MATHAÏOS 1:12 - Khasi CL Bible (BSI)

^12-16 Na ka por hadien ka jingshah ringmraw ha Babilon haduh ka jingkha ïa U Jisu, ïa kine harum ki kpa tymmen la thoh kyrteng: U Jehoïakhin, u Shealtiel, u Serubbabel, u Abiud, u Eliakim, u Asor, u Sadok, u Akhim, u Eliud, u Eleasar, u Matthan, u Jakob, bad u Joseph, uba la shongkurim ïa ka Mari, ka kmie jong U Jisu, ïa uba la khot U Messaïah.

KA BAIBL

¹² Hadien kata ka jingring mraw sha Babilon te, u Jekhoniah u la pynkha ïa u Salathiel; bad u Salathiel u la pynkha ïa u Sorobabel;

MATHAÏOS 1:12 ပူးပေါင်းရင်းမြစ်များ

2 SYIEM 24:14

U Nebukhadnessar u la ring koidi ïa ki briew ka Jerusalem, ïa ki khun syiem shynrang baroh, bad baroh ki rangbah bapawkhmat, baroh lang shiphew hajar ngut. U la pynryngkang par ruh ïa baroh ki nongtrei kiba tbit, kynthup ïa ki bania, da kaba iehnoh shadien ha Judah tang ïa ki briew kiba duk tam eh.

2 SYIEM 25:27

Ha ka snem ba u Ebilmerodakh u long u syiem ka Babilonia, u la lehsbun ïa u Jehoïakhin u syiem ka Judah da kaba pyllait noh ïa u na ka ïingbyndi. Kane ka la jia ha ka sngi kaba arphew hynñiew jong u bnai uba khat-ar jong ka snem kaba laiphew hynñiew hadien ba la kem koidi ïa u Jehoïakhin.

1 KHRONIKL 3:17

Kine ki long ki khun ki ksiew jong u syiem Jehoïakhin, uba la shah ring koidi ha ki nong Babilonia. U Jehoïakhin u don hynñiew ngut ki khun shynrang: u Shealtiel,

ESRA 3:2

bad u Joshua u khun jong u Jehosadak, ki para lyngdoh jong u, bad u Serubbabel u khun jong u Shealtiel, ryngkat bad ki ba-ha-ïing jong u, ki la ïatei biang ïa ka duwan jong U Blei ki Israel, khnang ba ki lah ban thang ki jingkñia halor jong ka kat kum ki jingbthah ba la thoh ha ka Hukum u Moses, u briew jong U Blei.

ESRA 5:2

Haba u Serubbabel u khun jong u Shealtiel bad u Joshua u khun jong u Jehosadak ki la ïohsngew ïa ki khubor, ki sdang ban tei biang ïa ka Templ ha Jerusalem, bad ki ar ngut ki nongïathuhlypa ki ïarap ïa ki.

NEHEMAÏAH 12:1

Kane ka long ka thup jong ki lyngdoh bad ki Lebi kiba la wan phai na ka jingshah ringmraw ryngkat u Serubbabel u khun jong u Shealtiel bad u Joshua u Rangbah Lyngdoh: Ki Lyngdoh: U Seraïah, u Jeremaïah, u Esra, U Amaraïah, u Mallukh, u Hattush, U Shekanaïah, u Rehum, u Meremoth, U Iddo, u Ginnethoi, u Abijah, U Mijamin, u Maadaïah, Bilgah, U Shemaïah, u Joïarib, u Jedaïah, U Sallu, u Amok, u Hilkaïah bad u Jedaïah. Kine ki rangbah ki long ki nongïalam hapdeng baroh ki para lyngdoh ha ki sngi u Joshua. Ki Lebi: Kine ki long kiba khmih halor ka jingrwai ïa ki jingrwai jong ka jingainguh: u Jeshua, u Binnui, u Kadmiel, u Sherebaïah u Judah bad u Mattanaïah. Kine ki pynlong ïa ka kynhun rwai kaba rwai-jubab kylliang: u Bakbukaïah u Unno bad ki para Lebi jong ki.

JEREMAÏAH 22:24

U Trai u la ong ha u syiem Jehoïakhin, u khun jong u Jehoïakim u syiem ka Judah, “Kumba da shisha nga long U Blei Uba im. Wat la me long kum ka sati muhor ha ka kti kamon jong nga, ngan weng noh ïa me,

JEREMAÏAH 22:28

Nga la ong, “Hato u syiem Jehoïakhin u la kylla long kum u khra uba la pait uba la bret noh bad u bym don ba kwah shuh mano mano? Hato ka long kata balei ba ma u bad ïa ki khun jong u la ringmraw sha ka ri kaba kim tip ei ei?”

JEREMAÏAH 22:30

“Ïa une u briew la pynrem ba un duh noh ïa la ki khun, Un long u briew u ban ym jop shuh. Un ym don ki khun ki ksiew jong u ki ban synshar ha Judah kum ki nonghiarpateng u Dabid. Ma nga, U Trai, nga la kren.”

HAGGAI 1:1

Ha ka snem kaba ar kaba u Darius u long u patsha ka Persia, ha ka sngi kaba nyngkong jong u bnai uba hynriew, U Trai u la kren lyngba u Haggai u nongïathuhlypa. Ka khubor ka la long na ka bynta u lat ka Judah, u Serubbabel u khun jong u Shealtiel, bad na ka bynta u Rangbah Lyngdoh, u Joshua u khun jong u Jehosadak.

HAGGAI 1:12

Te u Serubbabel bad u Joshua bad ki briew baroh kiba la wan phai na ka jingshah ringmraw ha Babilonia, ki la leh ïa kaei kaba U Trai U Blei jong ki u la ong ïa ki ban leh. Ki la sheptieng bad ki la kohnguh ïa u Haggai u nongïathuhlypa, u nonglamktien jong U Trai.

HAGGAI 1:14

U Trai u la pynkhih mynsiem ïa uwei pa uwei ban trei ha ka Templ: U Serubbabel, u lat ka Judah; u Joshua, u Rangbah Lyngdoh, bad ki briew baroh kiba la wan phai na ka jingshah ringmraw. Ki la sdang ban trei ïa ka Templ jong U Trai Badonbor Baroh, U Blei jong ki,

HAGGAI 2:2

U la ong ïa u Haggai ban kren ha u Serubbabel, u lat ka Judah, ha u Joshua, u Rangbah Lyngdoh, bad ha ki paidbah, bad ban ong ha ki,

HAGGAI 2:23

Ha kata ka sngi ngan shim ïa me, ko Serubbabel u shakri jong nga, bad ngan thung ïa me ban synshar ha ka kyrteng jong nga. Me long uta uba nga la jied.” U Trai Badonbor Baroh u la kren.

MATHAÏOS 1:17

Te kumta, la don khatsaw pateng bynriew naduh u Abraham haduh u Dabid, bad khatsaw pateng na u Dabid haduh ka jingshah ringmraw ha Babilon, bad khatsaw pateng naduh nangta haduh ka jingkha ïa u Messaïah.

LOUKAS 3:27

u khun jong u Joanan, u khun jong u Rhesa, u khun jong u Serubbabel, u khun jong u Shealtiel, u khun jong u Neri,