MATHAÏOS 10:22 - Khasi CL Bible (BSI)

²² Baroh kin isih ïa phi namar jong nga. Hynrei uno uno uba ïeng skhem haduh kaba kut un lait im.

KA BAIBL

²² Te phin long ïa kiba la shun da ki briew baroh na ka bynta ka kyrteng jong nga: hynrei, uta uba da ïaineh ha ban da kut, uta keiñ u ban lait im.

MATHAÏOS 10:22 ပူးပေါင်းရင်းမြစ်များ

PROBERB 29:27

Uba hok u isih ïa u bymman, bad u bymman u isih ïa uba hok.

MATHAÏOS 10:39

Uno uno uba pyrshang ban pynïoh myntoi ïa la ka jingim un duh noh ïa ka, hynrei uno uno uba duh noh ïa la ka jingim na ka bynta jong nga un ïoh ïa ka.

MATHAÏOS 24:13

Hynrei uno uno uba ïeng skhem haduh kaba kut un lait im.

MATHAÏOS 24:9

“Nangta ïa phi yn kem bad yn aiti ban shah pynshitom bad ban shah pynïap. Ki jaitbynriew baroh kin isih ïa phi namar jong nga.

MATHAÏOS 5:11

“Suk ma phi haba ki briew ki krenbeiñ bad pynshitom beiñ ïa phi, bad ong bun jait ki jinglamler basniew pyrshah ïa phi namar ba phi long ki nongbud jong nga.

MARKOS 13:13

Baroh kin shun ïa phi na ka bynta jong nga. Hynrei uta uba ïaineh haduh kaba kut, un ïohlait im.

LOUKAS 21:17

Uwei uwei baroh un shun ïa phi namar jong nga.

LOUKAS 21:19

To ïeng skhem, bad phin ri pynim ïa lade hi.

LOUKAS 6:22

“Suk ma phi haba ki briew ki isih ïa phi; kiba kyntait ïa phi, ki krenbeiñ ïa phi, bad ki ong ba phi long uba sniew, baroh namar U Khun U Briew!

LOUKAS 8:15

Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

ÏOANNIS 17:14

Nga la ai ha ki ïa ka khubor jong me, bad ka pyrthei ka la shun ïa ki, namar ba kim dei jong kane ka pyrthei, kumba nga ruh ngam dei na kane ka pyrthei.

ÏOANNIS 7:7

Ka pyrthei kam lah ban shun ïa phi, hynrei ka shun ïa nga, namar ba nga ïai-ong ba ki lynti jong ka ki long kiba sniew.

KI KAM 9:16

Bad nga hi ngan pyn-i ha u ïa baroh kaba u dei ban shah na ka bynta jong nga.”

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

2 KORINTH 4:11

Ha shi lynter ka jingim, ngi don ha tmier jong ka jingïap na ka bynta U Jisu, khnang ba yn ïohi ïa ka jingim jong u ha kane ka met baïap jong ngi.

GALATIA 6:9

Kumta to ai ba ngin ym man thait ha kaba lehbha; namar lada ngim duh bor noh, ka por kan poi ha kaba ngin lum ïa ka jingot.

HEBRU 3:14

Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

HEBRU 6:11

Ka jingangnud kaba khraw tam jong ngi ka long ba uwei pa uwei na phi un don ka jingthrang kaba ïaineh haduh kaba kut, kumta ba kiei kiei kiba phi kyrmen kin wan urlong.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

1 ÏOANNIS 3:13

Phi wat sngewlyngngoh, ko ki para jong nga, lada ki briew jong ka pyrthei ki isih ïa phi.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.

JINGPYNPAW 2:17

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ha kito kiba ïoh ïa ka jingjop ngan ai katto katne ka manna ba la buhrieh. Ngan ai ruh ha uwei pa uwei na ki ïa u maw balieh ha uba la thoh ïa ka kyrteng bathymmai kaba ym don mano mano batip lait noh tang uta uba ïohpdiang ïa ka.

JINGPYNPAW 2:26

Ha kito kiba ïoh ïa ka jingjop, kiba ïaineh haduh kaba kut ban leh ïa kaei kaba nga kwah, ngan ai ïa kajuh ka bor kaba nga la ïohpdiang na U Kpa jong nga: Ngan ai ha ki ïa ka bor halor ki jaitbynriew, ban synshar ïa ki da u diengsynshar nar bad ban pynkheiñ ïa ki lyngkhot lyngkhai kum ïa ki khiew dewbyrtha. Ngan ai ha ki ruh ïa u khlur step.

JINGPYNPAW 2:3

Pha long kaba ïaishah, pha la shahshitom na ka bynta jong nga, bad pham shym la kynran dien.

JINGPYNPAW 2:7

“Te lada pha don ki shkor, shahshkor ïa kaei kaba U Mynsiem u ong ïa ki balang! Ha kito kiba ïoh ïa ka jingjop ngan ai ban bam ïa u soh na u dieng ka jingim uba mih ha ka Kper U Blei.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.