MATHAÏOS 11:1 - Khasi CL Bible (BSI)

¹ Haba U Jisu u la dep ai ïa kine ki jinghikai ha ki khat-ar ngut ki synran jong u, u la mihnoh na kata ka jaka bad u la leit noh ban hikai bad ïalap ha ki shnong kiba hajan hangta.

KA BAIBL

¹ Ka la jia ruh, haba U Jisu u la wai noh kaba hukum ïa ki khat-ar ngut ki synran jong u, ba u la leit noh nangta ïa ka ban hikai bad ban ïalap ha ki shnong jong ki.

MATHAÏOS 11:1 ပူးပေါင်းရင်းမြစ်များ

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

MATHAÏOS 4:23

U Jisu u la leit kylleng ka Galilaïa, u da hikai ha ki Synagog, u da ïalap ïa ka Khubor Babha shaphang ka Hima ki Bneng, bad u da pynkhiah ïa ki briew kiba la don baroh ki jait jingpang bad jingshitom.

MATHAÏOS 7:28

Haba U Jisu u la dep kren ïa kine kiei kiei, u paidbah u la sngewphylla ïa ka rukom kaba u la hikai.

MATHAÏOS 9:35

U Jisu u la leit jngoh kylleng ki nongbah bad ki nongrit. U la hikai ha ki synagog, u la ïalap ïa ka Khubor Babha shaphang ka Hima, bad u la pynkhiah ïa ki briew kiba don ki jingpang babun jait bad ki jingshitom.

MARKOS 6:12

Kumta ki la leit bad ïalap ba ki briew kin phai noh na ki pop jong ki.

LOUKAS 23:5

Hynrei ki la ïa-ban kham jur shuh shuh, “Da ka jinghikai jong u, u la sdang ka jingpynkhihwin hapdeng ki briew ha baroh kylleng ka Judia. U la sdang ha Galilaïa bad mynta u la poi hangne.”

LOUKAS 8:1

Katto katne por hadien, U Jisu u la leit jingleit lyngba ki shnong bad ki nongrit, u da ïalap ïa ka Khubor Babha shaphang ka Hima U Blei. Ki khat-ar ngut ki synran ki la ïaleit bad u,

ÏOANNIS 15:10

Lada phi kohnguh ïa ki hukum jong nga, phin ïaineh ha ka jingieit jong nga, kumba nga la kohnguh ïa ki hukum U Kpa jong nga bad nga ïaineh ha ka jingieit jong u.

ÏOANNIS 15:14

Bad phi long ki paralok jong nga lada phi leh ïa kaei kaba nga hukum ïa phi.

KI KAM 1:2

Ha shuwa ban shim noh shajrong ïa u, u la ai ki jingbthah da ka bor U Mynsiem Bakhuid ha ki rangbah kiba u la jied kum ki apostol jong u.

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

KI KAM 10:42

Bad u la hukum ïa ngi ban ïalap ïa ka Gospel ha ki briew, bad ban sakhi ba u long uta ïa uba U Blei u la thung ban long u Nongbishar ïa kiba im bad kiba ïap.

1 THESSALONI 4:2

Namar phi tip ïa ki jingbatai kiba ngi la ai ha phi da ka iktiar jong U Trai Jisu.

2 THESSALONI 3:10

Mynba ngi dang don bad phi, ngi ju ïathuh ïa phi, “Ïa uno uno uba kyntait ban trei yn ym shah ba un bam.”

2 THESSALONI 3:6

Ko parabangeit jong ngi, ngi hukum ïa phi ha ka kyrteng jong U Jisu Khrist uba U Trai jong ngi ban kiar noh na ki bangeit baroh kiba im ka jingim bajaipdeh bad ki bym bud ïa ki jingbthah kiba ngi ai ha ki.