MATHAÏOS 1:20 - Khasi CL Bible (BSI)

²⁰ Katba u dang puson halor kane, u angel jong U Trai u la mihpaw ha u ha ka jingphohsniew bad u ong, “Ko Joseph, uba hiarpateng na u Dabid, wat sheptieng ban shim ïa ka Mari ban long ka tnga jong me. Namar dei da U Mynsiem Bakhuid ba ka la punkhun.

KA BAIBL

²⁰ Hynrei, haba u dang puson ïa kine kiei kiei ruh, ha khmih, u angel U Trai u la paw ha u ha ka jingphohsniew, u da ong, “Ko Joseph, u khun u Dabid, wat sheptieng ban shim ha me ïa ka Mari ka tnga jong me: naba ita iba la pun ha ka, i long na U Mynsiem Bakhuid:

MATHAÏOS 1:20 ပူးပေါင်းရင်းမြစ်များ

JENESIS 31:11

U angel U Blei u la kren ïa nga ha ka jingphohsniew bad u ong, ‘Jakob!’ ‘Oi’ nga la jubab.

JENESIS 46:3

“Nga long U Blei, U Blei jong u kpa jong me,” u ong. “Wat sheptieng ban leit hiar sha Ijipt; hangta ngan pynlong ïa ki khun ki ksiew jong me ka jaitbynriew kaba khraw.

1 SYIEM 17:13

“Wat khuslai” u Elijah u la ong ha ka. “Khie leit bad pynkhreh ïa ka jingbam jong phi. Hynrei nyngkong shet ïa u kpu uba rit na kaei kaba pha don bad wanrah ïa u sha nga, bad nangta sa shet ïa kaba sah na ka bynta jong pha bad ïa u khun jong pha.

1 SYIEM 3:5

Ha kata ka miet U Trai u la mihpaw ha u ha ka jingphohsniew bad u kylli ïa u, “Kaei me mon ïa nga ban ai ha me?”

SALM 119:125

Nga long u shakri jong me; to ai ha nga ka jingshemphang, khnang ba ngan lah ban tip ïa ki jinghikai jong me.

SALM 143:8

To pynkynmaw ïa nga man la ka step ïa ka jingieit baneh jong me, naba nga buh ïa la ka jingshaniah ha me. Ki jingduwai jong nga ki kiew sha me; to pyn-i ïa nga ïa ka lynti ba nga dei ban leit.

SALM 94:19

Haba nga lyng-a bad khuslai, me pyntngen bad pynkmen ïa nga.

PROBERB 12:5

Ki briew kiba beit kin lehbha ïa phi; ki bymman ki kwah tang ban shukor ïa phi.

ISAÏAH 26:3

Ma me, A Trai, me ai ka jingsuk bajanai ïa kito kiba batskhem ïa ka jingthmu jong ki bad kiba buh ïa la ka jingshaniah ha me.

ISAÏAH 30:21

Lada phi sakma noh na ka lynti sha kamon ne sha kadiang, phin ïohsngew ïa ka sur jong u hadien jong phi kaba ong, “Kane ka dei ka lynti. Bud ïa ka.”

ISAÏAH 51:7

“To shahshkor ïa nga, phi kiba tip ïa kaei kaba dei, kiba don ka jinghikai jong nga kaba neh ha la ki dohnud. Wat sheptieng haba ki briew ki pynsalia bad krenbeiñ ïa phi;

ISAÏAH 7:13

U Isaïah u jubab ïa kata, “To shahshkor, mynta, ko ki khun ki ksiew jong u Syiem Dabid. Ka long kaba sniew eh ïa phi ban pynthait ïa ka jingïaishah jong ki briew — hato phi donkam ruh ban pynthait ïa ka jingïaishah ka jong U Blei?

ISAÏAH 7:2

Haba ka ktien ka la poi ha u syiem ka Judah ba ki kynhun shipai ka Syria ki la da don hapoh ka ri Israel, ma u bad ki briew jong u baroh ki la sngewshyrkhei shikatdei ha kaba ki la khynñiuh kum ki dieng ba la pynkhih da ka lyer.

JEREMAÏAH 31:22

Haduh katno phin pynslem, ko ki briew bym don jingngeit? Nga la thaw kaei kaei kaba thymmai bad kaba pher, kaba pher kum ka briew kaba ïada ïa u briew.”

JEREMAÏAH 33:26

Bad kumba, shisha, nga la leh ïa kane, kumta ngan pynneh ïa la ka jutang bad ki khun ki ksiew u Jakob bad u shakri jong nga u Dabid. Ngan jied ïa uwei na ki nonghiarpateng u Dabid ban synshar halor ki khun ki ksiew u Abraham, u Isaak, bad u Jakob. Ngan isynei ïa ki briew jong nga bad pynlong ïa ki ban roi kyrhai pat.”

