MATHAÏOS 10:2 - Khasi CL Bible (BSI)

² Kine ki long ki kyrteng jong ki khat-ar ngut ki apostol: uba nyngkong, U Simon (ïa uba la khot u Petros) bad u para jong u, u Andriw; u Jakob bad u para jong u, u Ïoannis, ki khun jong u Sebedi;

KA BAIBL

² Ki kyrteng jong kita ki khat-ar ngut ki apostol te ki la long kine: u banyngkong, u Simon, ïa uba la khot “u Petros”, bad u Andriw u para jong u; u Jakob u khun u Sebedi, bad u Ïoannis u para jong u;

MATHAÏOS 10:2 ပူးပေါင်းရင်းမြစ်များ

MATHAÏOS 17:1

Hadien hynriew sngi U Jisu u la ïalam bad u ïa u Petros bad ïa ki ar ngut shi para, u Jakob bad u Ïoannis bad u la ïalam ïa ki sha u lumbah uba jrong ha kaba ki la ïadon tang ma ki hi.

MATHAÏOS 20:20

Nangta ka tnga jong u Sebedi ka la wan sha U Jisu lem bad ar ngut ki khun shynrang jong ka, ka la nguh dem ha khmat jong u, bad ka la kyrpad ïa u ban leh ei ei.

MATHAÏOS 26:37

U la ïalam bad u ïa u Petros bad ïa ki ar ngut ki khun shynrang jong u Sebedi. Ka jingsngewsih bad ka jingpisa lyng-a ka la tyllep ïa u,

MATHAÏOS 4:18

Katba U Jisu u dang ïaid harud ka Duriaw Galilaïa, u la ïohi ïa ki ar ngut shi para kiba long ki nongtong dohkha, u Simon (ïa uba la khot u Petros) bad u para jong u, u Andriw, ba ki dang tong dohkha ha ka duriaw da ka jar.

MATHAÏOS 4:21

U la nang ïaid u la ïohi ïa ar ngut kiwei pat shi para, ïa u Jakob bad u Ïoannis, ki khun jong u Sebedi. Ki la don ha ka lieng lem bad u Sebedi u kpa jong ki, ba ki dang ïapynkhreh ïa ki jar jong ki. U Jisu u la khot ïa ki,

MARKOS 1:29

U Jisu bad ki synran jong u, kynthup ïa u Jakob bad u Ïoannis, ki la mih na ka synagog bad ki la leit beit sha ka ïing u Simon bad u Andriw.

MARKOS 13:3

U Jisu u dang shong halor u lum ki Olib, pyrshah ïa ka Templ, mynba u Petros, u Jakob, u Ïoannis bad u Andriw ki la wan jar jar ha u.

MARKOS 6:30

Ki apostol ki la wan phai bad ki la ïakynduh ïa U Jisu; bad ki la ïathuh ha u ïa baroh kaba ki la leh bad la hikai.

LOUKAS 11:49

Na kane ka daw ka Jingstad jong U Blei ka la ong, ‘Ngan phah ha ki ïa ki nongïathuhlypa bad ïa ki nonglamktien; kin pynïap katto katne ngut na ki bad kin pynshitom beiñ ïa kiwei pat.’

LOUKAS 22:14

Haba ka kynta ka la poi, U Jisu u la shong ha la ka jaka ha ka miej lem bad ki apostol.

LOUKAS 22:8

U Jisu u la phah ïa u Petros bad ïa u Ïoannis lem bad kine ki jingbthah: “Khie leit bad pynkhreh ïa ka jingbam ka Niam Ka Jinglait na ka bynta jong ngi ban ïabam.”

LOUKAS 5:10

Kajuh ka la long ïa ki paralok jong u Simon, u Jakob bad u Ïoannis, ki khun shynrang jong u Sebedi. U Jisu u la ong ha u Simon, “Wat sheptieng; naduh mynta men long u nongtong briew.”

LOUKAS 9:10

Ki apostol ki la wan phai pat bad ki la ïathuh ha U Jisu ïa kiei kiei baroh kiba ki la leh. U la ïalam ïa ki bad u, bad ki la ïaleit tang ma ki hi sha ka shnong ba la khot, ka Bethsaida.

ÏOANNIS 12:22

U Philip u la leit bad u la ïathuh ha u Andriw, bad baroh ar ngut ki la leit bad ïathuh ïa U Jisu.

ÏOANNIS 13:23

Uwei na ki synran, uta ïa uba U Jisu u ieit, u da shong shaniah ha U Jisu.

ÏOANNIS 20:2

Ka la leit mareh sha u Simon Petros bad sha uwei pat u synran, uba U Jisu u ieit, bad ka la ïathuh ha ki, “Ki la ïarah noh ïa U Trai na ka jingtep, bad ngim tip hangno ki la ïabuh ïa u!”

