MATHAÏOS 10:25 - Khasi CL Bible (BSI)

²⁵ Kumta uba shah hikai u dei ban sngewhun ban long kum u nonghikai jong u, bad u mraw kum u kynrad jong u. Lada ïa u khlieh jong ka longïing la khot u Beelsebul, ïa ki dkhot jong ka longïing yn khot da ki kyrteng kiba kham sniew!

KA BAIBL

²⁵ La biang ïa u synran ba un long kum u nonghikai jong u, ïa u shakri ruh kum u kynrad jong u. Lada ki la khot ‘Belsebul’ ïa u trai ïing, kaba katno tam ba kin ïakhot sin ïa kita kiba na ka ïing jong u!

MATHAÏOS 10:25 ပူးပေါင်းရင်းမြစ်များ

2 SYIEM 1:2

U Ahasaïah, u syiem Israel u la hap na ka jaka jngoh kai halor ka tnum jong ka ïingsyiem jong u ha Samaria, bad u la mynsaw jur. Kumta u phah katto katne ki nonglamktien ban kylli ïa u Baalsebub, u blei jong ka Ekron, ka nongbah Philistia, khnang ban tip la un ïohkhiah ne em.

MATHAÏOS 12:24

Haba ki Pharisi ki la ïohsngew ïa kane, ki la jubab, “U la beh noh ïa ki ksuid tang namar ba u rangbah jong ki, u Beelsebul u ai bor ïa u ban leh kumta.”

MATHAÏOS 12:27

Phi ong ba nga beh noh ïa ki ksuid namar ba u Beelsebul u ai ha nga ka bor ban leh kumta. Ñiuma, te, mano ba ai ha ki briew jong phi ka bor ban beh noh ïa ki? Kaei kaba ki briew jong phi hi ki leh ka pynshisha ba phi bakla!

MATHAÏOS 9:34

Hynrei ki Pharisi ki la ong, “U dei u rangbah jong ki ksuid uba ai ha u ka bor ban beh noh ïa ki ksuid.”

MARKOS 10:39

“Ngi lah,” ki la jubab. U Jisu u la ong ïa ki, “Da shisha phin sa dih na ka khuri kaba nga dei ban dih bad ban shah pynbaptis ha ka rukom ba dei ban pynbaptis ïa nga.

MARKOS 3:22

Katto katne ki nonghikai ka Hukum kiba la wan na Jerusalem ki ïa-ong, “U don ïa u Beelsebul ha u! U dei u ksuid rangbah uba ai ïa u ka bor ban beh noh ïa ki.”

LOUKAS 11:15

hynrei katto katne ngut na u paidbah ki la ong, “U dei u Beelsebul, u rangbah jong ki ksuid, uba la ai ha U ïa ka bor ban beh noh ïa ki.”

LOUKAS 11:18

Kumta lada ka hima jong u Soitan ka don ki kynhun kiba ïaleh kawei ïa kawei pat, kumno kan neh? Phi ong ba nga beh noh ïa ki ksuid namar ba u Beelsebul u ai ha nga ka bor ban leh kumta.

LOUKAS 11:19

Lada kane ka long kumno ba nga beh noh ïa ki, da kumno ki nongbud jong phi ki beh noh ïa ki? Ki nongbud jong phi hi ki pynshisha ba phi bakla!

ÏOANNIS 10:20

Bun na ki, ki la ïa-ong, “U shongksuid! U la lamwir! Balei phi ïa-shahskhor ïa u?”

ÏOANNIS 7:20

“Me don u ksuid hapoh jong me!” u paidbah u la jubab. “Mano ba pyrshang ban pynïap ïa me?”

ÏOANNIS 8:48

Ki la kylli ïa U Jisu, “Hato ngim shym la ong ïa kaba dei, ba me dei u nong Samaria bad ba me don u ksuid hapoh jong me?”

ÏOANNIS 8:52

Ki la ong ha u, “Mynta ngi sngewthikna ba me don u ksuid! U Abraham u la ïap, bad ki nongïathuhlypa ki la ïap, pynban me ong ba lada uno uno uba kohnguh ïa ka jinghikai jong me un ym ïap lano lano ruh.