JEREMAÏAH 40:9

U Gedalaïah u la ong ïa ki, “Nga ai ïa phi ïa la ka ktien ba kam donkam ïa phi ban sheptieng ban pyndem ha ki nong Babilonia, to shongduh ha kane ka ri, to shakri ïa u syiem ka Babilonia, bad baroh kan bha ïa phi.

JOEL 2:28

“Hadien ngan sa theh ïa U Mynsiem jong nga ha uwei pa uwei: Ki khun shynrang bad ki khun kynthei jong phi kin pynbna ïa ka khubor jong nga; ki tymmen shynrang kin don ki jingphohsniew, bad ki samla shynrang jong phi kin ïohi ki jingïohipaw.

JINGKHEIÑ 12:6

bad U Trai u ong, “Mynta sngap aïu ngan ong! Haba don ki nongïathuhlypa hapdeng jong phi, nga pynpaw ïa lade ha ki ha ka jingïohipaw bad nga kren ha ki ha ki jingphohsniew.

MATHAÏOS 1:18

Kane ka long kumno ka jingkha ïa U Jisu Khrist ka la jia. Ka kmie jong u ka Mari ka la ïatehktien bad u Joseph, hynrei ha shuwa ba kin ïashongkurim, la shem ïa ka ba ka la punkhun na U Mynsiem Bakhuid.

MATHAÏOS 2:12

Nangta ki la leit phai noh sha la ka ri na kawei pat ka lynti, namar U Blei u la maham ïa ki ha ka jingphohsniew ban ym leit phai pat sha u Herod.

MATHAÏOS 2:13

Hadien ba ki la lah mihnoh, u angel jong U Trai u la paw ha ka jingphohsniew ha u Joseph bad u la ong, “U Herod un sa wad ïa u khunlung khnang ban pynïap ïa u. Kumta to ïeng joit, ïalam ïa u khunlung bad ïa ka kmie jong u bad phet noh sha Ijipt bad sah hangta tad haduh ba ngan da ong ïa me ba men mihnoh.”

MATHAÏOS 2:19

Hadien ba u Herod u la ïap, u angel U Trai u la mihpaw ha ka jingphohsniew ha u Joseph ha Ijipt

MATHAÏOS 2:22

Hynrei haba u Joseph u la ïohsngew ba u Arkhelos u la mih bujli ïa u Herod, u kpa jong u, kum u syiem ka Judia, u la sheptieng ban leit shata. La ai shuh shuh ha u shibun ki jingbthah ha ka jingphohsniew, kumta u la leit sha ka probins jong ka Galilaïa

MATHAÏOS 27:19

Katba u Pilat u dang shong ha ka kamra ïingbishar, ka tnga jong u ka la phah khubor sha u: “Wat leh ei ei ïa uta u briew uba lui lui, namar ba ha ka jingphohsniew hynne mynmiet nga la shahshitom shikatdei eh na ka bynta jong u.”

MATHAÏOS 28:5

U angel u la kren ha ki kynthei. “Phim dei ban sheptieng,” u la ong. “Nga tip phi ïawad ïa U Jisu, uba la shah sahnarphna.

LOUKAS 1:19

“Nga long u Gabriel,” u angel u la jubab. “Nga ïeng ha ka jingdon ryngkat jong U Blei, uba la phah ïa nga ban kren ha me bad ïathuh ha me ïa kane ka khubor babha.

LOUKAS 2:4

U Joseph ruh u la leit na ka shnong Nasareth, kaba ha Galilaïa sha ka shnong Bethlehem ha Judia, ka jaka ha kaba la kha ïa syiem Dabid. U Joseph u la leit shata namar u la long uba hiarpateng na u Dabid.

KI KAM 5:19

Hynrei ha kata ka miet u angel jong U Trai u la plie ïa ki khyrdop ka byndi, u la ïalam shabar ïa ki apostol, bad u la ong ha ki,

JINGPYNPAW 19:7

To ngin ïarisa bad shadkmen; to ngin ïaroh ïa ka jingkhraw jong u! Naba ka por ka la poi na ka bynta ka jingshongkurim jong U Khunlangbrot, bad ka nongleitkurim jong u ka la pynkhreh ïa lade na ka bynta kata.

NONGBISHAR 13:3

U angel U Trai u wanpaw ha ka bad u ong, “Pham shym la lah ban ïoh khun, hynrei shen phan sa punkhun bad phan ïoh ïa u khun shynrang.