MATHAÏOS 10:23 - Khasi CL Bible (BSI)

²³ Haba kin pynshitom beiñ ïa phi ha kawei ka shnong, to phet sha kawei pat. Nga pynthikna ïa phi ba phin ym pat lah ban pyndep ïa ka kam jong phi ha baroh ki shnong jong ka Israel ha shuwa ba U Khun U Briew un wan.

KA BAIBL

²³ Hynrei, haba ki ïabehbeiñ ïa phi ha kawei ka shnong, to ïaphet sha kawei pat: naba shisha nga ong ha phi, ba phin ym pat lah pyndep ïa ki shnong ki Israel, tad ynda un wan U Khun u briew.

MATHAÏOS 10:23 ပူးပေါင်းရင်းမြစ်များ

JEREMAÏAH 26:21

Haba u syiem Jehoïakim bad ki shipai bad ki rangbah synshar jong u ki la ïohsngew ïa kaei kaba u Uriah u la lah ong, u syiem u la pyrshang ban phah pynïap ïa u. Hynrei u Uriah u la ïohsngew shaphang kata; kumta u la phet ha ka jingsngewtriem bad u la lait phet sha Ijipt.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

MATHAÏOS 16:28

Nga pynthikna ïa phi ba don katto katne hangne ki ban ym ïap tad haduh ba kin da ïohi ba U Khun U Briew u wan kum u Syiem.”

MATHAÏOS 2:13

Hadien ba ki la lah mihnoh, u angel jong U Trai u la paw ha ka jingphohsniew ha u Joseph bad u la ong, “U Herod un sa wad ïa u khunlung khnang ban pynïap ïa u. Kumta to ïeng joit, ïalam ïa u khunlung bad ïa ka kmie jong u bad phet noh sha Ijipt bad sah hangta tad haduh ba ngan da ong ïa me ba men mihnoh.”

MATHAÏOS 23:34

Bad kumta nga ong ha phi ba ngan phah ha phi ïa ki nongïathuhlypa bad ïa ki briew kiba stad bad ïa ki nonghikai; phin pynïap katto katne ngut na ki, phin sahnarphna ïa kiwei pat, bad phin sympat ïa kiwei pat ha ki synagog bad beh ïa ki na kawei ka shnong sha kawei pat.

MATHAÏOS 23:36

Nga ong shisha ha phi: Ka jingpynshitom na ka bynta kine ki jingpynïap baroh kan hap halor ki briew jong kane ka juk!

MATHAÏOS 24:27

Naba U Khun U Briew un wan kum ka leilieh kaba thaba na shiliang sha shiliang ka sahit bneng, na mihngi sha sepngi.

MATHAÏOS 24:30

Nangta ka dak U Khun U Briew kan paw ha ka sahit bneng, bad baroh ki jaitbynriew jong ka pyrthei kin ïam haba ki ïohi ïa U Khun U Briew ba u wan ha ki lyoh bneng ha ka bor bad ka burom bakhraw.

MATHAÏOS 24:34

To kynmaw ba kine kiei kiei baroh kin jia ha shuwa ba ki briew kiba im mynta kin ïap baroh.

MATHAÏOS 24:48

Hynrei lada u long u shakri uba sniew, un ong ha lade ba u kynrad jong nga un wan slem,

MATHAÏOS 25:13

Bad U Jisu u la pynkut, “To sumar bha, te, namar ba phim tip ïa ka sngi lane ïa ka kynta.”

MATHAÏOS 26:64

U Jisu u la jubab ïa u, “Me ong kumta. Hynrei nga ong ïa phi baroh: Naduh kane ka por phin ïohi ïa U Khun U Briew ba u da shong ha ka liang kamon jong U Bakhrawbor tam bad u da wan ha ki lyoh bneng!”

MATHAÏOS 4:12

Haba U Jisu u la ïohsngew ba ïa u Ïoannis la thep ha ka ïingbyndi, u la leit noh sha Galilaïa.

MARKOS 13:26

Nangta U Khun U Briew un mihpaw, da kaba wan ha ki lyoh ha ka bor bakhraw bad ka burom.

LOUKAS 18:8

Nga ong ha phi, un bishar ha ka liang jong ki bad un leh kloi ïa ka. Hynrei hato U Khun U Briew un shem mo ïa ka jingngeit ha ka pyrthei haba u wan?”

LOUKAS 21:27

Nangta U Khun U Briew un paw, u da wan ha ki lyoh lem bad ka bor bad ka burom bakhraw.

ÏOANNIS 7:1

Hadien kane, U Jisu u la nang ïaid ha ka Galilaïa; um shym kwah ban leit sha Judia, namar ba ki nongsynshar jong ki Jiw hangta ki la ïakwah ban pynïap ïa u.

KI KAM 17:10

Mar ïapoi ka miet, ki parabangeit ki la phah ïa u Paul bad u Silas sha Beria. Haba ki la poi hangta, ki la leit sha ka synagog.

KI KAM 17:14

Mar kumta hi, ki parabangeit ki la phah noh ïa u Paul sha ka rud duriaw; hynrei u Silas bad u Timothi ki la sah ha Beria.

KI KAM 20:1

Hadien ba ka jingkhihwin ka la jem jai, u Paul u la khot lang ïa ki parabangeit bad da ki ktien pynshlur u la khublei ïakhlad bad ki. Nangta u la mihnoh bad u la leit sha Makedonia.

KI KAM 8:1

Bad u Saul u la mynjur ïa ka jingpynïap ïa u Stephan. Ha kata hi ka sngi, ka balang ha Jerusalem ka la sdang ban mad ïa ka jingpynshitom beiñ kaba shyrkhei. Baroh ki riewngeit, lait noh ki apostol, ki la sakma sha kylleng jong ki thain ka Judia bad ka Samaria.