MATHAÏOS 1:23 - Khasi CL Bible (BSI)

²³ “Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

KA BAIBL

²³ “Ha khmih, kata ka theisotti kan punkhun, kan kha ruh ïa u khun, bad kin ïakhot ïa ka kyrteng jong u, ‘U Emmanuel,’ ” kaba long, haba la batai, “U Blei lem bad ngi”.

MATHAÏOS 1:23 ပူးပေါင်းရင်းမြစ်များ

SALM 46:11

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 46:7

U Trai Badonbor Baroh u don bad ngi; U Blei jong u Jakob u long ka jakarieh jong ngi.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

MATHAÏOS 1:24

Kumta haba u Joseph u la kyndit thiah, u la shongkurim ïa ka Mari, kumba u angel jong U Trai u la bthah ïa u ban leh kumta.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

LOUKAS 20:44

U Dabid u la khot ïa u ‘U Trai’; kumno, te, U Messaïah u lah ban long uba hiarpateng na u Dabid?”

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

KI KAM 18:9

Ha kawei ka miet, u Paul u la ïoh ka jingïohipaw ha kaba U Trai u la ong ha u, “Wat sheptieng, hynrei ïai kren bad wat sangeh, naba nga long lem bad me.

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

Ka Shithi U Paul Sha Ki Nong Rom 9:5

ki hiarpateng na ki kpa tymmen Hebru bapawnam; bad U Khrist, kum u briew, u long na ka jaitbynriew jong ki. To ai ba yn ïaroh junom ïa U Blei uba synshar halor baroh! Amen.

2 KORINTH 5:19

Ka khubor jong ngi ka long ba U Blei u la pynlong paralok ïa u bynriew baroh lyngba U Khrist. U Blei um shym la buh jingkheiñ ïa ki pop jong ki, bad u la ai ha ngi ka khubor kaba ïathuh kumno u pynlong ïa ki, ki paralok jong u.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

2 TIMOTHI 4:17

Hynrei U Trai u la pynim ïa nga bad u la ai bor ïa nga, ba nga la lah ban ïalap ïa ka gospel, bad ba ki Jentil baroh kin ïohsngew; U Blei u la pyllait ïa nga na ka jingïap.

2 TIMOTHI 4:22

U Trai un long lem bad ka mynsiem jong phi. Ka jingaiei jong U Blei kan long bad phi baroh. Amen.