MARKOS 9:41 - Khasi CL Bible (BSI)

⁴¹ Nga ong skhem ïa phi ba uno uno uba ai ïa phi ka um ban dih namar ba phi long ha ka liang jong nga, un ïoh da shisha ïa la ka bainong.

KA BAIBL

⁴¹ Naba uno uno ruh u ban ai ha phi ban dih shi khuri ka um ha ka kyrteng jong nga, namar ba phi long ki jong U Khrist, shisha nga ong ha phi, un ym duh da lei lei ïa la ka nong.

MARKOS 9:41 ပူးပေါင်းရင်းမြစ်များ

MATHAÏOS 10:42

Phi lah ban sngewthikna ba uno uno uba ai dih wat shi khuri ka umkhriat ha uwei uba rit tam na kine ki nongbud jong nga namar ba u dei u nongbud jong nga, un ïohpdiang da shisha ïa ka bainong.”

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

MARKOS 4:10

Mynba U Jisu u don marwei, katto katne ngut na kito kiba la ïohsngew ïa u ki la wan sha u ryngkat bad ki khat-ar ngut ki synran bad ki la kylli ïa u ban batai ïa ki pharshi.

Ka Shithi U Paul Sha Ki Nong Rom 14:15

Lada phi pynmong ïa la u parabangeit namar kaei kaba phi bam, te phim leh shuh na ka jingieit. To wat ai ba ka jingbam kaba phi bam kan pynsniew ïa u briew ïa uba U Khrist u la ïap na ka bynta jong u!

Ka Shithi U Paul Sha Ki Nong Rom 8:9

Hynrei phim im kumba ka jinglong ba kynja doh jong phi ka ong ïa phi ban leh; pynban, phi im kumba U Mynsiem u ong ïa phi ban leh — lada, shisha, U Mynsiem U Blei u don hapoh jong phi. Uno uno u bym don ïa U Mynsiem jong U Khrist, um long u jong u.

1 KORINTH 15:23

Hynrei ïa uwei pa uwei yn pynmihpat kat kum ka jingbuh ryntih: Ïa U Khrist nyngkong eh na baroh; nangta ha ka jingwan jong u, sa ïa kito kiba dei ki jong u.

2 KORINTH 10:7

Phi khmih ïa kiei kiei kiba paw shabar. Hato don mano mano hangto uba dawa ne kaba dawa ïa lade ba phi dei jong U Khrist? La kumno kumno, ai ba un pyrkhat biang shaphang ïa lade, namar ngi long ki jong U Khrist, kumba long ma u hi.

GALATIA 3:29

Lada phi dei ki jong U Khrist, te, phi long ki nonghiarpateng u Abraham bad phin ïohpdiang ïa kaei kaba U Blei u la kular.

GALATIA 5:24

Bad kita kiba long ki jong U Khrist Jisu ki la pynïap ïa ka jinglong ba kynja briew lem ïa ki jingthrew bad ki jingkwah brai jong ka baroh.