phi ba u Ïoannis u Nongpynbaptis u long uba kham khraw ban ïa uno uno u briew uba la ju im. Hynrei uta uba rit tam ha ka Hima ki bneng u long uba kham khraw ban ïa u Ïoannis.

KA BAIBL

¹¹ “Shisha nga ong ha phi, na kiba la kha na ki kynthei, ym don uba la mih uba kham khraw ïa u Ïoannis u Nongpynbaptis: hynrei, uta uba kham rit ha ka hima ki bneng, u kham khraw ïa u.

MATHAÏOS 11:11 ပူးပေါင်းရင်းမြစ်များ

Ka Kitab U Job 14:1

La kha ïa ngi baroh ki briew kiba tlot bad bymdonbor. Baroh ka ïalam sha kajuh ka jingim balyngkot, bajynjar.

Ka Kitab U Job 14:4

Ym don kaba khuid kaba lah ban wan na kano kano ka bymkhuid kat ki khunbynriew.

Ka Kitab U Job 15:14

Hato don mo napdeng u briew uba da sngur shisha? Hato don mo u ban lah ban long khuid ha khmat U Blei?

Ka Kitab U Job 25:4

Hato don mano mano uba lah ban long uba hok bad uba khuid ha khmat U Blei?

SALM 51:5

Nga la long u bymhok naduh ka sngi ba la kha ïa nga; naduh ka por ba la pun ïa nga, nga la long uba pop.

ISAÏAH 30:26

U bnai un sa shai phyrnai kat ka sngi, bad ka sngi kan shai phyrnai hynñiew shah ban ïa kaba ju long, kum ka jingshai jong ki hynñiew sngi ha kawei ka sngi. Kane baroh kan jia haba U Trai un sop spaiñ bad pynkhiah ïa ki jingmong kiba u la ai ha ki briew jong u.

SEKHARAÏAH 12:8

Ha kata ka por U Trai un ïada ïa kito kiba shong basah ha Jerusalem, bad wat kiba tlot tam napdeng jong ki kin long kiba khlaiñ kumba long u Dabid. Ki khun ki ksiew jong u Dabid kin ïalam ïa ki kum u angel jong U Trai, kum U Blei hi da lade.

MATHAÏOS 11:10

Naba u Ïoannis u long uta ïa uba ka jingthoh bakhuid ka ong. ‘U Blei u la ong, ngan phah ïa u nonglamktien jong nga ha shuwa jong me ban plie ka lynti na ka bynta jong me.’

MATHAÏOS 11:12

Naduh ka por ba u Ïoannis u la ïalap ïa ka khubor jong u haduh kane ka sngi hi, ka Hima ki bneng ka la shah ïa ka jingleh jubor, bad ki nongleh jubor ki pyrshang ban kurup ïa ka.

MATHAÏOS 3:1

Ha kata ka por u Ïoannis Nongpynbaptis u la wan sha ka ri shyiap jong ka Judia bad u la sdang ban ïalap.

MATHAÏOS 3:11

Nga pynbaptis ïa phi da ka um ban pyn-i ba phi la kylla-kaba-mut, hynrei uta uba wan hadien jong nga un pynbaptis ïa phi da U Mynsiem Bakhuid bad da ka ding. U long uba kham khraw ban ïa nga; bad ngam long uba bit wat tang ban rah ïa ki juti jong u.

MATHAÏOS 5:19

Kumta te, uno uno u bymkohnguh wat ïa iba rit tam jong ki hukum bad uba hikai ïa kiwei pat ban leh kumjuh, un long uba rit tam ha ka Hima ki bneng. Ha kawei pat ka liang, uno uno uba kohnguh ïa ka Hukum bad uba hikai ïa kiwei ban leh kumjuh, un long uba khraw ha ka Hima ki Bneng.

