MATHAÏOS 10:19 - Khasi CL Bible (BSI)

¹⁹ Haba ki tian bishar ïa phi, wat khuslai shaphang kaei kaba phin ong lane kumno phin ong; haba ka por ka poi, yn sa ai ha phi ïa kaei kaba phin ong.

KA BAIBL

¹⁹ Hynrei, ynda ki ïa-ai noh ïa phi, wat sngewkhuslai, kumno, lane kaei ba phin kren; naba yn ai ha phi ha kata ka por, ïa kaei ba phin kren.

MATHAÏOS 10:19 ပူးပေါင်းရင်းမြစ်များ

EKSODOS 4:12

Mynta, khie leit! Ngan ïarap ïa me ban kren, bad ngan ïathuh ïa me aïu men ong.”

EKSODOS 4:15

Me lah ban ïakren bad u, bad ïathuh ha u ïa kaei kaba un ong. Ngan ïarap ïa phi baroh ar ngut ban kren, bad ngan ïathuh ha phi aïu phin leh.

JEREMAÏAH 1:7

Hynrei U Trai u ong ha nga, “Wat ong ba me dang khynnah eh, hynrei khie leit sha ki briew kiba nga phah ïa me, bad ïathuh ha ki ïa kaei kaei baroh kaba nga hukum ïa me ban ong.

JEREMAÏAH 1:9

Nangta U Trai u la kner ïa la ka kti bad u la ktah ïa ki rmiang shyntur jong nga, bad u la ong ha nga, “To shahshkor, nga ai ha me ki kyntien kiba me dei ban kren.

MATHAÏOS 10:18

Na ka bynta jong nga phin shah tian bishar ha khmat ki nongsynshar bad ki syiem, ban ïathuh ïa ka Khubor Babha ha ki bad ha ki Jentil.

MATHAÏOS 6:25

“Dei kane keiñ balei nga ong ïa phi ban ym khuslai shaphang ka jingbam bad ka jingdih kaba phi donkam ban im, lane shaphang ki jaiñ na ka bynta ka met jong phi. Nalor baroh, hato ka jingim kam kham kor shibun ban ïa ki jingbam? Hato ka met kam kham kor ban ïa ki jaiñ?

MATHAÏOS 6:31

“Kumta wat khuslai: ‘Nangno ka jingbam jong nga kan wan? lane ka jingdih jong nga? lane ki jaiñ jong nga?’

MATHAÏOS 6:34

Kumta wat khuslai ïa kaba lashai; kan don bun ki jingkhuslai ki jong ka hi. Ym donkam ban kynton halor ki jingjynjar ba kawei pa kawei ka sngi ka wallam.

LOUKAS 12:11

“Haba ki wallam ïa phi ban shah tian bishar ha ki synagog lane ha khmat ki lyngskor lane ki nongsynshar, wat sngewkhuslai shaphang kumno phin ïasaid da ïa lade lane ïa kaei phin kren.

LOUKAS 12:12

Naba U Mynsiem Bakhuid un hikai ïa phi ha kata ka por ïa kaei ba phin ong.”

KI KAM 6:10

Hynrei U Mynsiem u la ai ha u Stephan ïa ka jingstad kum kane ba haba u la kren, kim shym lah ban pynrem ïa u.

PHILIPPI 4:6

Wat khuslai shaphang kaei kaei, hynrei ha ki jingduwai jong phi baroh, to pan na U Blei ïa kaei kaba phi donkam, da pan borabor na u da ka dohnud kaba sngewnguh.

2 TIMOTHI 4:17

Hynrei U Trai u la pynim ïa nga bad u la ai bor ïa nga, ba nga la lah ban ïalap ïa ka gospel, bad ba ki Jentil baroh kin ïohsngew; U Blei u la pyllait ïa nga na ka jingïap.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.