MATHAÏOS 10:28 - Khasi CL Bible (BSI)

²⁸ Wat sheptieng ïa kito kiba pynïap ïa ka met hynrei ki bym lah ban pynïap ïa ka mynsiem; hynrei to sheptieng ïa U Blei, uba lah ban pynjot ïa ka met bad ka mynsiem ha dujok.

KA BAIBL

²⁸ To wat sheptieng te ïa kita kiba pynïap ïa ka met, bad ki bym lah ban pynïap ïa ka mynsiem: hynrei, phin kham sheptieng ïa uta uba lah ban pynjot bad ïa ka mynsiem bad ïa ka met ha dujok.

MATHAÏOS 10:28 ပူးပေါင်းရင်းမြစ်များ

2 SYIEM 17:39

Phi dei ban kohnguh ïa nga, U Trai U Blei jong phi, bad ngan pyllait im ïa phi na ki nongshun jong phi.”

Ka Kitab U Job 37:24

Kam long kaba phylla, te, ba uwei pa uwei u ïeng ha ka jingtiengburom ïa u, bad ba um ñiew ïa kito kiba kam ba ki long kiba stad.

SALM 119:120

Namar jong me nga sheptieng; la pyndap ïa nga da ka jingtieng namar ki jingbishar jong me.

EKLESIASTIS 5:7

Kam pher haduh katno phi phohsniew, haduh katno phi trei ïa ka kam bymmyntoi, lane haduh katno phi kren, phi dei ban ïeng ha ka jingtiengburom ïa U Blei.

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

ISAÏAH 51:7

“To shahshkor ïa nga, phi kiba tip ïa kaei kaba dei, kiba don ka jinghikai jong nga kaba neh ha la ki dohnud. Wat sheptieng haba ki briew ki pynsalia bad krenbeiñ ïa phi;

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

JEREMAÏAH 5:22

Nga long U Trai; balei phim sheptieng ïa nga? Balei phim khynñiuh ha khmat jong nga? Nga la buh ïa u shyiap kum u pud jong ka duriaw, u pud uba neh ba kam lah ban jam palat. Ka duriaw ka lah ban kynting, hynrei kam lah ban leit palat ïa u; ki jingat phyllung ki lah ban kyrhuh, hynrei kim lah ban ksam lyngba.

MATHAÏOS 10:26

“Kumta wat sheptieng ïa ki briew. Ïa kaei kaba la kah mynta yn weng noh, bad ïa kaei kaba la buhrieh yn pynpaw.

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

MATHAÏOS 5:22

Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

KI KAM 21:13

Hynrei u la jubab, “Phi ïaleh aïu, da kaba ïam kumne bad pynpait ïa ka dohnud jong nga? Nga la kloi ym tang ban shah khum ha Jerusalem hynrei wat ban ïap ruh hangta na ka bynta U Trai Jisu.”

HEBRU 10:31

Ka long kaei kaei kaba shyrkhei ban hap ha ki kti jong U Blei uba im!

HEBRU 11:35

Da ka jingngeit, ki kynthei ki la ïohpdiang ïa ki ba-ha-ïing kiba la ïap ïa kiba la pynim pat. Kiwei pat, kiba kyntait ban pdiang ïa ka jinglaitluid, ki la ïap ha ka jingshah pynshitom beiñ khnang ba yn pynmihpat sha ka jingim kaba kham bha.

JAKOB 4:12

Dei tang U Blei uba long u nongai hukum bad u nongbishar. Dei tang ma u hi uba lah ban pynim bad ban pynjot. Hato phi pyrkhat ba phi dei uei, ban bishar ïa la u parabriew?

1 PETROS 3:14

Hynrei wat lada phi hap ban shahshitom haba phi leh ïa kaei kaba dei, katno kiba kmen phi long! Wat sheptieng ïano ïano, bad wat khuslai.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.