ÏOANNIS 21:2

U Simon Petros, U Thomas (ba la khot uba Kha Synrap), u Nathanael (uto uba na Kana ha Galilaïa), ki khun u Sebedi, bad ar ngut kiwei pat ki synran U Jisu ki la don lang.

ÏOANNIS 21:20

U Petros u la phai sawdong bad u la ïohi hadien jong u ïa uta uwei pat u synran, ïa uba U Jisu u ieit — uta uba la shong shaniah ha U Jisu ha ka jingïabam miet bad uba la kylli, “Ko Trai, uei u ban sa shetkylla ïa me?”

ÏOANNIS 21:24

U long u synran uba la kren kine kiei kiei, uta uba la thoh ruh ïa kine; bad ngi tip ba kaei kaba u ong ka long kaba shisha.

ÏOANNIS 6:67

Kumta u la kylli ïa ki khat-ar ngut ki synran, “Bad ma phi — hato phi ruh phi kwah ban leit noh?”

ÏOANNIS 6:70

U Jisu u la phai ktien, “Hato ngam shym la jied ïa phi baroh khat-ar ngut? Pynban uwei na phi u long u ksuid!”

ÏOANNIS 6:71

U la kren shaphang u Judas, u khun jong u Simon Iskariot. Naba u Judas, wat la u dei uwei na ki khat-ar ngut ki synran, un sa shetkylla ïa u.

ÏOANNIS 6:8

Uwei pat na ki synran jong u, u Andriw, uba long u para jong u Simon Petros, u la ong,

KI KAM 1:13

Ki la rung sha ka nongbah bad ki la leit sha ka kamra ha kaba ki la sah: U Petros, u Ïoannis, u Jakob bad u Andriw, u Philip bad u Thomas, u Bartholomai bad u Matthaïos, u Jakob u khun jong u Alphaïos, u Simon u Riew-ieit Ri, bad u Judas u khun jong u Jakob.

KI KAM 1:26

Nangta ki la ïakynting sbai ban jied napdeng ki ar ngut ki rangbah, bad uta uba la jied u la long u Matthias, ïa uba la pynïasoh sha ka kynhun ki khatwei ngut ki apostol.

KI KAM 12:2

U la phah pynïap ïa u Jakob, u para jong u Ïoannis, da ka waitlam.

KI KAM 3:1

Ha kawei ka sngi, u Petros bad u Ïoannis ki la leit sha ka Templ ha ka por lai baje nohphai sngi, kaba long ka kynta jingduwai.

1 KORINTH 15:7

Nangta u la paw ha u Jakob, bad hadien ha baroh ki Apostol.

EPHESOS 4:11

U la long ma u, uba “la ai ki jingai sngewbha ha u bynriew;” u la thung katto katne ngut ban long ki apostol; ïa kiwei, ki nongïathuhlypa; ïa kiwei, ki nongïalap; ïa kiwei pat, ki nongsharai balang bad ki nonghikai.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

1 PETROS 1:1

Na u Petros, u Apostol U Jisu Khrist — Sha ki briew ba la jied jong U Blei kiba im kum ki nongphetwir kiba la pynsakma kylleng ki probins jong ka Pontos, ka Galatia, ka Kappadokia, ka Asia bad ka Bithynia.

2 PETROS 1:1

Na u Simon Petros, u shakri bad u Apostol jong U Jisu Khrist — Sha kito ha kiba da ka hok jong U Blei jong ngi bad U Jisu Khrist U Nongpynim la ai ïa ka jingngeit kaba kordor kum ka jong ngi:

2 ÏOANNIS 1:1

Na u Nongsharai Balang — Sha ka Kynthei badonburom bad sha ki khun jong ka, ïa kiba nga ieit da shisha. Bad ym dei tang ma nga hi, hynrei baroh kiba tip ïa ka jingshisha ki ieit ïa phi,

3 ÏOANNIS 1:1

Na u Nongsharai Balang — Ha u Gaïos ba-ieit jong nga, ïa uba nga ieit da shisha.

JINGPYNPAW 1:1

Kane ka kitab ka long ka jingbuh jingthoh ïa ki jingjia kiba U Jisu Khrist u la pynpaw. U Blei u la ai ha u ïa kane ka jingpynpaw khnang ban pyn-i ha ki shakri jong u ïa kaei kaba dei ban jia shen. U Khrist u la pynlong ïa kine kiei kiei ban tip da u shakri jong u, u Ïoannis da kaba phah ïa la u angel sha u,

JINGPYNPAW 1:9

Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 22:8

Ma nga, u Ïoannis, nga la ïohsngew bad la ïohi ïa kine kiei kiei baroh. Bad haba nga la dep ïohsngew bad ïohi ïa ki, nga la dem khrup ha ki kjat jong u angel uba la pyn-i ha nga ïa kine kiei kiei, bad nga la jan mane ïa u.