LOUKAS 1:15

Un long u briew uba khraw ha khmat U Trai. Um dei ban dih kano kano ka waiñ lane ka jingdih kaba khor. Naduh ka jingkha ïa u, yn pyndap da U Mynsiem Bakhuid,

LOUKAS 7:28

Nga ong ha phi,” U Jisu u la bynrap, “U Ïoannis u kham khraw ban ïa uno uno u briew uba la ju im. Hynrei uta uba rit tam ha ka Hima U Blei u long uba kham khraw ban ïa u Ïoannis.”

LOUKAS 9:48

“Uno uno uba pdiang sngewbha ïa une u khynnah ha ka kyrteng jong nga, u pdiang sngewbha ïa nga; bad uno uno uba pdiang sngewbha ïa nga, u pdiang sngewbha ruh ïa uta uba la phah ïa nga. Naba uta uba rit tam napdeng jong phi baroh u long uba khraw tam.”

ÏOANNIS 1:15

U Ïoannis u la kren shaphang jong u. U la pyrta jam, “Une u long uta ïa uba nga la kren shaphang jong u, mynba nga la ong, ‘U wan hadien jong nga, hynrei u kham khraw ban ïa nga, namar u la don shuwa ban kha ïa nga.’ ”

ÏOANNIS 1:27

U wan hadien jong nga, hynrei nga ngam long uba bit wat ban law ïa ki ksai juti jong u.”

ÏOANNIS 10:41

Shibun ki briew ki la wan sha u. “U Ïoannis um leh kambah ei ei,” ki la ong, “hynrei kiei kiei baroh kiba u la ong shaphang une u briew ka la long kaba shisha.”

ÏOANNIS 3:30

Ka dei ïa u ban long kham khraw katba ma nga, ngan long kham rit.”

ÏOANNIS 5:35

U Ïoannis u la long kum ka sharak, kaba meh bad kaba tyngshaiñ, bad phi la mon shipor ban lehkmen ha ka jingshai jong u.

ÏOANNIS 7:39

U Jisu u la kren ïa kane shaphang U Mynsiem, uba kito kiba la ngeit ha u kin ïohpdiang. Ha kata ka por ïa U Mynsiem ym pat shym la ai, namar ïa U Jisu ym pat shym la kyntiew sha ka burom.

1 KORINTH 15:9

Naba nga long uba rit tam na baroh ki Apostol — ngam long wat uba bit ban khot u Apostol, namar nga la pynshitom beiñ ïa ka balang U Blei.

1 KORINTH 6:4

Lada kum kita kiei kiei ki jia, hato phin leit rah ïa ki ban pynbeit da ki briew ki bym don nongrim ha ka balang?

EPHESOS 2:3

Ha ka jingshisha, baroh na ngi, ngi la long kum ma ki bad ngi la im kat kum ki jingkwah ka doh jong ngi, da kaba leh ïa kano kano kaba ïahap kat kum ki jingkwah jong ki met bad ki jingmut jingpyrkhat jong ngi hi. Ha ka jinglong tynrai jong ngi, kumba long uwei pa uwei, la buh lypa ban shah pynshitom ha ka jingbitar U Blei.

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

2 TIMOTHI 1:10

U la ai ha ngi ïa kane ka jingaiei lyngba U Khrist Jisu ha shuwa ban sdang ka pyrthei, hynrei mynta la pynpaw da ka jingwan U Nongpynim jong ngi, U Khrist Jisu. U la pynkut noh ïa ka bor jong ka jingïap bad lyngba ka Gospel la pynpaw ïa ka jingim bymïap shuh.

HEBRU 11:40

Namar ba U Blei u la pynkhreh lypa ïa kaei kaei kaba kham bha na ka bynta jong ngi. Ka jingthmu jong u ka la long ba tang ha ka jingïadon ryngkat bad ngi ba yn pynjanai ïa ki.

1 PETROS 1:10

Ka dei shaphang kane ka jingpynim ba ki nongïathuhlypa ki la ïawad bad ïit bha biang biang, bad ki la ïathuhlypa shaphang kane ka jingai ïa kaba U Blei un ai ha phi.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.