MARKOS 9:9 - Khasi CL Bible (BSI)

⁹ Katba ki dang wan hiar na u lum, U Jisu u la hukum ïa ki, “Wat ïathuh hano hano ïa kaei kaba phi la ïohi, tad haduh ba U Khun U Briew u la mihpat na ka jingïap.”

KA BAIBL

⁹ Te haba ki dang hiar na uta u lum, u la hukum skhem ïa ki, ba kin ym ïathuh hano hano ruh ïa kiei kiei ruh ïa kiba ki la ïohi, tad ynda U Khun u briew u la mihpat na ki baïap.

MARKOS 9:9 ပူးပေါင်းရင်းမြစ်များ

MATHAÏOS 12:19

Un ym ïakajia lane pyrta, lane kren ki jingkren bajam ha ki lynti bah.

MATHAÏOS 12:40

Ha kajuh ka rukom ba u Jonah u la pynlut lai sngi bad lai miet hapoh u dohkha uba heh, kumta U Khun U Briew un pynlut lai sngi bad lai miet ha kiba jylliew jong ka khyndew.

MATHAÏOS 16:21

Naduh kata ka por U Jisu u la sdang ban kren shai ha la ki synran, “Nga dei ban leit sha Jerusalem bad shahshitom shibun na ki tymmen ki san, ki rangbah lyngdoh bad ki nonghikai ka Hukum. Ïa nga yn pynïap, hynrei hadien lai sngi yn sa pynmihpat ïa nga.”

MATHAÏOS 27:63

bad ki la ong, “Ko Kynrad, ngi kynmaw ba katba uta u nongshukor u dang im u la ong, ‘Yn sa pynmihpat ïa nga hadien lai sngi.’

MATHAÏOS 8:4

Nangta U Jisu u la ong ha u, “To shahshkor! Wat ïathuh hano hano, hynrei khie leit beit beit sha u lyngdoh bad ai un khmih bniah ïa me; te khnang ban pynshisha ha uwei uwei baroh ba me la khiah, ai ïa ka jingkñia kaba u Moses u la hukum.”

MARKOS 5:43

Hynrei U Jisu u la ai ïa ki ka hukum bapyrkhing ban ym ïathuh hano hano ruh, bad u la ong, “Ai ei ei ïa ka ban bam.”

MARKOS 7:36

Te U Jisu u la hukum ïa ki briew ban ym kren shaphang kata hano hano ruh; hynrei katba u nang hukum ïa ki ban ym ïathuh, katta ki nang ïathuh.

MARKOS 9:10

Ki la kohnguh ïa ka hukum jong u, hynrei para ma ki, ki la sdang ban ïakren shaphang kane, “Aïu kane ‘kaba mihpat na ka jingïap’ ka mut?”

MARKOS 9:8

Ki la phai stet sawdong hynrei kim shym la ïohi ïano ïano pat; tang U Jisu u la don bad ki.

LOUKAS 24:46

“Kane ka long kaei kaba la thoh: U Messaïah u dei ban shahshitom bad u dei ban mihpat na ka jingïap hadien lai sngi,

LOUKAS 9:36

Haba ka sur ka la sangeh, la don tang U Jisu hi marwei. Ki synran jong u ki la sngap jar shaphang kane baroh, bad kim shym ïathuh hano hano ha kata ka por ïa kaei kaei kaba ki la lah ïohi.