MARKOS 9:4 - Khasi CL Bible (BSI)

⁴ Nangta, ki lai ngut ki synran ki la ïohi ïa u Elijah bad ïa u Moses ba ki ïakren bad U Jisu.

KA BAIBL

⁴ La paw ruh ha ki u Elias lem bad u Moses, bad ki da ïakren bad U Jisu.

MARKOS 9:4 ပူးပေါင်းရင်းမြစ်များ

MATHAÏOS 11:13

Haduh ka por jong u Ïoannis baroh ki nongïathuhlypa bad ka Hukum u Moses ki la kren shaphang ka Hima;

MARKOS 9:3

bad ki jaiñ jong u ki la kylla phyrnai lieh — kham lieh ban ïa kaba uno uno ha ka pyrthei u lah ban sait ïa ki.

MARKOS 9:5

U Petros u la kren bad ong ïa U Jisu, “Ko Nonghikai, katno ka long kaba bha ba ngi ïadon hangne! Ngin thaw noh lai tylli ki ïingjaiñ, kawei ïa me, kawei ïa u Moses, bad kawei ïa u Elijah.”

LOUKAS 24:27

Bad U Jisu u la batai ha ki ïa kaei kaba la ong shaphang jong u hi ha baroh ki Jingthoh Bakhuid, da kaba sdang da ki kitab u Moses bad ki jingthoh jong ki nongïathuhlypa baroh.

LOUKAS 24:44

Nangta u la ong ha ki, “Kine ki long kita kiei kiei kiba nga la ïathuh ha phi mynba nga dang don lem bad phi: Kaei kaei baroh kaba la thoh shaphang jong nga ha ka Hukum u Moses, ha ki jingthoh jong ki nongïathuhlypa, bad ha Ki Salm ka dei ban urlong shisha.”

LOUKAS 9:19

“Katto katne ngut ki ong ba me dei u Ïoannis u Nongpynbaptis,” ki la jubab. “Kiwei pat ki ong ba me dei u Elijah, katba kiwei pat ki ong ba me dei uwei na ki nongïathuhlypa na mynbarim uba la mihpat.”

ÏOANNIS 5:39

Phi pule ïa ki Jingthoh Bakhuid, namar phi pyrkhat ba ha ki phin shem ïa ka jingim bymjukut. Bad kine hi ki Jingthoh Bakhuid ki kren shaphang jong nga!

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.