MATHAÏOS 10:1 - Khasi CL Bible (BSI)

¹ U Jisu u la khot ïa ki khat-ar ngut ki synran jong u bad u la ai ha ki ka iktiar ban beh noh ïa ki mynsiem bymman bad ban pynkhiah ïa kawei pa kawei ka jingpang bad ïa kawei pa kawei ka jingshitom.

KA BAIBL

¹ Te haba u la khot ha lade ïa ki khat-ar ngut ki synran jong u, u la ai bor ïa ki halor ki mynsiem bymkhuid kat ban beh noh ïa ki, bad ban pynkhiah ïa ka jingpang baroh bad ïa ka jingkhrew baroh.

MATHAÏOS 10:1 ပူးပေါင်းရင်းမြစ်များ

MATHAÏOS 19:28

U Jisu u la ong ha ki, “Phi lah ban thikna ba haba U Khun U Briew u shong ha ka khet badonburom jong u ha ka Ïa kaba thymmai, te ma phi ki khat-ar ngut ki nongbud jong nga phin ïashong ruh ha ki khet, ban synshar ïa ki khat-ar ki jait Israel.

MATHAÏOS 26:20

Haba la janmiet, U Jisu bad ki khat-ar ngut ki synran ki la ïashong ban bam.

MATHAÏOS 26:47

U Jisu u dang kren haba u Judas, uwei na ki khat-ar ngut ki synran, u la wan poi. Ryngkat bad u, la don u paidbah babun uba la kieng atiar da ki waitlam bad ki dieng tangon, ïa kiba la phah da ki rangbah lyngdoh bad ki tymmen ki san.

MATHAÏOS 4:23

U Jisu u la leit kylleng ka Galilaïa, u da hikai ha ki Synagog, u da ïalap ïa ka Khubor Babha shaphang ka Hima ki Bneng, bad u da pynkhiah ïa ki briew kiba la don baroh ki jait jingpang bad jingshitom.

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

MATHAÏOS 9:35

U Jisu u la leit jngoh kylleng ki nongbah bad ki nongrit. U la hikai ha ki synagog, u la ïalap ïa ka Khubor Babha shaphang ka Hima, bad u la pynkhiah ïa ki briew kiba don ki jingpang babun jait bad ki jingshitom.

MATHAÏOS 9:38

To kyrpad ïa U Trai ka jingot ba un phah ïa ki nongtrei ban ïalumlang ha ka jingot jong u.”

LOUKAS 10:19

Shahshkor! Nga la ai ha phi ka bor, khnang ba phi lah ban ïaid halor ki bseiñ bad ki 'ñianglartham bad jop ïa ka bor baroh jong u Nongshun, bad ym don kano kano ka ban pynmynsaw ïa phi.

LOUKAS 21:15

namar ngan ai ha phi ki kyntien bad ka jingstad kiba ym don na ki nongshun jong phi kiba lah ban kyntait lane ïa-pyrshah ïa kaei kaba phi ong.

LOUKAS 24:49

Bad nga hi ngan phah halor jong phi ïa kaei kaba U Kpa jong nga u la kular. Hynrei phi dei ban ap ha ka nongbah tad ynda ka bor ba najrong ka wan hiar halor jong phi.”

LOUKAS 6:13

Haba ka la shai, u la khot ïa la ki synran sha u bad u la jied khat-ar ngut na ki, ïa kiba u la ai kyrteng, ki apostol:

ÏOANNIS 17:2

Naba me la ai ha u ïa ka bor halor u bynriew baroh, khnang ba u lah ban ai ïa ka jingim bymjukut ha kito baroh ïa kiba me la ai ha u.

ÏOANNIS 3:27

U Ïoannis u la jubab, “Ym don uno uno uba lah ban ïohpdiang ei ei lymda U Blei u ai ïa ka ha u.

ÏOANNIS 3:35

U Kpa u ieit ïa la U Khun bad u la buh ïa kiei kiei baroh ha ka bor jong u.

ÏOANNIS 6:70

U Jisu u la phai ktien, “Hato ngam shym la jied ïa phi baroh khat-ar ngut? Pynban uwei na phi u long u ksuid!”

KI KAM 1:8

Hynrei haba U Mynsiem Bakhuid u wan ha phi, yn pyndap ïa phi da ka bor, bad phin long ki sakhi jong nga ha Jerusalem, ha baroh ka Judia bad Samaria, bad shaduh kiba kut jong ka pyrthei.”

KI KAM 19:15

Hynrei u mynsiem bymman u la ong ha ki, “Nga ithuh ïa U Jisu, bad nga tip shaphang u Paul; hynrei ma phi — phi dei kiei?”

JINGPYNPAW 12:1

Nangta ka dak kaba khraw bad kaba maïan ka la paw ha ka sahit bneng. La don ka briew, kaba ka jaiñphong jong ka, ka long ka sngi bad kaba don u bnai hapoh ki kjat jong ka bad ka pansngiat ki khat-ar tylli ki khlur halor ka khlieh jong ka.