MATHAÏOS 10:42 - Khasi CL Bible (BSI)

⁴² Phi lah ban sngewthikna ba uno uno uba ai dih wat shi khuri ka umkhriat ha uwei uba rit tam na kine ki nongbud jong nga namar ba u dei u nongbud jong nga, un ïohpdiang da shisha ïa ka bainong.”

KA BAIBL

⁴² Bad uno uno ruh u ban ai dih tang shi khuri ka um khriat ïa uwei na kine ki barit, ha ka kyrteng u synran, shisha nga ong ha phi, un ym duh shuh la ka nong.”

MATHAÏOS 10:42 ပူးပေါင်းရင်းမြစ်များ

1 SYIEM 17:11

Katba ka dang leit shim ïa ka, u la ong, “Bad sngewbha wanrah de khyndiat u kpu.”

2 SYIEM 4:10

To ngin shna kawei ka kamra halor tnum ïing, ngin buh kawei ka jingthiah, kawei ka miej, kawei ka shuki, bad kawei ka sharak hapoh jong ka, bad u lah ban sah hangta man ba u wan jngoh ïa ngi.”

PROBERB 19:17

Haba phi ai ha kiba duk, ka long kumba phi ai kylliang sha U Trai, bad U Trai un sa siew pat ïa phi.

PROBERB 24:14

phi lah ban sngewskhem ba ka jingstad ka long kaba bha ïa ka mynsiem. To ïoh ïa ka jingstad bad ka lawei jong phi kan long kaba phyrnai.

EKLESIASTIS 11:1

Thep ïa ka pisa jong phi ha ka jingkhaïi bar ri bad ha kawei na kine ki sngi phin ïohnong.

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

MATHAÏOS 18:10

“To sumar ba phin ym ibeiñ ïano ïano na kine kiba rit. Ki angel jong ki ha bneng, nga ong ha phi, ki ïai don ha ka jingdon ryngkat jong U Kpa jong nga uba ha bneng.

MATHAÏOS 18:14

Ha kajuh ka rukom U Kpa jong phi uba ha bneng um kwah ba iwei ruh na kine kiba rit in jah noh.

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

LOUKAS 17:2

Kan kham bha ïa u lada la teh ha ka ryndang jong u ïa u mawtylliat uba heh bad bret ïa u sha ka duriaw ban ïa kaba ma u, u pynlong ïa uwei na kine kiba rit ban leh pop.

LOUKAS 6:35

Em! Ieit ïa ki nongshun jong phi bad lehbha ïa ki; to ai kylliang bad wat khmih lynti ban ïoh ei ei pat. Te phin ïoh ka bainong kaba khraw, bad phin long ki khun jong U Blei Uba Hakhlieh Tam Eh. Naba u long uba bha ïa u bymsngewnguh bad ïa uba bymman.

2 KORINTH 8:12

Lada phi thrang ban ai, U Blei un pdiang ïa ka jingai jong phi ha ka nongrim jong kaei kaba phi dei ban ai, ym halor kaei kaba phim don.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.