MATHAÏOS 1:21 - Khasi CL Bible (BSI)

²¹ Kan kha i khun shynrang, bad men khot kyrteng ïa u, U Jisu — namar un pyllait im ïa ki briew jong u na ki pop jong ki.”

KA BAIBL

²¹ kan kha ruh ïa u khun; men khot ruh ïa ka kyrteng jong u, ‘U Jisu’: naba un pynim ïa la ki briew na ki pop jong ki.”

MATHAÏOS 1:21 ပူးပေါင်းရင်းမြစ်များ

JENESIS 17:19

U Blei u ong, “Em. Ka Sarah, ka tnga jong me kan sa kha khun shynrang ïa me, bad men khot kyrteng ïa u, u Isaak. Ngan bat ïa ka jutang jong nga bad ha ki khun ki ksiew jong u. Ka dei ka jutang baïaineh junom.

JENESIS 17:21

Hynrei ngan bat ïa la ka jutang bad u khun jong me u Isaak, ïa uba ka Sarah kan sa kha ha me kum ha kane ka aïom ha ka snem ka ban wan.”

JENESIS 18:10

Uwei na ki u ong, “Ngan sa wan biang sha me hadien khyndai bnai, bad ka Sarah ka tnga jong me kan sa ïoh khun shynrang.” Ka Sarah kaba ïeng hadien jong u ha ka jingkhang ka ïingjaiñ, ka pynshahshkor.

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

JEREMAÏAH 33:16

Ïa ki briew ka Judah bad ka Jerusalem yn pyllait im bad kin im hapdeng ka jingshngain. Ïa ka nongbah yn khot ‘U Trai ka Jingpynim jong ngi.’

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

MATHAÏOS 1:25

Hynrei um shym la ïathiah shongkha bad ka ha shuwa ban kan kha ïa u khun jong ka. Bad u Joseph u la khot kyrteng ïa u, U Jisu.

LOUKAS 1:13

Hynrei u angel u la ong ha u, “Wat sheptieng, ko Sekharaïah! U Blei u la shahshkor ïa ka jingduwai jong me, bad ka Elisabeth ka tnga jong me kan kha u khun ïa me. Men kyrteng ïa u, u Ïoannis.

LOUKAS 1:31

Phan sa punkhun bad phan kha ïa u khun, bad phan kyrteng ïa u, U Jisu.

LOUKAS 2:11

Ha kane ka sngi ha ka shnong u Dabid la kha ïa U Nongpynim jong phi — U Khrist U Trai!

LOUKAS 2:21

Hadien shi taïew, haba ka por ka la poi na ka bynta ban otsher ïa u khunlung, la ai kyrteng ïa u, U Jisu, ka kyrteng kaba u angel u la lah ai na ka bynta jong U ha shuwa ba yn pun ïa U.

ÏOANNIS 1:29

Ha ka sngi kaba bud, U Ïoannis u la ïohi ïa U Jisu ba u wan sha u, bad u la ong, “Ha khmih, U Khunlangbrot jong U Blei, uba kit noh ïa ka pop jong ka pyrthei!

ÏOANNIS 4:42

“Ngi ngeit mynta, ym namar kaei kaba pha la ïathuh, hynrei namar ma ngi hi da lade ngi la ïohsngew ïa u, bad ngi tip ba une da shisha u long u Nongpynim jong ka pyrthei.”

KI KAM 13:23

U la dei U Jisu, uba hiarpateng na u Dabid, ïa uba U Blei u la pynlong u Nongpynim ïa ki paid Israel, kumba u la lah kular.

KI KAM 3:26

Bad kumta U Blei u la jied ïa la u Shakri bad u la phah ïa u nyngkong ha phi, ban kyrkhu ïa phi da kaba pynlong ïa uwei pa uwei na phi ban phai noh na ki lynti bymman jong u.”

KI KAM 4:12

Ïa ka jingpynim dei ban shem tang lyngba jong u; ha ka pyrthei baroh ym don uno uno ïa uba U Blei u la ai uba lah ban pynim ïa ngi.”

KI KAM 5:31

U Blei u la kyntiew ïa u sha ka liang kamon jong u kum u Nongïalam bad u Nongpynim, ban ai ha ki paid Israel ka kabu ban kylla-kaba-mut bad ban ïoh ka jingmap ïa ki pop jong ki.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.

1 ÏOANNIS 3:5

Phi tip ba U Khrist u la paw ban bah noh ïa ki pop, bad kam don kano kano ka pop ha u.

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.

NONGBISHAR 13:3

U angel U Trai u wanpaw ha ka bad u ong, “Pham shym la lah ban ïoh khun, hynrei shen phan sa punkhun bad phan ïoh ïa u khun shynrang.

1 SAMUEL 1:20

Kumta ka Hannah ka punkhun bad ka kha khun shynrang. Ka la pynkyrteng ïa u, u Samuel, naba ka ong, “Nga la pan ïa u na U Trai.”